རྣམ་དབྱེའི་སྡོམ
རྣམ་དབྱེ་བརྒྱད་ནི་གོར་རིམ་གཞིན། ། དང་པོ་ངོ་བོ་གཉིས་པ་ལས།། ། གསུམ་པ་བྱེད་པ་བཞི་བ་དགོས། ། ལྔ་བ་འབྱུངས་དྲུག་པ་འབྲེལ། ། བདུན་པ་གནས་གཞི་བརྒྱད་པ་འབོད། ། གང་ཞིག་ངོ་བོ་ཙམ་བརྗོད་པ། ། རྣམ་དབྱེ་དང་པོ་ཡིན་ཏེ་དཔེར། ། བུམ་པ་ཀ་བ་ཞེས་བརྗོད་བཞིན། ། དེ་དང་འབྲེལ་བའི་རྫོགས་ཚིག་ནི། ། གོ་ངོ་དོ་ནོ་བོ་མོ་འོ། ། རོ་ལོ་སོ་ཏོ་བཅུ་གཅིག་གོ། ། སླར་སྡུད་ཟླ་སྡུད་ཅེས་ཀྱང་བྱ། ། ལ་དོན་རྣམ་པ་བདུན་ཡོད་དེ། ། སུ་རུ་དུ་ཏུ་ན་ར་ལ། ། གཉིས་བ་བཞི་བ་བདུན་པ་དང་། ། དེ་ཉིད་ཚེ་སྐབས་རྣམས་ལ་འཇུག། ། ས་སུ་ག་བ་ད་དྲག་ཏུ། ། ང་ད་ན་མ་ར་ལ་ཏུ། ། འ་དང་མཐའ་རྟེན་མེད་མཐའ་རུ། ། འདི་དང་ར་མཐའ་བྱ་བ་གཅིག། ། ན་ལ་གཉིས་ནི་སྐབས་དང་སྦྱར། ། རྣམ་དབྱེ་སྦྱར་སའི་གཞི་དེ་ལ། ། བྱ་བ་བྱས་དང་བྱེད་པ་ཙམ། ། སྟོན་པ་རྣམ་དབྱེ་གཉིས་པ་ཡིན། ། རྣམ་དབྱེ་སྦྱར་སའི་གཞི་དེ་ལ། ། ཆེད་དུའམ་དགོས་པ་སྟོན་པ་དེ། ། རྣམ་དབྱེ་བཞི་བ་དགོད་ཆེད་ཡིན། ། རྣམ་དབྱེ་སྦྱར་སའི་གཞི་དེ་ལ། ། ཆོས་ཤིག་གནས་ཙམ་སྟོན་པ་དེ། ། རྣམ་དབྱེ་བདུན་པ་གནས་གཞི་ཡིན། ། རྣམ་དབྱེ་སྦྱར་ས་དེ་ཉིད་ཀྱི། ། ངོ་བོ་ཉིད་དུ་གྲུབ་སྟོན་པ། ། དེ་ཉིད་ཅེས་བྱའི་ཚིག་ཕྲད་དོ། ། དུས་ཙམ་སྟོན་པའི་ལ་དོན་དེ། ། ཚིག་ཕྲད་ཚེ་སྐབས་ཞེས་བྱ་ཡིན། ། དྲུག་པ་འབྲེལ་སྒྲ་ཁྱད་གཞི་དང་། ། ཁྱད་ཆོས་གང་དག་འབྲེལ་བྱེད་པའི། ། ཀྱི་གི་གྱི་འི་ཡི་ལྔ་བོ། ། རྣམ་དབྱེ་གསུམ་པ་བྱེད་པ་ནི། ། སྟེ་ཏེ་དེ་གསུམ་ནས་ལས་བཅས། ། བྱེད་པོ་གང་གིས་བྱ་བ་ཞིག། ། བྱས་དང་བྱེད་པ་སྟོན་བྱེད་པའི། ། ཀྱིས་གིས་གྱིས་འིས་ཡིས་རྣམས་སོ། ། ད་བ་ས་ཀྱི་ག་ང་གི། ། ན་མ་ར་ལའི་རྗེས་སུ་གྱི། ། འ་དང་མཐའ་རྟེན་མེད་མཐར་འི། ། རྐང་པ་སྐོང་ཚེ་ཡི་ཞེས་ཐོབ། ། རྒྱན་སྡུད་ཀྱང་འང་ཡང་གསུམ་ནི། ། མཐུན་དང་མི་མཐུན་ཆོས་གཉིས་ནི། ། ག་ད་བ་ས་ད་དྲག་མཐར། ། ཀྱང་ཐོབ་ང་ན་མ་ར་ལའི། ། མཐའ་རུ་ཡང་ནི་སྦྱོར་བ་སྟེ། ། རྗེས་འཇུག་མེད་དང་འ་ཡི་མཐར། ། འང་དང་ཡང་གཉིས་ཅི་རིགས་སྦྱོར། ། ཡང་ནི་བསྐྱར་དང་བསྣན་ལའང་འཇུག། ། བསྟན་བྱ་ཚིག་གི་ལྷག་མ་ཙམ། ། འདྲེན་པའི་ལྷག་བཅས་ལ་འཇུག་གོ། ། ད་དེ་ན་ར་ལ་ས་དང་། ། ད་དྲག་ཅན་མཐར་ཏེ་རྐྱང་ཐོབ། ། ག་ང་བ་མ་འ་རྣམས་དང་། ། མཐའ་རྟེན་མེད་མཐར་ས་སྟེ་ཐོབ། ། ལ་དང་ནས་ནི་རང་དབང་ཅན། ། འབྱེད་སྡུད་སྐབས་སུ་རྗེས་འཇུག་བཅུ། ། རང་འདྲར་མ་ཡིག་སྦྱར་བ་དང་། ། ད་དྲག་ཐོབ་མཐར་ཏ་དང་སྦྱར། ། ནས་ལས་གཉིས་ནི་འབྱུང་ཁུངས་དང་། ། དགར་དང་སྡུད་པ་གསུམ་ལ་འཇུག། ། གང་ཞིག་གང་ལས་བྱུང་སྟོན་པའི། ། ནས་ལས་གཉིས་ནི་འབྱུང་ཁུངས་ཡིན། ། ཀྱེ་དང་ཀྭ་ཡེ་འབོད་པའི་སྒྲ། ། ཕལ་ཆེར་མིང་གི་ཐོག་མར་སྦྱོར། ། ཅེས་བྱའོ། ། དམུ་དགེ་བསམ་གཏན་གྱིས།