མགྱོགས་ཡིག་

ཡོང་ཁུངས་Wikipedia

མགྱོགས་ཡིག་གི་འབྱུང་ཁུངས།

འབྲུག་རྒྱལ་ཁབ་འདི་ནང་ཡིག་རིགས་ཐོག་མར་ དུས་རབས་༨པའི་ནང་ གུ་རུ་རིན་པོ་ཆེ་བུམ་ཐང་ལུ་བོད་ལས་མར་ བྱོན་ཐེངས་གཉིས་པའི་སྐབས་ལུ་ ཕྱག་ཞུ་སྟེ་ལོ་རྩྭ་བ་ལྡན་མང་རྩེ་མང་ཟེར་མི་འདི་ འཁྱིད་བྱོནམ་ལས་ ལོ་རྩྭ་བ་ལྡན་མང་རྩེ་མང་གིས་ལྷོ་ཡིག་ཟེར་ དབུ་ཅན་དང་དབུ་མེད་ག་དང་ཡང་མ་འདྲ་བའི་ ད་ལྟོའི་མགྱོགས་ཡིག་དེ་བརྩམས་ཏེ་གནང་ནུག །  གུ་རུ་རིན་པོ་ཆེ་གིས་ རྒྱལ་པོ་སིན་ཏུ་ར་ཛ་ལུ་ བཀའ་བརྒྱད་ཀྱི་དབང་གནང་སྟེ་ ཆོས་འཁོར་བསྐོར་གནངམ་ད་གི་ཕྱག་དཔེ་ཚུ་ཡང་ག་ར་ ཡི་གུ་དེ ནང་བྲིས་ཏེ་གཏེར་ལུ་སྦ་སྟེ་བཞག་ས་ལས་ བཏོན་པའི་ཤོག་གསེར་ཅིག་ རྒྱལ་ཡུམ་སྐུ་བགྲེས་ཀྱི་རྟེན་སྒམ་ནང་ལུ་ བཞུགས་ཡོད་པའི་འདྲ་པར་ད་ལྟོ་དངོས་སུ་མཇལ་ནི་ཡོད་པའི་ལོ་བརྒྱུད་འདུག

ལ་ལོ་གིས་སླབ་དོ་བཟུམ་འབད་བ་ཅིན་ ལོ་རྩྭ་བ་ལྡན་མང་རྩེ་མང་གུ་རུ་རིན་པོ་ཆེ་གི་ཕྱག་ཞུ་སྟེ་ བཏང་དགོ་མི་དེ་རྒྱལ་པོ་ཁྲི་སྲོང་ལྡེའུ་བཙན་ལུ་བཀའ་འགྱུར་དང་བསྟན་འགྱུར་ འབྲི་ནིའི་དལ་ཤོག་ག་ར་ལྷོ་མོན་ལས་ཕུལ་ཡོདཔ་ལས་ འདི་གི་དྲིན་གསོའི་དོན་ལུ་ ལྷོ་ཡིག་བརྩམས་ཏེ་གནང་ནིའི་དོན་ལུ་བཏང་བཏངམ་ཨིན་ཟེར་ སླབ་མི་ཡང་ཡོད་ ག་དེ་སྦེ་ཨིན་རུང་མགྱོགས་ཡིག་དེ་འབྲུག་རྒྱལ་ཁབ་ནང་གི་ཡི་གུ་ དར་བའི་ཧ་ཤོས་ཅིག་ཨིནམ་མ་ཚད་ ཡི་གུ་འདི་འབྲུག་རྒྱལ་ཁབ་ནང་རྐྱངམ་ཅིག་མ་གཏོགས་ རྒྱལ་ཁབ་གཞན་ག་སྟེ་ལུ་ཡང་འབྲི་སྲོལ་མེདཔ་ལས་ འདི་ལུ་ལྷོ་ཡིག་ཟེར་ཡོངས་གྲགས་ཡོདཔ་ཨིན།

