ཚིག་རྐང་གི་ཁ་སྐོང་ཚེ་ཡི་ཐོབ་

ཚིག་རྐང་གི་ཁ་སྐོང་ཚེ་ཡི་ཐོབ་པ་ནི། དཔེར་ན། དཔལ་ལྡན་ས་ཡི་དབང་ཕྱུག་ཆེ། ལྟ་བུ་ཡིན་ལ། ཚིགས་བཅད་ཀྱི་རྐང་བ་སྐོང་ཚེ་མ་གཏོགས་ཡི་མི་ཐོབ་བོ། ཀྱི་ལ་སོགས་པ་རྣམ་དབྱེའི་དོན་མ་ཡིན་པ་གཞན་ལའང་འཇུག་པ་ཡོད་དེ། དཔེར་ན། འདི་ཉིད་བདེན་གྱི། གཞན་གྱི་གཏི་མུག་གོ། བོད་ཀྱི་་མིན་ཡིན་གྱི། ཕྱི་རྒྱལ་བ་མ་ཡིན་ནོ། དེ་ལྟར་ཀྱི་སོགས། མི་མཐུན་པའི་ཚིག་རྒྱན་ལ་འཇུག་པ་ཡོད། ནམ་མཁའི་ཉི་མ་ལྟ་བུ་འ་མཐའ་ཅན་ལ་ནམ་མཁའ་འི་ཉི་མ་ཞེས་ཐོབ་མོད། སྐད་གསར་བཅད་ལ་ཡི་གེ་ཟོར་ཡང་བའི་ཆེད་དུ་འ་མཐའ་ཕལ་ཆེར་བསྡུས་པ་བཞིན་འདིར་ཡང་འི་སྦྱར་ཚེ་འ་མཐའ་དེ་བསྡུས་པ་ཡིན་ནོ།