ལུས་ཀྱི་མི་དགེ་བ་གསུམ་

༡.སྲོག་གཅོད་པ། ༢.མ་བྱིན་པར་ལེན་པ། ༣.ལོག་གཡེམ་བཅས་གསུམ་ཡིན། དེ་ཡང་སྲོག་གཅོད་པས་གཞན་གྱི་སྲོག་ལ་གནོད་ཅིང་འདིའི་འབྲས་བུ་རང་ཉིད་ཚེ་ཐུང་དུ་འགྲོ། མ་བྱིན་ལེན་གྱིས་གཞན་གྱི་ལོངས་སྤྱོད་ལ་གནོད་ཅིང་དེའི་འབྲས་བུ་རང་ཉིད་དབུལ་དུ་འགྲོ། ལོག་གཡེམ་གྱིས་གཞན་གྱི་མཛའ་མཐུན་ལ་གནོད་ཅིང་། དེའི་འབྲས་བུ་རང་ཉིད་ཀྱི་ཆུང་མ་གཞན་གྱིས་ཕྲོགས་པར་བྱེད་པ་བཅས་ཞིབ་པར《མངོན་པ་ཀུན་བཏུས》དང.《མངོན་པ་མཛོད》གཉིས་སུ་གསལ།
༼དུང་དཀར་ཚིག་མཛོད་ཆེན་མོ་༽ལས་བཏུས།