རི་འཇོམས།

རི་འཇོམས་ནི་རྒྱལ་བྱིན་གྱི་མིང་ཡིན། དེ་ཡང་གཏན་རྒྱད་ལ་སྔོན་བསྐལ་པ་ཐོག་མར་ཆགས་པའི་ཚེ་རི་བོ་རྣམས་འགྲོ་འོང་བྱེད་པས་སེམས་ཅན་ལ་གནོད་ཚབ་ཆེ་བར་བརྟེན་རྒྱལ་བྱིན་གྱིས་རྡོ་རྗེས་རིའི་རྐང་པ་བཅག་ནས་འགྲོ་བ་མེད་པར་བྱས་པས་ན་རི་འཇོམས་ཞེས་སོ།

 རྒྱལ་བྱིན་གྱི་ལག་གི་རྡོ་རྗེའི་གཏམ་རྒྱུད་ནི། དེ་ཡང་སྔོན་དྲང་སྲོང་པྲ་ཏི་ཙི་ཞེས་བྱ་བའི་བུ་ཞོ་འཐུང་ཞེས་པ་ལོ་བྱེ་བ་ཕྲག་བདུན་གྱི་བར་དུ་དཀའ་ཐུབ་ལ་གནས་པའི་དྲང་སྲོང་ཞིག་ཡོད་པ་དེའི་རུས་པ་བླངས་ནས་མཚོན་ཆ་བྱེད་ན་ཕྱོགས་ཐམས་ཅད་ལས་རྣམ་པ་རྒྱལ་ལོ་ཞེས་ལྷ་རྣམས་ཀྱིས་ཐོས་པས། ལྷ་རྣམས་ཀྱིས་དྲང་སྲོང་ལ་གསོལ་བ་བཏབ་པས། དྲང་སྲོང་གིས་རང་ལུས་ཀྱི་ཤ་ལྷག་པ་བྱས་ཏེ། རུས་པ་ལྷ་རྣམས་ལ་བྱིན། ལྷ་རྣམས་ཀྱིས་དྲང་སྲོང་གི་རྩིབས་ལོགས་ཀྱི་རུས་པ་ལ་རྡོ་རྗེ་བྱས་ཏེ་རྒྱལ་བྱིན་གྱིས་ཁྱེར། བྱིན་པའི་རུས་པ་ལ་དབྱུག་པ་བྱས་ཏེ་དབང་ཕྱུག་གིས་ཁྱེར་བར་རིག་བྱེད་ཀྱི་གཏམ་རྒྱུད་ལ་གྲག་གོ།