ཟིལ་གྱིས་གནོན་

ཟིལ་གྱིས་གནོན་ཞེས་པ་ནི་སྟོབས་ཆེ་བ་ཞིག་གིས་སྟོབས་ཆུང་བ་ལ་གཙོ་བོར་གྱུར་ཏེ་ཟུར་དུ་འགེངས་པའམ། ནུས་པ་ཆེ་བས་ནུས་པ་ཆུང་བ་ལ་གཙོ་གནད་ཐོབ་པའི་དོན་ཡིན། སྤྱིར་བཏང་དུ་ཡོན་ཏན་མཆོག་གིས་ཡོན་ཏན་དམའ་བ་ལ་གཟེངས་སུ་གྱུར་པ་དང་། དགེ་བ་ཆེན་པོས་དགེ་བ་ཆུང་བ་ལ་ཁྱབ་པ་སྤེལ་བ། ངོ་བོ་ལྷག་པས་ངོ་བོ་འོག་མ་ལ་དབང་དུ་བསྡུ་བ་སོགས་ཀྱི་གོ་དོན་ཡོད།

སྒྲ་བཤད།

ཟིལ་ཞེས་པ་ནི་སྟོབས་དང་ནུས་པའི་དོན་ལ། གྱིས་ཞེས་པ་ནི་ཚིག་སྦྱར་གྱི་སྒྲ། གནོན་ཞེས་པ་ནི་འདུལ་བ་དང་མནན་པའི་དོན་ཡིན། དེས་ན་ཟིལ་གྱིས་གནོན་ཞེས་པ་ནི་སྟོབས་ཤུགས་ཀྱིས་གཞན་ལ་མནན་ཏེ་རང་གི་དབང་དུ་བསྡུས་པའམ། མཐུ་སྟོབས་ཀྱིས་འདུལ་བར་བྱེད་པའི་དོན་ཡིན།

མཚན་ཉིད།

ཟིལ་གྱིས་གནོན་པའི་མཚན་ཉིད་ནི་ངོ་བོ་འམ་ནུས་པ་ལྷག་པ་ཞིག་གིས་ངོ་བོ་འམ་ནུས་པ་འོག་མ་ལ་བཀའ་དབང་ཆེན་པོ་སྤེལ་ཏེ་དེའི་སྟོབས་དང་རྒྱུ་མཚན་ཉམས་པར་བྱེད་པ་ཞེས་བཤད་ཆོག བྱང་ཆུབ་སེམས་ཀྱིས་སྡིག་པ་ཟིལ་གྱིས་གནོན་པ།

དབྱེ་བ།

སྡིག་པ་ཟིལ་གྱིས་གནོན་པ། "མྱོང་ངེས་ཀྱི་སྡིག་པ་ཟིལ་གྱིས་གནོན་པ་དཔེ་སྔ་མ་དང་མ་ངེས་པའི་སྡིག་པ་རྩད་ནས་འབྱིན་པ་དཔེ་ཕྱི་མས་བསྟན་"ཞེས་དབྱེ་བ་བྱས་འདུག ཡོན་ཏན་ཟིལ་གྱིས་གནོན་པ། "གོང་མ་ལས་ཀྱང་གོང་མ་དེ་རྣམས་ཀྱིས་སོ། ཡོན་ཏན་གྱི་ཁྱད་པར་ཞེས་གོང་ནས་གོང་དུ་གནས་པའི་དབྱེ་བས་ཁྱད་པར་ཐོབ་པ་སྟེ་ལྷག་ཅིང་ལྷག་པས་ཞེས་པའི་དོན་ཏེ། དེ་ལ་ལྟོས་ནས་ཡོན་ཏན་ཆུང་བར་གྱུར་པ་འོག་མའི་གནོད་པར་བྱེད་པ་ཡིན་ལ། ཡེ་ཤེས་ཀྱི་ཆེ་བའི་བདག་ཉིད་ལ་སོགས་པ་རྣམས་ཀྱིས་ཟིལ་གྱིས་གནོན་ཏོ། །"ཞེས་བཤད།

