འཕགས་པ་

འཕགས་པ་ཞེས་པའི་ཐ་སྙད་འདི་ནང་པ་སངས་རྒྱས་པའི་གཞུང་ལུགས་ཁག་ཏུ་ཡོན་ཏན་ཁྱད་པར་ཅན་དང་ལྡན་པའི་གང་ཟག་མཚོན་པར་བྱེད་པའི་ཆེད་དུ་བེད་སྤྱོད་གཏོང་བཞིན་ཡོད། སྤྱིར་འཕགས་པ་ཞེས་པ་ནི་བདེན་པ་མཐོང་བའི་གང་ཟག་སྟེ་འཇིག་རྟེན་པའི་གནས་སྐབས་ལས་འདས་ཤིང་མྱང་འདས་ཀྱི་ལམ་དུ་ཞུགས་པའི་སྐྱེས་བུ་དམ་པ་རྣམས་ལ་འཇུག་པར་བྱེད།

མཚན་ཉིད།

"དུག་རྣམ་པ་ལྔ་ལ་སོགས་པའི་སྐྱོན་རྣམས་སྤངས་ཏེ། ཡོན་ཏན་ཕུན་སུམ་ཚོགས་པ་དང་ལྡན་པས་ན་འཕགས་པའོ། །"ཞེས་གསུངས་པ་ལྟར་རོ། །

སྒྲ་བཤད།

"ཨཱཪྱ་ནི་འཕགས་པ།" ཞེས་གསུངས་པ་ལྟར་སཾསྐྲྀ་ཏའི་སྐད་དུ་ཨཱཪྱ་ཞེས་པ་བོད་སྐད་དུ་འཕགས་པ་ཞེས་བསྒྱུར། "སྡིག་པ་མི་དགེ་བའི་ཆོས་རྣམས་ལས་རིང་དུ་བསྲིངས་ཏེ་སོང་བས་ན་འཕགས་པའོ། །"ཞེས་གསུངས་པ་ལྟར་རོ། །"སོ་སྐྱེའི་ས་ལས་རིང་དུ་འཕགས་པ་"ཅེས་གསུངས་པ་ལྟར་སོ་སོ་སྐྱེ་བོའི་གནས་སྐབས་ལས་ཁྱད་པར་དུ་འཕགས་པའི་དོན་ཡིན་ནོ། །

དབྱེ་བ།

"རྒྱལ་བའི་སྲས་པོ་བདེན་དོན་ཟབ་མོ་ལ་མཁས་པ་སྟེ་བདེན་པ་མཐོང་བའམ་ཤེས་རབ་སྦྱང་བ་དང་། བྱང་ཆུབ་སེམས་དཔའ་ཕྱིར་མི་ལྡོག་པ་ཆེན་པོ་རྣམས་དང་། འཕགས་པ་དགྲ་བཅོམ་པ་"ཞེས་གསུངས་པ་དང་།"ཡང་དག་པའི་ལམ་དུ་ཞུགས་པ་ཉིད་ཀྱིས་ཤིན་ཏུ་ཁྱད་པར་དུ་འཕགས་པའི་མིར་གྱུར་པ་"ཞེས་གསུངས་པ་ལྟར་འཕགས་པ་ནི་འཕགས་པའི་ལམ་ལ་ཞུགས་པའི་གང་ཟག་སྟེ་བདེན་པ་མངོན་སུམ་དུ་མཐོང་བའི་སྐྱེས་བུ་དམ་པ་རྣམས་སོ། །

རྩོད་སྤོང་།

"ཆོས་རྣམས་ཀྱི་རང་བཞིན་སྟོང་པ་ཉིད་འདི་ཡེ་ནས་གནས་ཏེ། མདོ་ཆེན་མོ་ལས་སངས་རྒྱས་འཇིག་རྟེན་དུ་བྱོན་ཡང་རུང་མ་བྱོན་ཡང་རུང་སྟེ། ཆོས་རྣམས་ཀྱི་མཚན་ཉིད་ནི་དེ་བཞིན་དུ་གནས་སོ་ཞེས་གསུངས་པའི་ཕྱིར་རོ། །"ཞེས་གསུངས་པ་ལྟར་འཕགས་པའི་གང་ཟག་བྱུང་མ་བྱུང་ལ་མ་ལྟོས་པར་ཆོས་ཉིད་རང་བཞིན་གྱིས་གནས་པ་ཡིན་ནོ། །