རང་སྣང་།

ཕྱི་རོལ་གྱི་ཡུལ་གང་འདྲ་ཞིག་རང་གི་སེམས་ལ་འཆར་ཡང་འཆར་སྣང་དེ་རང་སེམས་ཀྱི་སྣང་ཆ་ཡིན་པ་ལས། རང་སེམས་ཀྱི་སྣང་ཆ་དེ་ལས་ལོགས་སུ་རང་ཚུགས་ཐུབ་པའི་དངོས་པོའི་རིགས་གཏན་ནས་མེད་ཅེས་བཀའ་བརྒྱུད་ཀྱི་བླ་མ་གོང་མ་ཚོའི་གསུང་རྒྱུན་དུ་ཡོད། ཚིག་འདི་ལ་དེང་སང་མི་མང་པོ་ཞིག་གིས་གོ་ནོརཐེབས་ནས་མི་ཤེས་ཤེས་མདོག་བྱས་ཏེ་སངས་རྒྱས་ཆོས་ལུགས་པས་སེམས་ཨང་དང་པོ་དང་། དངོས་པོ་ཨང་གཉིས་པ་ཡིན་པ། ཕྱི་རོལ་གྱི་དངོས་པོ་ཚང་མ་སེམས་ལ་བརྟེན་ནས་བྱུང་བར་ཁས་ལེན་གྱི་འདུག་ཅེས་དགག་པ་དང་སྐྱོན་བརྗོད་ཀྱི་རྩོམ་ཡིག་མང་པོ་བྲིས་པ་ནི་ཟླ་བ་ལྔ་པ་དང་། རྒྱལ་བ་ལྔ་པ་ནོར་བ་ཁོ་ན་སྟེ། དེ་འདྲ་བཤད་པའི་སངས་རྒྱས་ཆོས་ལུགས་ཀྱི་གཞུང་གཏན་ནས་མེད་དོ། ། ༼དུང་དཀར་ཚིག་མཛོད་ཆེན་མོ་༽ལས་བཏུས།