ནང་དོན།

བྱང་ཆུབ་སེམས་ཀྱིས་སྡིག་པ་ཟིལ་གྱི་གནོན་པ། "དེ་ལྟ་བུའི་སྡིག་པ་སྟོབས་ཆེན་དེ་ནི་གཞན་དོན་དུ་སངས་རྒྱས་ཐོབ་པར་འདོད་པའི་བདག་ཉིད་ཅན་གྱི་རྫོགས་པའི་བྱང་ཆུབ་ཀྱི་སེམས་རིན་པོ་ཆེ་སྟོབས་དང་ལྡན་པ་དེ་ཉིད་མིན་པ་དགེ་བ་ཕལ་བའི་གཉེན་པོ་གཞན་གང་གིས་ཀྱང་ཟིལ་གྱིས་གནོན་པར་འགྱུར་ཏེ་མི་འགྱུར་ལ།" ཞེས་གསུངས། དགེ་བ་གཞན་ལས་བྱང་ཆུབ་སེམས་ཀྱིས་ཟིལ་གྱི་གནོན་པ། ནོར་བཟང་གི་རྟོགས་བརྗོད་དུ། སྨོན་ལམ་སྡོང་བུ་སྙིང་རྗེའི་མར་ལྡན་པ། །དེ་སྲིད་བླ་མེད་སེམས་ཀྱི་སྒྲོན་མེ་འབར། །སེམས་མཆོག་ལྷ་ཡི་ཛམྦུའི་གསེར་གྱི་རྒྱན། །མི་ལྡོག་རྒྱལ་སྲས་དབང་བསྒྱུར་རྒྱལ་པོ་ཡི། །མགོ་བོར་ཐོགས་དེ་བྱིས་པ་ཉན་རང་བཅས། །འཇིག་རྟེན་ཡོན་ཏན་རྒྱན་གྱིས་འཕྲོག་པ་མེད། །ཅེས་འབྱུང་། རྣལ་འབྱོར་པ་གོང་མས་འོག་མ་ཟིལ་གྱི་གནོན་པ། "རྣལ་འབྱོར་པ་ལ་ཡང་གནས་ཚུལ་མཐོང་བའི་བློ་ཡི་ཁྱད་པར་ཉིད་ཀྱིས་གོང་མ་གོང་མ་རྣམས་ཀྱིས་འོག་མ་འོག་མའི་མཐོང་དོན་གྱི་གྲུབ་མཐའ་ལ་གནོད་ཅིང་ཟིལ་གྱིས་གནོན་ཏེ་གནས་ལུགས་མཐོང་བའི་བློ་ཇེ་བཟང་དུ་གྱུར་པས་ན་གང་ལ་ཚད་མ་ཡོད་པ་དེས་འོག་མ་སུན་འབྱིན་ནུས་ཀྱི་གཞན་དུ་མ་ཡིན་ནོ། །"ཞེས་གསུངས། དཔེ་དང་སྦྲགས་པའི་འགྲེལ་པ། "དཔེར་ན་རྡོ་རྗེ་རིན་པོ་ཆེ་ནི་ཆག་ཀྱང་གསེར་གྱི་རྒྱན་ཁྱད་པར་དུ་འཕགས་པ་ཐམས་ཅད་ཟིལ་གྱིས་གནོན་ཅིང་རྡོ་རྗེ་རིན་པོ་ཆེའི་མིང་ཡང་མི་འདོར་ལ། དབུལ་བ་ཐམས་ཅད་ཀྱང་རྣམ་པར་བཟློག་གོ། །རིགས་ཀྱི་བུ་དེ་བཞིན་དུ་ཐམས་ཅད་མཁྱེན་པར་སེམས་བསྐྱེད་པའི་རྡོ་རྗེ་རིན་པོ་ཆེ་ནན་ཏན་དང་བྲལ་བས་ཉན་ཐོས་དང་རང་སངས་རྒྱས་ཀྱི་ཡོན་ཏན་གྱི་གསེར་གྱི་རྒྱན་ཐམས་ཅད་ཟིལ་གྱིས་གནོན་ཅིང་། བྱང་ཆུབ་སེམས་དཔའི་མིང་ཡང་མི་འདོར་ལ། འཁོར་བའི་དབུལ་བ་ཐམས་ཅད་ཀྱང་རྣམ་པར་བཟློག་གོ། །"ཞེས་གསུངས།

རྩོད་སྤོང༌།

"ཀུན་རྫོབ་རྟོགས་པའི་ཚད་མས་ཀྱང་དོན་དམ་རྟོགས་པའི་བློ་ལ་མི་གནོད་ན་རྡུལ་ཕྲན་ཆ་མེད་དུ་ཞེན་པ་རྣམས་ཀྱིས་གནོད་པ་ལྟ་ཅི་སྨོས། དོན་དམ་རྟོགས་པའི་བློས་མཐར་འཛིན་ཐམས་ཅད་ལ་གནོད་པར་ཤེས་པར་བྱ་བའི་ཆེད་དུ་ཡིན་ནོ། །"ཞེས་འདོད་རྩོད་སྤངས།