རས་ཚང་སྒོམ་སྡེ་

རས་ཚང་སྒོམ་སྡེ་ སིལ་བུའི་དུས་ཀྱི་བོད་ཁམས་ཡོངས་རྫོགས་སྲིད་དོན་ཕལ་པར་བཞག་སྟེ་ཆོས་ཀྱི་བྱ་བ་གཙོ་བོར་བྱེད་པའི་སྐབས་དེར་ཁམས་སྟོད་དུ་འབའ་རོམ་དར་མ་དབང་ཕྱུག་གི་སློབ་ཆེན་ཏི་ཤྲི་རས་པ་དང་ཁོང་གི་སློབ་མ་རས་པ་དཀར་པོ་སོགས་ཀྱི་དབང་བསྒྱུར་སྐབས་རས་པ་བླ་སློབ་རིམ་བྱོན་གྱི་སྐུ་རིང་ལ། བཀའ་བརྒྱུད་བླ་མའི་རྣམ་ཐར་བཞིན་དབྱར་ དགུན་མེད་པར་རས་རྐྱང་མཛད་དེ། གཅིག་ཏུ་འཚོགས་པས་རས་པ་ཚང་ངམ་རས་ཚང་ཞེས་འབོད་ཅིང་། ཕོ་མོ་ཐམས་ཅད་ སྒོམ་སྒྲུབ་ལ་བརྩོན་ཤིང་རི་ཀླུང་ཀུན་ཏུ་སྒོམ་པས་ཁེངས་ནས།བཤད་སྒྲུབ་ལས་གསུམ་ལ་གཅིག་ཏུ་གཞོལ་བའི་སྡེ་མང་པོ་ བྱུང་བས། རས་ཚང་སྒོམ་སྡེ་ཞེས་ཐོག་པ་ཡིན་ལ། ད་ལྟའང་སྒོམ་སྡེ་ནང་ཆེན་ཞེས་འབོད་པའི་དོན་ཡང་དེ་ཡིན་ནོ།།