འབྱུང་པོའི་གདོན་
འབྱུང་པོའི་གདོན་ཞེས་པ་ནི་མིའི་ལུས་སེམས་ལ་གནོད་པ་སྐྱེལ་བའི་མི་མངོན་པའི་འབྱུང་པོ་དང་གདོན་གྱི་རིགས་ལ་གོ་དགོས།
མཚན་ཉིད།
[རྩོམ་སྒྲིག]མི་མངོན་པའི་གཟུགས་ཅན་གྱི་སེམས་ཅན་གྱིས་མིའི་ལུས་སེམས་ལ་གནོད་པ་སྐྱེལ་བའི་ནུས་པ་དང་ལྡན་པ་ཞིག་ལ་གོ་དགོས།
སྒྲ་བཤད།
[རྩོམ་སྒྲིག]འབྱུང་པོ་ཞེས་པ་ནི་སྔར་མེད་གསར་དུ་བྱུང་བའམ་འབྱུང་བཞིའི་རང་བཞིན་ལས་གྲུབ་པའི་སེམས་ཅན། གདོན་ཞེས་པ་ནི་གནོད་པ་སྐྱེལ་བའི་དོན་ཏེ། དེ་གཉིས་ཀ་ལྡན་གྱི་མིང་དུ་འབྱུང་པོའི་གདོན་ཞེས་བརྗོད།
གནོད་པའི་རྣམ་པ།
[རྩོམ་སྒྲིག]"མིའི་འཇིག་རྟེན་འགའ་ཞིག་ལ་ལྷ་དང་ཀླུ་དང་འབྱུང་པོའི་གདོན་ལ་སོགས་པ་རིམས་ནད་མང་བའི་མིའམ་འགྲོ་མལ།"[༡] ཞེས་གསུངས་སོ། །"མིའི་འཇིག་རྟེན་འབྱུང་པོའི་གདོན་དང་ནད་མང་བ།"[༢] ཞེས་གསུངས་པ་ལྟར་རོ། །
སེལ་ཐབས།
[རྩོམ་སྒྲིག]འབྱུང་པོའི་གདོན་སེལ་བའི་ཐབས་སུ་བདེན་པའི་བྱིན་རླབས་བརྗོད་པ་གསུངས་ཏེ། "བྱང་ཆུབ་སེམས་དཔའ་དེ་ཕན་པ་དང་སྙིང་བརྩེ་བ་དང་ལྡན་པས་བདེན་པའི་བྱིན་བརླབས་བརྗོད་པས་དེ་དག་རབ་ཏུ་ཞི་བ་ལ།"[༣] ཞེས་གསུངས།
"འགྲོ་བ་རྗེས་སུ་གཟུང་བའི་བློས་ཕན་དང་སྙིང་བརྩེར་ལྡན་པས་འབྱུང་པོས་ཟིན་པ་བསལ་ནས་"[༤]ཞེས་གསུངས་པ་ལྟར། སྙིང་རྗེ་དང་བདེན་པའི་བྱིན་རླབས་ཀྱིས་འབྱུང་པོའི་གདོན་སེལ་ཐུབ་པར་བཤད།