མྱང་མཚོ་དགོན།

མཚན་རྒྱས་པར། མྱང་མཚོ་བཀྲ་ཤིས་ཆོས་གླིང་ཞེས་ཞུ། འབྲོང་རྩེ་ནས་སྤྱི་ལེ་༨ཙམ་སྤྱིར་བཏང་འཁོར་ལམ་བརྒྱུད་སོང་ན་སྟག་རྩེ་གྲོང་གི་ལྟག་ཏུ་བཙུན་མའི་དགོན་དེ་མཇལ་རྒྱུ་ཡོད། དགོན་དེ་ནི་ཐོག་མར་མྱང་ཏིང་ངེ་འཛིན་བཟང་པོས་ཕྱག་བཏབ་གནང་ཞིང་། དེ་རྗེས་ཇོ་བོ་རྗེའང་ཞབས་བཅགས་པ་ཡིན་ཞེས་གསུངས། ད་ལྟ་བསྐྱར་བཞེངས་གནང་བའི་དགོན་གནས་དེར་བྱང་གཏེར་རྡོར་བྲག་ལུགས་ཕྱག་ལེན་མཛད་པ་ཡིན།

ཡང་དགོན་དེའི་ཕུར་བསམ་གཏན་ཆོས་ཉིད་དང་། བྱང་ཆུབ་དགོན་ཞེས་པའི་བཙུན་མའི་དགོན་ཤུལ་དང་། བྲག་དམར་གཏེར་ཁུང་ཞེས་པའི་གུ་རུའི་སྒྲུབ་ཕུག་སོགས་མཇལ་རྒྱུ་ཡོད།