ལུས་བཟོ་ཡིད་བཟོ་ངག་བཟོ་གསུམ་

བཟོ་རིག་པ་ལ་ཚན་པ་གསུམ་དུ་བྱས་ནས། ལུས་བཟོ་ནི་སྒྱུ་རྩལ་དྲུག་ཅུ་རེ་བཞིའི་ནང་གྱི་བཟོ་རིག་ཁོངས་སུ་གཏོགས་པ་སུམ་ཅུ་ཐམ་པ་དང་། ངག་བཟོ་ལ་འཆད་རྩོད་རྩོམ་གསུམ་གྱི་བྱ་བ། ཡིད་བཟོ་ལ་ནི་སེམས་ཕྱོགས་ལྷུང་མེད་པའི་དྲང་པོར་གནས་ཤིང་སྐྱིད་སྡུག་ཀུན་ལ་འགྱུར་བ་མེད་པའི་བློ་བརྟན་པ་དང་། ཤེས་བྱ་ཀུན་ལ་བློ་གྲོས་གསལ་ཞིང་བློ་རྒྱ་ཆེ་བ། སེམས་ཀྱི་འཇུག་སྒོ་ཟབ་ཅིང་སུས་ཀྱང་གཏིང་མི་ལོན་པ་བཅས་ཡོད།
༼དུང་དཀར་ཚིག་མཛོད་ཆེན་མོ་༽ལས་བཏུས།