མཚུར་ཕུའི་རྡོ་རིང་ཡི་གེ་
མཚུར་ཕུའི་རྡོ་རིང་གི་ངོ་བཤུས་ཡི་གེ
ལྷོ་ངོས་ཡི་གེ
༡ ༄། །ཞང་ཚེས་པོང་སྟག་བཟང་ཉ་སྟོས། ༢ སྟོད་ཀྱི་ལྕང་བུར། གཙུག་ལག་ཁང་བརྩྀགས་ ༣ པའི་ལོ་རྒྱུས། །རྡོ་རིངས་ལ་བྲྀ་བར། ༔བཙན༔ ༤ པོའི་བཀའས་གནང་སྟེ་བྲིས་པའ།༔། ༥ ུ། །བཙན་པོ་ལྷ་སྲས་ཡབ་མྱེས་ཀྱི་སྐུ་རིང་ལ་ ༦ དམ་པའྀ་ཆོས་བརྙེས་ནས། །གདུང་རབས༔ ༧ སུ་དམ་པའི་ཆོས་མྱྀ་གཏང་ཞིང་མཛད་པར༔ ༨ ཆོས་གཙིགས་དང༌། བཀའ་ལུང་སྩལད་པ་ ༩ ལས་འབྱུང་བ་བཞིན། ཞང་ཚེས་པོང་ཉ་སྟོས། ༡༠ དམ་པའི་ཆོས་ཉམས་སུ་བླངས། བཙན༔ ༡༡ པོ་ལྷ་སྲས། ཁྲི་གཙུག་ལྡེ་བརྩན་འཕྲུལ་གྱི་ ༡༢ བཀའ་དྲྀན། ཞང་ཉ་སྟོ་ལ་ཆེད་སྩལད་པས་ ༡༣ བཀའ་དྲྀན་ཆེན་པོ་བསབ་པའྀ་ཕྱིར། ། “༡༤ བཙན་པོ་སྐུ་ཡོན་དུ་བསྔོས་ཏེ། སྨོན་ལམ༔ ༡༥ རྒྱ་ཆེར་བཏབ་ནས། སྟོད་ལུངས་ཀྱྀ་ལྕང་བུར༔ ༡༦ གཙུག་ལག་ཁང་བརྩྀགས་སྟེ། དཀོན་ ༡༧ མཆོག་གསུམ་གྱྀ་རྟེན་བཙུགས། དགེ་ ༡༨ སློང་བཞི་གནས་པར་སྦྱར་ནས། རྐྱེན་ཀྱྀ་ ༡༩ བྲན་དང་ཞྀང་འབྲོག་དང༌། ལྷ་ཆ་དང༌། ནོར་རྫས་ ༢༠ དང༌། རྐང་འགྲོས་ལས་སྩོགས་པ། ཚང་བར༔ ༢༡ བཅད་དེ། །བཙན་པོ་ཁྲི་གཙུག་ལྡེ་བརྩན་ ༢༢ གྱི་སྐུ་ཡོན་རྒྱུན་མྀ་འཆད་པར་བྱེད་དོ། ། ༢༣ གཙུག་ལག་ཁང་འདྀའི་མཚན་ཡང༌། ། ༢༤ བཙན་པོའི་བཀའ་ཞལ་གྱྀས་བཏགས་སྟེ། ༢༥ འོན་ཅང་དོའི་ཐུགས་དམ་གྱི་གཙུག་ལག ༢༦ ཁང་ཆེན་པོའི་མཇུག་ལ་གདགས་ཤིང༌། ༢༧ ཚིས་ཀྱང༌། བླ་ནས་མཛད་པར། །བཀའས་ ༢༨ གནང༌། །ལྷ་རྀས་ཀྱི་འབངས་དང༌། དཀོར་ “༢༩ ལ། ཁྲལ་མྱྀ་དབབ་པ་དང༌། ཁྭ་དང༌། ཆད་ཀ༔ ༣༠ མྱྀ་བཞེས་པ་ལས་སྩོགས་པ་ཡང༌། །ལྷ་རིས༔ ༣༡ ཆེན་པོའི་ཐང་དུ། །བཀའས་གནང་ངོ༌། ། ༣༢ གཙུག་ལག་ཁང་འདྀའི་རྐྱེན་རྀས་བསྔོ་ཞིང་ ༣༣ སྤྱད་པ་ཡང༌། །ཞང་ཉ་སྟོས། །ཇི་ལྟར་བྱས་ཤྀང༌། ༣༤ བསྔོས་པ་བཞྀན་བརྩན་པར། །བཀའས་གནངོ༌། ༣༥ ནམ་ཞྀག་ན། །ཞང་ཉ་སྟོ་ལ། བུ་ཚ་རྒྱུད་ཡོང༔ ༣༦ མྱེད་པ་ཞྀག་དུ་གྱུར་ན། །ཁོལ་ཡུལ་ལས་སྩོགས་ ༣༧ པ་དབང་ངོ་ཅོག། །བླར་ཡང་མྱི་བཞེས། ༣༨ ཀྱང་མྱྀ་སྦྱིན་བར། །གཙུག་ལག་ཁང་འདྀ་རྐྱེན། ༣༩ དུ་བསྣན་པར། །བཀའས་གནང་ངོ༌། ༤༠ གཙུག་ལག་ཁང་གྀ་རྐྱེན་བཅད་པའི་དཀར༔ ༤༡ ཅག་དང༌། བསྔོས་ཡྀག་བླ་དཔེ་ནི། །བཅོམ་ལྡན་ ༤༢ འདའས་རིང་ལུགས་ཀྱི་འདུན་སར་བཞག། ། ༤༣ འོག་དཔེ་ནི། འོན་ཅང་དོ་གཙུག་ལག་ཁང་གྀ༔ “༤༤ གནས་བརྟན་དང༌། མངན་ལ་སྩལད། དཔེ༔ ༤༥ དེ་དང་འདྲ་བ་གཅྀག་ནི། །གཙུག་ལག་ཁང་༔ ༤༦ འདིར་གཞག་པར། བཀའས་གནང་ངོ༌།
ནུབ་ངོས་ཡི་གེ
༡ ཞང་ཚེས་པོང་ ༢ གསས་སྟོའི་བུ་ ༣ ཚ། གཙིགས༔ ༤ གནང་བའྀ་བླ་ ༥ དཔེ་ནི། ཕྱྀང་བ་ ༦ འི་སྐུན་མཁར་ ༧ ན། གཙིགས༔ ༨ ཆེན་པོ་གཞན་གྱྀ་ ༩ ཟླ་ལ་བཞག །དེ་ ༡༠ དང་འདྲ་བ་རྣམ༔ ༡༡ གཅྀག་ནི། གཙིགས་ “༡༢ གཞན་གྱྀ་ཟླ་ལ་ ༡༣ བཀའྀ་སར་བཞག ༡༤ ། གཙྀགས་ཀྱྀ་ ༡༥ འོག་དཔེ་འཕྲ༔ ༡༦ མེན་གྱྀ་སྒྲོམ་བུ༔ ༡༧ ནི། གཙུག་ལག༔ ༡༨ ཁང་འདྀའྀ་མཛོད་ ༡༩ དུ་གཞག་པར། ༢༠ བཀའས་གནང་ ༢༡ ངོ༌། ། ༢༢ བཀྲ་ཤིས།