ཡིད་གཉིས་

ཡིད་གཉིས་ཞེས་པ་ནི་སེམས་ཀྱི་ངང་ཚུལ་གཉིས་སུ་ཕྱེ་བའི་ཚུལ་དུ་གྱུར་པ་སྟེ། གཅིག་ལ་ནི་ཡིད་ཆེས་ལ། གཅིག་ལ་ནི་ཐེ་ཚོམ་ཡོད་པའི་བློའི་ངང་ཚུལ་ལ་ཟེར། དེ་ཡང་ངེས་ཤེས་མ་སྐྱེས་པའི་ཆར་ཐེ་ཚོམ་གྱི་རྣམ་པར་གནས་པའོ། །

ཁྱད་ཆོས།

བྱང་ཆུབ་སེམས་དཔའ་ཆེན་པོ་རྣམས་ནི་"འདི་ལྟར་དེ་ཁོ་ན་ཉིད་ཀྱི་དོན་ལ་ཐེ་ཚོམ་སོམ་ཉི་ཡིད་གཉིས་དང་བྲལ་ཞིང་གནས་ལུགས་ཀྱི་དོན་དང་ལྡན་པ་དེ། ཡུམ་ཤེས་རབ་ཀྱི་ཕ་རོལ་ཏུ་ཕྱིན་པ་ཐོས་ནས་ངེས་ཤེས་སྐྱེས་པས་ཡིད་མི་ནུར་བ་སྟེ།" ཞེས་གསལ།

"ཐེ་ཚོམ་དང་། བརྫུན་དང་། ཕྱིན་ཅི་ལོག་སྤངས་པས་ཐེ་ཚོམ་ཡིད་གཉིས་བྲལ་ལོ། །ཡང་དག་པའི་ཤེས་པ་ལྡན་པའི་ཕྱིར་དོན་ལྡན་ནོ། །ཤེས་རབ་ཕ་རོལ་ཕྱིན་པ་ཐོས་ནས་ཏེ། རྟོགས་པ་ཐོབ་པ་ནས་མི་ནུར་བའོ། །"ཞེས་གསུངས།

"ཐེ་ཚོམ་མེད་པའི་ཡིད་ཆེས་དེའི་སྒོ་ནས་ཟབ་མོ་ཤེས་རབ་ཀྱི་ཕ་རོལ་ཏུ་ཕྱིན་པ་ཐོས་ནས་དེའི་དོན་ལས་བློ་ཕྱིར་མི་ནུར་བ་དེ་ནི་རང་གི་བློ་གྲོས་ཀྱིས་ཆོས་ཟབ་མོ་ཉམས་འོག་ཏུ་ཚུད་པས་ན་གཞན་གྱི་དྲིང་ལ་མི་འཇོག་པ་སྟེ་གཞན་ལ་ལྟོས་ནས་དེས་གང་དུ་ཁྲིད་ཀྱང་དེར་འཇུག་པ་ལྟ་བུ་ངེས་པ་མེད་པ་མིན་ཞིང་།" ཞེས་གསུངས།

ཡིད་གཉིས་ཀྱི་རྣམ་གྲངས།

"འདི་ལ་སོམས་ཉི་སོགས་ཐེ་ཚོམ་གྱི་རྣམ་གྲངས་ཙམ་སྟེ་མངོན་དུ་རྒྱུ་བ་སོགས་ཐེ་ཚོམ་ཕྲ་རགས་གང་ཡང་མེད་པར་སྟོན་པའམ། ཡང་ན། ད་ལྟ་ལ་ཐེ་ཚོམ། འདས་པ་ལ་སོམས་ཉི། མ་འོངས་པ་ལ་ཡིད་གཉིས་ཀྱི་ཚུལ་གྱིས་ལམ་འབྲས་ལ་ཡིད་རྩེ་གཉིས་སུ་གྱུར་པ་མེད་ཅེས་སོགས་ལྡོག་པའི་ཁྱད་པར་དུ་བལྟ་བར་བྱའོ། །"ཞེས་གསུངས།

ཡིད་གཉིས་དང་བྲལ་བའི་ཡོན་ཏན།

"བྱང་སེམས་དེ་དག་ནི་འདི་འདྲ་བའི་ཆོས་དང་ལྡན་ཞིང་བདེན་འཛིན་གྱི་སྤྲོས་པ་མེད་པ། ཆོས་འདི་ལྟ་བུ་ལ་ཐེ་ཚོམ་དང་སོམ་ཉི་དང་ཡིད་གཉིས་བྲལ་ཞིང་ཡང་དག་པའི་ཡེ་ཤེས་ཀྱི་དོན་དང་ལྡན་ནོ། །"ཞེས་གསུངས།

ཡིད་གཉིས་དང་བྲལ་བའི་བྱང་ཆུབ་སེམས་དཔའ་དེ་དག་ནི་"དེ་དག་ཤེར་ཕྱིན་འདི་ཐོས་ན་ཡིད་ཐེ་ཚོམ་གྱིས་མི་ནུར་པ་དང་། གཞན་གྱི་དྲིང་མི་འཇོག་པ་སྟེ་གང་ལ་མ་བལྟོས་པ་དང་རང་གིས་ལས་འོག་ཏུ་ཕྱིར་མི་ལྡོག་པར་རིག་པར་བྱའོ། །"ཞེས་གསུངས་ཤིང་།

"དེ་ལྟར་གྱུར་པ་དེ་ཡི་ཕྱིར་ཐེག་པ་མཆོག་གི་ལམ་དང་འབྲས་བུ་ལས་ཕྱིར་མི་ལྡོག་པར་རིག་པར་བྱའོ། །"ཞེས་གསུངས།

ཡིད་གཉིས་ཡོད་པའི་སྐྱོན།

"མི་ཤེས་པ་དང་ལྡན་པས་ན་མི་མཁས་པའོ། །ཐེ་ཚོམ་གྱི་ཤེས་པ་ཡོད་པས་ན་བླུན་རྨོངས་པའོ། །"ཞེས་གསུངས་པ་ལྟར། ཡིད་གཉིས་ནི་ཐེ་ཚོམ་གྱི་ཤེས་པ་ཞིག་ཡིན་ལ། འདི་ཡོད་ན་བླུན་རྨོངས་པ་ཞིག་ཏུ་འགྱུར་བ་ཡིན།