རྩེ་ཞོལ་དགོན

མཚན་རྒྱས་པར་དབུ་རུ་ཀླུངས་ཤོད་རྩེ་བ་རྡོ་རྗེ་དབྱིངས་ཀྱི་སྐར་ཆུང་ཕོ་བྲང་ཞེས་ཞུ། འབེན་རྫ་དགོན་ནས་སྤྱི་ལེ་༢༣ཙམ་མུ་མཐུད་སོང་ན་རྩེ་ཞོལ་གྲོང་དབུས་སུ་དགོན་དེ་མཇལ་རྒྱུ་ཡོད། དགོན་དེ་ནི་ཐོག་མར་ཆོས་རྒྱལ་ཁྲི་སྲོང་གི་སྲས་མུ་ནེ་བཙན་པོས་ཕྱག་འདེབས་གནང་མཛད། བསམ་ཡས་གཙུག་ལག་ཁང་མ་བཞེངས་གོང་མཐའ་འདུལ་གྱི་གཙུག་ལག་ཁང་ཡིན། འབྲི་གུང་དགོན་སྡེ་ཁག་གི་མ་དགོན་ཡིན། འབྲི་གུང་ཆེ་ཚང་ཆུང་ཚང་གཉིས་ཀ་གནས་དེར་ཕེབས། སྔོན་གྲྭ་པ་༢༥ལ་བླ་བྲང་གོང་འོག་གཉིས་ནས་གསོལ་ཕོག་གནང་། འབྲི་གུང་བླ་བྲང་གོང་འོག་གཉིས་ཀྱི་སྐྱབས་མགོན་དབྱར་ཁ་ཡང་རི་སྒར་དང་། དགུན་ཁ་རྫོང་རྩེ། དཔྱད་ཀ་གནས་དེ་བཅས་སོ་སོར་བཞུགས་པ་ཡིན། ད་ལྟ་སྔོན་རྒྱལ་པོ་དོན་གྲུབ་བཞུགས་གནས་སུ་གསར་བཞེངས་གནང་བའི་ནང་སངས་རྒྱས་དགུང་ལོ་བརྒྱད་ཀྱི་སྐུ་ཚད་དང་། བརྒྱད་པ་དོན་གྲུབ་ཀྱི་སྐུ་བརྙན་སོགས་གསར་བཞེངས་གནང་བ་དང་། སངས་རྒྱས་ཞལ་བཞུགས་སྐབས་ཀྱི་རི་དྭགས་ཀྲི་ཎའི་པགས་པ་སོགས་མཇལ་རྒྱུ་ཡོད། ཡང་དགོན་དེ་ནས་ཆུ་ཕར་ཐོན་ན་དྲུང་ཚུལ་བཀྲས་པ་དང་དཔལ་འབྱོར་རྒྱལ་མཚན་པས་བཏབ་པའི་བྱམས་པ་གླིང་དགོན་ཞེས་པ་མཇལ་རྒྱུ་ཡོད།