རོ་ལངས་

རོ་ལངས་ནི། མི་ཤི་རྗེས་ཕུང་པོའི་ནང་དུ་གདོན་གཞན་ཞུགས་ནས་བསྐྱར་དུ་ལངས་པ། གདོན་འདིའི་བཟུང་བའི་ནད་རྟགས་སུ་གཉིད་ལ་དགའ་བ་དང༌། རྒྱན་འདོགས་པ། ལུས་འདར་བ་བཅས་འབྱུར་བར་བཤད། བསེ་རག་ནི། ཟས་ནོར་གྱི་བཅུད་ཟ་བའི་འབྱུང་བོའི་བྱེ་བྲག་པ་ཞིག་ཡིན། འགོང་པོ་ནི། རང་གི་ཆོས་འབྲེལ་ཡོད་པའི་བླ་མ་དང་དམ་ཚིག་འགལ་བའི་མི་དེ་ཤི་རྗེས་འགོང་བོ་ཟེར་བའི་གདོན་འདྲེར་སྐྱེས་པ་ཡིན། དམུ་ཞེས་པ་ནི། འདྲེ་གདོན་རིགས་མི་འདྲ་ཕན་ཚུན་འདུས་ནས་བྱུང་བའི་རིགས་འདྲེས་པའི་གདོན་འདྲེ་ལ་དམུ་ཞེས་བཤད་པ་ཡིན། གཉན་ཞེས་པ་ནི། ས་ལ་བདག་ཏུ་འཛིན་པའི་ཀླུའི་རིགས་སུ་གཏོགས་པ་ཞིག་སྟེ། ས་གཉན་དང༌། ཆུ་གཉན། ཤིང་གཉན། རྡོ་གཉན་སོགས་གཉན་དང་སྐྱེལ་བའི་ས་བདག་ཅིག་ཏུ་འདོད་པ་ཡིན། ཟོ་དོར་ནི། ཡུལ་འཁོར་སྐྱོང་བའི་ཡུལ་ལྷ་གཞི་བདག་གི་གཙོ་བོའམ་གྲགས་པ་ཆེ་ཤོས་ཀྱི་རིགས་ལ་ཟེར། རྒྱལ་བསེན་ནི། གདུག་རྩུབ་ཅན་གྱི་འདྲེ་གདོན་ཕོ་མོ། བྱིས་པ་དང་བཙས་མ་ཐག་པའི་ཕྲུ་གུ་ལ་གནོད་པར་བྱེད་པའི་གདུག་འདྲེ་སྟེ་རྒྱལ་བསེན་དང་བསེན་མོ་རུ་གྲགས།