ར་མེ་ཤྭ་རི།

དགའ་བའི་དབང་ཕྱུག་ཟེར་བའི་ཡུལ་གནས་ཉེར་བཞིའི་ནང་ཚན་དེ་ཡིན་ཅིང་། རྒྱ་གར་གྱི་ས་དབྱིབས་གྲུ་གསུམ་དུ་ཆགས་པའི་རྩེ་མོ་རྣོ་ཤོས་ལྷོ་ཕྱོགས་སུ་གཏད་པའི་རྒྱ་མཚོའི་འགྲམ་གྱི་སྣེ་དེར་ཡོད་ཅིང་། འདི་ནས་ཤར་ལྷོའི་ཕྱོགས་སུ་གྲུ་བཏང་ནས་ཕྱིན་ན་ལང་ཀའི་གྲོང་ཁྱེར་རམ་ལང་ཀའི་གླིང་ཕྲན་ཞེས་རྒྱལ་པོ་དགའ་བྱེད་ར་མ་ཎས་སྲིན་ཡུལ་དུ་དམག་དྲངས་པར་བཤད་པའི་ཡུལ་དེ་ཡོད། དེང་སང་སེངྒ་ལའམ་ཤིས་ལན་ཞེས་འབོད་པ་དེ་ཡིན། རྭ་མ་ཎའི་གཏམ་རྒྱུད་ནང་འཁོད་པ་ལྟར་ས་གནས་སིངྒ་ལའི་གླིང་བར་རི་ཡི་ཟམ་པར་གྲགས་པའི་རི་ཆུང་རྡོག་ཙམ་བར་མ་ཆད་པར་མཐོང་རྒྱུ་ཡོད་ཟེར། ར་མེ་ཤྭ་རི་ཞེས་པ་བོད་སྐད་དུ་བསྒྱུར་ན་དགེ་བ་ཅན་ཞེས་པའི་དོན་ཡིན་པར་སྐད་གཉིས་ཤན་སྦྱར་གྱི་གཞུང་འགའ་ཞིག་ལས་བཤད།༼དུང་དཀར་ཚིག་མཛོད་ཆེན་མོ་༽ལས་བཏུས།