མུ་སྟེགས་ཅན་
མུ་སྟེགས་ཅན་ཞེས་པ་ནི་ནང་པའི་ལྟ་གྲུབ་དང་མི་མཐུན་པའི་ཕྱི་རོལ་གྱི་གྲུབ་མཐའ་སྨྲ་བ་རྣམས་ལ་ཟེར་བའི་ཐ་སྙད་ཅིག་ཡིན། དེ་དག་ནི་བདག་ཏུ་ལྟ་བའི་ལོག་པར་ལྟ་བ་ལ་བརྟེན་ནས་ཕྱིན་ཅི་ལོག་གི་ལམ་ལ་གནས་པ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པའི་སྟོང་པ་ཉིད་ཀྱི་ཆོས་ལ་སྐྲག་པར་འགྱུར་བ་རྣམས་ཡིན་ནོ། །
སྒྲ་བཤད།
[རྩོམ་སྒྲིག]"མུ་སྟེགས་"ཞེས་པ་ནི་ལམ་ལོག་པ་དང་ཐེག་པ་ལོག་པ། "ཅན་"ཞེས་པ་ནི་ལྡན་པའི་དོན་ཡིན་པས། ལམ་ལོག་པ་དང་ལྡན་པའི་སྐྱེས་བུ་རྣམས་ལ་གོ
མཚན་ཉིད།
[རྩོམ་སྒྲིག]མུ་སྟེགས་ཅན་གྱི་མཚན་ཉིད་ནི་བདག་ཏུ་ལྟ་བའི་ལོག་པར་ལྟ་བ་འཛིན་པ་དེ་ཡིན། དེ་དག་ནི་ནང་པ་སངས་རྒྱས་པའི་བདེན་པ་མཐོང་བའི་ལམ་ལས་མ་གྲོལ་བ་སྟེ། དམིགས་པ་ལ་མངོན་པར་ཞེན་པ་ལས་མ་གྲོལ་བ་རྣམས་ཡིན་ནོ། །
ཤེས་རབ་ཀྱི་ཕ་རོལ་ཏུ་ཕྱིན་པའི་སྐོར་ལས་བཤད་པ།
[རྩོམ་སྒྲིག]སྟོང་པ་ཉིད་ལ་སྐྲག་པའི་ཚུལ། མུ་སྟེགས་ཅན་རྣམས་ནི་སངས་རྒྱས་པའི་སྟོང་པ་ཉིད་ཀྱི་ཆོས་ལ་སྐྲག་པར་འགྱུར་བ་སྟེ། "མི་ཡི་སེངྒེ་སངས་རྒྱས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་སྟོང་པ་ཉིད་ཀྱི་དོན་ལ་བརྟེན་ནས། བདག་ཏུ་ལྟ་བའི་མུ་སྟེགས་ཅན་མང་པོ་དག་སྐྲག་པར་བྱེད་ཅིང་འཇིག་རྟེན་ན་དམ་པའི་ཆོས་ཀྱི་སྒྲ་ཡང་སྒྲོགས་པར་མཛད་དོ། །"[༡]ཞེས་གསུངས་སོ། །ཡང་"སེངྒེ་ནི་རི་ཆེན་པོའི་སུལ་ཕྱོགས་གཅིག་ཏུ་གཞན་ལ་འཇིགས་པ་མེད་པར་གནས་ཤིང་རིགས་དྭགས་ཕྲ་མོ་མང་པོ་སྐྲག་པར་བྱེད་ཅིང་སྒྲ་སྒྲོགས་པ་ལྟར། མི་ཡི་སེངྒེ་སངས་རྒྱས་རྣམས་ཀྱང་ཤེར་ཕྱིན་ལ་བརྟེན་ནས་གནས་ཤིང་། བདག་ཏུ་ལྟ་བའི་མུ་སྟེགས་ཅན་མང་པོ་སྐྲག་པར་བྱེད་ཅིང་འཇིག་རྟེན་ལ་བདེན་སྟོང་གི་སྒྲ་ཆེན་པོ་ཡང་སྒྲོགས་སོ། །"[༢]ཞེས་གསུངས་སོ། །
སྟོང་པ་ཉིད་ལ་འདུལ་བའི་ཚུལ།
"དཔེར་ན་སེང་གེ་རི་སུལ་ཕྱོགས་གཅིག་ལ་བརྟེན་ནས་འཇིགས་པ་མེད་པར་ནི་རང་ཉིད་འཇིགས་པ་དང་བྲལ་ཏེ། ཞུམ་པ་མེད་པར་གནས་ནས་རི་དགས་ཕྲ་མོ་མང་སྐྲག་བྱེད་ཅིང་སྒྲ་སྒྲོགས་ལྟར། དེ་བཞིན་དུ་ཤེས་རབ་ཕ་རོལ་ཕྱིན་བརྟེན་ནས་ཏེ། དམིགས་པས་གནོད་པར་འགྱུར་བ་མེད་པ་ལ་བརྟེན་ཏེ། མིའི་སེང་གེ་བྱང་ཆུབ་སེམས་དཔའ་ཚད་མས་གནོད་པ་མེད་པའི་སྟོང་པ་ཉིད་ལ་སོགས་པའི་ཆོས་བསྟན་པས་དམིགས་པས་འཇིགས་པའི་ཞུམ་པ་མེད་པར་མུ་སྟེགས་ཅན་མང་པོ་བདག་ཏུ་མངོན་པར་ཞེན་པ་ལས་མ་གྲོལ་བ་རྣམས་སྐྲག་པར་བྱེད་ཅིང་སྒྲ་ཡང་སྒྲོགས་ཤིང་འདུལ་བ་ཡིན་ནོ། །"[༣]ཞེས་གསུངས་སོ། །
