འཁོར་ལོ་དྲུག་

འཁོར་ལོ་དྲུག་ནི་རྩ་འཁོར་ལོ་དྲུག་སྟེ། སྤྱི་བོ་བདེ་ཆེན་གྱི་འཁོར་ལོ། མགྲིན་པ་ལོངས་སྤྱོད་ཀྱི་འཁོར་ལོ། སྙིང་ག་ཆོས་ཀྱི་འཁོར་ལོ། ལྟེ་བ་སྤྲུལ་པའི་འཁོར་ལོ། གསང་གནས་བདེ་སྐྱོང་གི་འཁོར་ལོ། ནོར་བུའི་དབུས་ཀྱི་འཁོར་ལོ་དང་དྲུག་ཡིན།

རྩ་འཁོར་ལོ་དྲུག་སྟེ། སྤྱི་བོ་བདེ་ཆེན་གྱི་འཁོར་ལོ། མགྲིན་པ་ལོངས་སྤྱོད་ཀྱི་འཁོར་ལོ། སྙིང་ག་ཆོས་ཀྱི་འཁོར་ལོ། ལྟེ་བ་སྤྲུལ་པའི་འཁོར་ལོ། གསང་གནས་བདེ་སྐྱོང་གི་འཁོར་ལོ། ནོར་བུའི་དབུས་ཀྱི་འཁོར་ལོ་དང་དྲུག་ཡིན་ལ། འཁོར་ལོའི་སྒྲ་དོན་རྩ་འདབ་ཀྱི་དབྱིབས་འཁོར་ལོ་ལྟ་བུར་ཡོད་པས་སམ་གནད་བཅིངས་ནས་དེ་ལ་གནད་དུ་བསྣུན་པས་གནས་སྐབས་བཞིའི་འཁྲུལ་བ་གཅོད་པར་བྱེད་པས་ཏེ། དེའང་ལྟེ་བ་ན་རྩ་འདབ་དྲུག་ཅུ་རྩ་བཞི་དུས་སྦྱོར་གྱི་རླུང་དྲུག་ཅུ་རྩ་བཞི་དག་པ་གནད་བཅིངས་ནས་སད་པའི་གནས་སྐབས་སྤྲུལ་བའི་སྐུའི་དགོངས་པར་འཆར་བ་འབྱེད་པ་དང་། སྙིང་ག་ན་རྩ་འདབ་བརྒྱད་ཐུན་ཆེན་པོ་བརྒྱད་དག་པ་གནད་བཅིངས་ན་གཉིད་འཐུག་གི་གནས་སྐབས་འོད་གསལ་ཆོས་ཀྱི་སྐུའི་དགོངས་པར་འཆར་བར་བྱེད་པ་དང་། མགྲིན་པ་ན་རྩ་འདབ་བཅུ་དྲུག་འཕོ་བ་བཅུ་དྲུག་དག་པ་གནད་བཅིངས་ན་རྨི་ལམ་གྱི་གནས་སྐབས་ལོངས་སྐུའི་དགོངས་པར་འཆར་བར་བྱེད་པ་དང་། སྤྱི་བོ་ན་རྩ་འདབ་སུམ་ཅུ་སོ་གཉིས་ཆུ་ཚོད་དག་པ་ཐིག་ལེའི་གནད་བཅིངས་ན་ཆགས་པའི་གནས་སྐབས་ཡེ་ཤེས་ཀྱི་སྐུའི་དགོངས་པར་འཆར་བར་བྱེད་པ་བཞིའམ། 《དུས་འཁོར》ལས། གཙུག་ཏོར་དུ་ཐུན་ཆེན་པོ་བཞི། སྤྱི་བོར་ཚེས་བཅུ་དྲུག མགྲིན་པར་རྒྱུ་སྐར་ཉེར་བརྒྱད་དང་དབྱུ་གུ་བཞི། སྙིང་གར་གཟའ་བརྒྱད། ལྟེ་བར་དབྱུ་གུ་དྲུག་ཅུ་རྩ་བཞི། གསང་གནས་སུ་དཀར་ནག་གི་ཚེས་སོ་གཉིས་ཀྱི་རང་བཞིན་ཏེ་འཁོར་ལོ་དྲུག་ཡོད་པར་གསུངས་སོ། །