རྣམ་བདུན་གྱི་དཔྱད་པ་

ཆོས་རྣམས་ལ་རྣམ་པ་བདུན་གྱི་རིགས་པའི་སྒོ་ནས་དཔྱད་པ་བྱས་ཚེ་ཤིང་རྟ་ལྟ་བུར་མཚོན་ན། ཤིང་རྟ་དེ་རང་གི་ཡན་ལག་དང་གཅིག ཐ་དད། རྟེན། བརྟེན་པ། ཡན་ལག་དང་ལྡན་པ། ཡན་ལག་ཚོགས་ཙམ། དབྱིབས་བཅས་རྣམ་པ་བདུན་པོ་གང་རུང་ཞིག་ལ་ཤིང་རྟ་འཇོག་གིན་ཡོད་མེད་དཔྱད་ནས་རྣམ་པ་བདུན་པོ་གང་ལའང་ཤིང་རྟ་འཇོག་མི་རུང་བས་ཤིང་རྟ་ཞེས་པ་མིང་རྐྱང་བཏགས་ཡོད་ཙམ་ཞིག་ཏུ་ཡོད་པ་ལས་བཏགས་དོན་བཙལ་ནས་རྙེད་རྒྱུ་མེད་པའི་དོན་ཡིན། འཇུག་པ་ལས། རྣམ་བདུན་གྱིས་མེད་གང་དེ་ཇི་ལྟ་བུར། ཡོད་དེ་རྣལ་འབྱོར་པ་དེས་ཡོངས་མི་རྙེད། ཅེས་གསུངས།