རྫོགས་རིམ་

རྡོ་རྗེའི་ལུས་ལ་གནད་དུ་བསྣུན་ཏེ་རྩ་ཐིག་རླུང་གསུམ་ལས་སུ་རུང་བ་ལ་བརྟེན་ནས་སྟོང་བཞིས་དྲངས་པའི་འོད་གསལ་དང་། དགའ་བཞིས་དྲངས་པའི་འོད་གསལ་དང་། དགའ་བཞིས་དྲངས་པའི་ལྷན་སྐྱེས་ཡེ་ཤེས་མངོན་དུ་བྱེད་པའི་ཤེས་རབ་ཁྱད་པར་ཅན།

རྫོགས་རིམ་གྱི་ངོ་བོ་ནི་དབུ་མར་རླུང་སེམས་ཞུགས་པ་དང་གནས་པ་དང་ཐིམ་པ་ལས་བྱུང་བའི་ཡེ་ཤེས་ཐུན་མོང་མ་ཡིན་པའི་རྒྱུ་འབྲས་དང་བཅས་པའོ། ། རྫོགས་པའི་སྐད་དོད་ནི་ཧྥནྣ་ཡོངས་སུ་གྲུབ་པའམ། རྣལ་མ་ལའང་འཇུག་པས། དངོས་གནས་ལ་ཡོངས་སུ་གྲུབ་པའམ། རྣལ་མའམ། རང་བཞིན་ལ་ཡོད་པའི་དོན་ཏེ། གསར་དུ་མ་བསྐྱེད་ཀྱང་སྔོན་ཉིད་ནས་རྫོགས་པར་གྲུབ་པའི་ཆོས་ཤིག་སྒོམ་པའི་དོན་ནོ། རིམ་པ་ནི་ལམ་གྱི་རིམ་པའོ། རྫོགས་རིམ་ལ་མ་བརྟགས་པའི་རིམ་པ་དང་རྣལ་མའི་རྣལ་འབྱོར་ཅེས་ཀྱང་ཟེར་ལ། རྣམ་རྟོག་གིས་གསར་དུ་མ་བཅོས་པར་ལྷན་ཅིག་སྐྱེས་པའི་རྣལ་འབྱོར་གྱི་ལམ་འཁོར་དང་བཅས་པ་ནི་རྫོགས་པའི་རིམ་པའོ། །