མངའ་བདག་ཆོས་རྗེ་ཆོས་ཀྱི་བླ་མ་
མངའ་བདག་ཆོས་རྗེ་ཆོས་ཀྱི་བླ་མ།
[རྩོམ་སྒྲིག]འདི་ཉིད་རབ་བྱུང་གསུམ་པའི་ཤིང་འབྲུག ( ༡༡༨༤ ) ལོར་ཤབ་སྒོ་ལྔའི་སྣ་རིང་དུ་སྐུ་འཁྲུངས། དཔལ་ལྡན་གྲོ་མོ་ཆེ་ལས་བསྙེན་པར་རྫོགས། མཁན་པོ་གོང་མ་གཉིས་ནས་
གདམས་ངག་ཕལ་མོ་ཆེ་གསན་ཏེ་མཁྱེན་པ་ཤིན་ཏུ་ཆེ་བས་ཞང་ཐམས་ཅད་མཁྱེན་པར་གྲགས། འདིས་མཛད་པའི་བཤེས་གཉེན་སྟོན་པའི་རྣམ་ཐར་ཡོད་ཅིང་། པོ་ཏོ་བ་དང་ཤ་ར་བའི་རྣམ་ཐར་ཡང་ཕལ་ཆེར་འདིས་མཛད་ཚོད། སྣར་ཐང་གི་གདན་ས་ལོ་བཅུ་མཛད་དེ་དགུང་ལོ་ང་བརྒྱད་བཞེས་པ་རབ་བྱུང་བཞི་པའི་ལྕགས་གླང ( ༡༢༤༡ ) ལོའི་ས་ཟླའི་ཚེས་ཉེར་གཅིག་ཉིན་མྱ་ངན་ལས་འདས། གདུང་རྟེན་ནི་གདན་ས་བཞི་པའི་གདུང་རྟེན་པར་བཞུགས་སོ།
༼དུང་དཀར་ཚིག་མཛོད་ཆེན་མོ་༽ནས་བཏུས།