མཆོད་སྦྱིན་
མཆོད་སྦྱིན།
[རྩོམ་སྒྲིག]༡.ཡར་ལྷ་སོགས་ལ་མཆོད་འབུལ་དང་། མར་ངན་སློང་ལ་སྦྱིན་པ་གཏོང་བ་སྟེ། སྐབས་འདིར་རང་གིས་འདོད་པའི་མཐོ་རིས་དང་ཐར་པའི་གོ་འཕང་མངོན་དུ་བྱེད་ཕྱིར། རྟ་དང་བ་ལང་མཐའ་ན་མི་ལ་སོགས་པའི་སེམས་ཅན་གྱི་སྲོག་བཅད་ནས་མཆོད་སྦྱིན་གྱི་རྫས་སུ་བྱས་ཏེ་ལྷ་ལ་མཆོད་འབུལ་དང་སློང་བ་ལ་སྦྱིན་པ་གཏོང་བའི་ཆོ་ག་ཞིག་ཡིན་ཏེ། 《ཁྱད་པར་འཕགས་བསྟོད)ལས། གཞན་དག་རང་དོན་མཆོད་སྦྱིན་ལ། །གཞན་གྱི་སྲོག་གི་སྦྱིན་སྲེག་བྱེད། །གཞན་གྱི་དོན་དུ་ཁྱོད་གཅིག་པུ། རང་སྲོག་གིས་སྦྱིན་སྲེག་མཛད། །ཞེས་གསུངས་པ་ལྟར་རོ། །༡.དཔྱོད་པ་བའི་མཆོད་སྦྱིན་ནི་མཐོ་རིས་དང་ཚངས་པ་ལྟ་བུ་ངན་འགྲོ་ལས་གྲོལ་བའི་ཐར་པ་ཙམ་ཞིག་བསྒྲུབ་པའི་ཐབས་སུ་རིག་བྱེད་གཞུང་ལས་བཤད་པའི་ཕྱུགས་ཀྱི་མཆོད་སྦྱིན་དང་ཁུར་བས་མཆོད་སྦྱིན་བྱས་པ་སོགས་ཡིན་ཏེ་ཕྱུགས་ཀྱི་མཆོད་སྦྱིན་སྐབས་མེ་ལ་སྐྱེས་བུ་དང་། རྟ་དང་བ་ལང་དང་ར་རྣམས་བསྲེག་ཅིང་བསད་པར་བྱའོ། ཡང་ན་དེ་དག་དབུགས་བསུབ་ལ་གསད་པར་བྱ་སྟེ་སེམས་མེད་པར་བྱའོ། །རྟ་དག་གི་མཆོད་སྦྱིན་ལ་རྟ་རེ་རེ་ལ་ཁབ་ལྔ་བརྒྱ་ལྔ་བརྒྱ་བཙུགས་པ་བཞིན་དུ་ཟུག་ཟེར་དང་ལྡན་པར་བྱས་ནས་སྦྱིན་སྲེག་བྱའོ། །ཞེས་ཟེར་བ་དང་ཁུར་བས་མཆོད་སྦྱིན་བྱེད་ཚུལ་ཡང་མ་དང་བུ་སྲིང་སོགས་ལྷག་ཅིག་གཅེར་བུར་ཕྱུང་ནས་ཕྱུགས་བཞིན་རྐང་བཞི་ས་ལ་བཙུགས་ཏེ་རྩ་ཟ་བ་ལྟར་དང་། མངལ་སྒོར་ལྕེས་ལྡེག བཤང་སྒོར་སྣོམ། འཁྲིག་པ་ལྷུག་པར་སྤྱོད་པ་སོགས་བ་གླང་གི་བརྟུལ་ཞུགས་འཛིན་པའི་ཆོ་ག་དེ་ལྟ་བུ་མཆོད་སྦྱིན་དུ་འདོད་ཅིང་། དེ་འདྲའི་མཆོད་སྦྱིན་མེད་པར་མཐོ་རིས་དང་ཚངས་པའི་གོ་འཕང་གང་ཡང་མི་ཐོབ་བོ་ཞེས་ཟེར་རོ། །