བྱེད་པ་ཇི་ལྟར་འདུལ་བ།
[རྩོམ་སྒྲིག]ལམ་ལོག་པར་འཛིན་པ་སྐྲག་པར་བྱེད་པ། "མིའི་སེང་གེ་སངས་རྒྱས་ཀྱང་རི་སུལ་ལྟ་བུའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྟེན་ནས་མུ་སྟེགས་ཅན་ལམ་ལོག་པར་འཛིན་པ་མང་པོ་སྐྲག་པར་བྱེད་ཅིང་། འཇིག་རྟེན་སྟོང་པ་ཉིད་ཀྱི་སྒྲ་ཡང་སྒྲོགས་སོ། །"[༤]ཞེས་གསུངས་སོ། །
སྐྱེ་བོའི་རྐྱེན་གྱིས་ཆོས་འདོན་ལ་བར་ཆད་བྱེད་པ།
[རྩོམ་སྒྲིག]བདུད་ཀྱི་ལས་དང་བར་ཆད་བྱེད་པ། "ཡང་དེའི་ཚེ་ན་སེམས་ཅན་གང་དག་གིས་ཡུམ་འཆད་པ་པོའི་དགེ་སློང་མང་པོའི་སེམས་དཀྲུགས་ནས་ཤེར་ཕྱིན་འདི་འཛིན་པར་མི་འགྱུར་བའི་བར་དུ་གཅོད་པ་རྣམ་པ་མང་པོ་གཞན་ཡང་འབྱུང་བར་འགྱུར་རོ། །"[༥]ཞེས་གསུངས་སོ། །
ནང་གི་ཆོས་དང་ཁྱད་པར།
[རྩོམ་སྒྲིག]ཐར་ལམ་ལ་རབ་ཏུ་ཞུགས་པ། "རྣམ་པར་འདྲེན་པ་དེ་དོན་དམ་པར་ནམ་ཡང་སེམས་ཅན་ཇི་སྙེད་ཅིག་གི་དོན་བྱས་སོ་སྙམ་པ་ལ་སོགས་པའི་འདུ་ཤེས་འགྱུར་བ་མེད་ལ། ལོགས་རྟོགས་ཚར་གཅོད་པའི་དཔེ། མིའི་སེང་གེ་ལྟར། མིའི་སེང་གེ་སངས་རྒྱས་ཀྱང་རི་སུལ་ལྟ་བུའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྟེན་ནས་མུ་སྟེགས་ཅན་ལམ་ལོག་པར་འཛིན་པ་མང་པོ་སྐྲག་པར་བྱེད་ཅིང་། འཇིག་རྟེན་སྟོང་པ་ཉིད་ཀྱི་སྒྲ་ཡང་སྒྲོགས་སོ། །"[༦]ཞེས་གསུངས་པ་ལྟར། སངས་རྒྱས་པའི་ཆོས་ནི་མུ་སྟེགས་ཅན་གྱི་ལམ་ལོག་པ་ཚར་གཅོད་པའི་ཐབས་ཡིན་ནོ། །
ལུང་ཁུངས།
[རྩོམ་སྒྲིག]- ↑ འཇུ་མི་ཕམ། མདོ་སྡུད་པའི་འགྲེལ་པ་ཡུམ་གྱི་དགོངས་དོན་ལ་ཕྱིན་ཅི་མ་ལོག་པར་འཇུག་པའི་ལེགས་བཤད། ལག་བྲིས།
- ↑ ཅོ་ནེ་གྲགས་པ་བཤད་སྒྲུབ། སྡུད་པའི་འགྲེལ་པ་རྒྱལ་བའི་དགོངས་གསལ། ཤིང་དཔར།
- ↑ སློབ་དཔོན་སེངྒེ་བཟང་པོ། སྡུད་པའི་དཀའ་འགྲེལ། ཤིང་དཔར།
- ↑ ཀརྨ་པ་རང་བྱུང་རྡོ་རྗེ། མདོ་སྡུད་པའི་འགྲེལ་པ་ཡིད་བཞིན་ནོར་བུ། ལྕགས་པར།
- ↑ ཅོ་ནེ་གྲགས་པ་བཤད་སྒྲུབ། སྡུད་པའི་འགྲེལ་པ་རྒྱལ་བའི་དགོངས་གསལ། ཤིང་དཔར།
- ↑ ཀརྨ་པ་རང་བྱུང་རྡོ་རྗེ། མདོ་སྡུད་པའི་འགྲེལ་པ་ཡིད་བཞིན་ནོར་བུ། ལྕགས་པར།