རི་བོ་བྱ་རྐ།

《ཐང་ཟན་ཙང་གི་ལམ་ཡིག》ལས། རྡོ་རྗེ་གདན་ནས་ཤར་ཕྱོགས་སུ་ནགས་ཚལ་ཆེན་པོ་བརྒྱུད་དེ་ལེ་དབར་བརྒྱ་ལྷག་ཙམ་ན་ཡོད་པར་གསུངས། གནས་དེ་ནི་ཉན་ཐོས་འོད་སྲུང་ཆེན་པོ་འགོག་པ་ལ་སྙོམས་པར་ཞུགས་ཏེ་སངས་རྒྱས་བྱམས་པ་མ་བྱོན་གྱི་བར་དུ་མྱ་ངན་ལས་མི་འདའ་བར་བྱིན་གྱི་བརླབས་ཏེ་བཞུགས་པའི་གནས་བྱིན་ཅན་ཞིག་ཡིན། རི་རྩེར་མཆོད་རྟེན་དུས་བཟང་རྣམས་ལ་འོད་འཕྲོ་བ་ཞིག་ཡོད་ལ། ནགས་ཚལ་སྟུག་པོས་ཁེངས་ཞིང་། གཅན་གཟན་སྣ་ཚོགས་རྒྱུ་བའི་གནས་ཡིན་པས་འགྲུལ་ལམ་ཆད་ནས་ལོ་མང་པོར་སོང་ཟིན་སྟབས། རྒྱལ་པོས་འཁོར་གསུམ་དང་མདུང་རལ་ཐོགས་པའི་མི་སུམ་བརྒྱ་ཙམ་ལམ་སྲུང་དུ་བཏང་སྟེ། དད་ལྡན་ཁྲི་ལྷག་ཙམ་རྗེས་སུ་འབྲངས་ནས་མཇལ་བར་བསྐྱོད་ཀྱང་། རི་ངོས་སུ་འཛིན་ས་དཀའ་བའི་རྐྱེན་གྱིས་རི་རྩེར་མི་སུམ་སྟོང་ཙམ་མ་གཏོགས་མ་ཐར་ཞེས་གསལ།དུང་དཀར་ཚིག་མཛོད་ཆེན་མོ་༽ལས་བཏུས།