རང་བཞིན་

རང་བཞིན་ཞེས་པ་ནི་ཤེར་ཕྱིན་གྱི་གཞུང་ལུགས་ཁག་ཏུ་གལ་ཆེའི་ཐ་སྙད་ཅིག་ཏེ། དངོས་པོ་རྣམས་ཀྱི་རང་གི་ངོ་བོའམ་གཤིས་ལུགས་ལ་གོ་ཞིང་། ཁྱད་པར་དུ་ཤེར་ཕྱིན་གྱི་སྐབས་སུ་རང་བཞིན་མེད་པའམ་རང་བཞིན་གྱིས་སྟོང་པ་ཞེས་པའི་ལྟ་བ་གཙོ་བོར་སྟོན་པ་ཡིན་ནོ། །

མཚན་ཉིད།

དངོས་པོ་རྣམས་ཀྱི་རང་གི་ངོ་བོའམ་གཤིས་ལུགས་བདེན་པར་གྲུབ་པའི་ཁྱད་ཆོས་ལ་རང་བཞིན་ཞེས་བྱའོ། །

སྒྲ་བཤད།

གཞན་ལ་ལྟོས་མེད་ཀྱི་དོན་དང་། བཞིན་ཞེས་པ་ནི་གནས་ལུགས་སམ་ཡིན་ལུགས་ཀྱི་དོན་ཏེ། དེས་ན་རང་གི་ངོ་བོ་ཉིད་ཀྱིས་གནས་པའི་གཤིས་ལ་རང་བཞིན་ཞེས་བྱའོ། །

འགྲེལ་བཤད།

སྟོང་ཉིད་ཀྱི་སྐབས་སུ་རང་བཞིན་གྱི་གོ་དོན། "གཟུགས་འདི་ནི་སྣང་ཡང་བདེན་པ་མེད་པའི་རང་བཞིན་དུ་ཤེས་པར་བྱའོ། །"ཞེས་གསུངས་པ་ལྟར་རོ། །"ཆོས་ཐམས་ཅད་ལ་མངོན་པར་ཞེན་པའམ་ཆགས་པ་མ་ལུས་པ་གཅོད་པར་བྱེད་ཅིང་། ཤེས་བྱའི་ཆོས་ཀུན་ལ་བདེན་ཞེན་གྱིས་ཆགས་པའི་རྣམ་པར་རྟོག་པ་ས་བོན་དང་བཅས་པ་ཡོངས་སུ་སྤངས་ཏེ་ཟད་པར་འདོད་པ་དང་།" ཞེས་གསུངས་སོ། །རང་བཞིན་མེད་པའི་དོན། "གཟུགས་དང་དེ་བཞིན་དུ་འདུ་ཤེས་དང་། ཚོར་བ་དང་སེམས་དཔའ་དང་། རྣམ་པར་ཤེས་པ་ལ་རང་བཞིན་མེད་པས་མ་བཅིངས་པ་ཡིན་པ་ལ།" ཞེས་གསུངས་པ་དང་། "གཟུགས་སོགས་ཀྱི་ཆོས་ཐམས་ཅད་ཀྱང་དོན་དམ་པར་རང་བཞིན་གྱིས་སྟོང་པར་ཤེས་པའི་སྒོ་ནས་ཐ་སྙད་དུ་བྱང་ཆུབ་སྒྲུབ་པ་ལ་འཇུག་གོ །"ཞེས་་གསུངས་སོ། །རང་བཞིན་སྟོང་པའི་གནད། "ཉོན་མོངས་པ་དང་རྣམ་བྱང་གི་ཆོས་རྣམས་སྣང་བདེན་གྱི་རང་བཞིན་མེད་པར་ཡོངས་སུ་ཤེས་པར་གྱུར་པ་འདི་ནི། གནས་ལུགས་ཤེས་རབ་ཀྱི་ཕ་རོལ་ཏུ་ཕྱིན་པ་མཆོག་ལ་སྤྱོད་པ་ཡིན་ནོ། །"ཞེས་གསུངས་སོ། །"དོན་དམ་པ་མཐར་ཐུག་པའི་ངོ་བོ་བཅོས་མིན་ཆོས་ཉིད་ཀྱི་གཤིས་རྣལ་མ་ནི་མ་ཡིན་པས་འདི་ལྟར་སྣང་བ་དང་སྟོང་པ་ཀུན་རྫོབ་དང་དོན་དམ་ཞེས་པའི་གཉིས་ཆོས་ཐམས་ཅད་གཉིས་སུ་མེད་པར་གྱུར་པའི་ཆོས་དབྱིངས་རྣམ་གྲངས་མིན་པའི་དོན་དམ་སོ་སོ་རང་གིས་རིག་པའི་ཡེ་ཤེས་ཀྱིས་རྟོགས་པར་བྱ་བ།" ཞེས་གསུངས་སོ། །རང་བཞིན་གྱི་གཏན་ཚིགས། "སྔོན་པོ་ལ་སོགས་པ་ཡང་ཡོད་པར་དམིགས་པའི་མཚན་ཉིད་དུ་གྱུར་པའི་ཕྱིར་ཞེས་བྱ་བ་ནི་རང་བཞིན་གྱི་གཏན་ཚིགས་སོ། །"ཞེས་རིགས་པའི་སྐབས་སུ་རང་བཞིན་གྱི་རྟགས་ཀྱང་གསུངས་སོ། །