ཤུལ་མ་དུས་རབས་༡༠པ་དང་༡༡པ་ལས་བོད་ལས་མར་ བླམ་ལེ་ཤཱ་བྱོན་ཏེ་ཆོས་ལུགས་མ་འདྲཝ་ཚུ་སྤེལ་བའི་སྐབས་  ཚུགས་ཡིག་འདི་ཡང་ འབྲུག་ལུ་དར་ནུག །  དེ་གི་ཤུལ་ལས་འབྲུག་ལུ་  ཚུགས་ཡིག་མགྱོགས་པར་བྲིས་ཏེ་མགྱོགས་ཡིག་དང་  ཚུགས་ཡིག་གཉིས་ཀྱི་བར་ན་ལས་  མགྱོགས་ཚུགསམ་  ཟེར་མི་ཅིག་ཡང་དར་ནུག  དེ་བཟུམ་གྱི་ཡི་གུའི་རིག་རྩལ་དེ་ ཧེ་མ་ལས་ཡོད་པའི་མཁས་དབང་ཚུ་བརྒྱུད་དེ་ དུས་རབས་༡༧པའི་ནང་ལས་དྲུང་ཡིག་རྟ་མགྲིན་དབང་རྒྱལ་དང་ བུམ་ཐང་ཆོས་རྗེ་ངག་དབང་བསོད་ནམས་ཚུ་ལས་བརྒྱུད་དེ་ དར་ཁྱབ་སྦོམ་བྱུང་བའི་ཁར་ དུས་རབས་༢༠་པའི་ནང་ལས་སློབ་དཔོན་འགངས་ཆེན་སོགས་ཀྱི་ཕྱག་རྒྱུན་ལས་ ཡི་གུ་མགྱོགས་ཚུགས་གཉིས་ཀྱི་རིག་རྩལ་རིམ་པར་དར་ཁྱབ་ བྱུང་དང་འབྱུངམ་བཞིན་ཡོདཔ་ཨིན་ནོ།

དེ་འབད་ཨིན་དགོ་མི་ཡང་ http://www.tsanpo.com  ཟེར་མི་ནང་ལུ་ འབྲུག་ཡུལ་གྱི་ཡི་གུ་འབྲི་སྲོལ་དེ་ཡང་། བོད་ལུ་རྒྱ་གར་ལས་ ཡི་གུའི་དཔེ་བླངས་ཏེ་ བོད་ཡིག་བྱུང་དོ་བཟུམ་སྦེ་ དུས་རབས་༨་པ་ལུ་ གུ་རུ་པདྨ་སམྦྷཝའི་སློབ་མ་ ཡི་གུ་འབྲི་ནི་ལུ་མགྱོགས་དྲགས་ཡོད་མི་ ལོ་ཙཱ་བ་ལྡན་མ་རྩེ་མང་ཟེར་མི་འདི་ དབྱིན་ལོ་༨༠༠་ལུ་ བུམ་ཐང་ལྕགས་མཁར་རྒྱལ་པོའི་བླ་མཆོད་པའི་སྐབས་ལུ་གནང་སྟེ་ ལོ་ཙཱ་བ་ལྡན་མ་རྩེ་མང་གིས་ འབྲུག་ལུ་ཡི་གུ་དང་རིག་གནས་ཀྱི་སྲོལ་ གསརཔ་མཛད་ཡོདཔ་ལས་ བོད་ཡིག་དབུ་ཅན་དབུ་མེད་ག་དང་ཡང་མ་འདྲ་བའི་ ཁྱད་ཆོས་ཅན་གྱི་ཡི་གུ་ལྷོ་ཡིག་ཟེར་མི་འདི་ ད་ལྟོ་ང་བཅས་ལྷོ་འབྲུག་ཕོ་མོ་ཡོངས་ཀྱིས་ ལག་ལེན་འཐབ་ཞིན་དུ་ཡོད། འབྲི་སྲོལ་འདི་དབྱིན་ལོ་༨༠༠་ནང་ལས་དར་ཁྱབ་སོང་སྟེ་ མ་ཉམས་པར་གནས་ཡོད་རུང་ དེང་སང་རང་སོའི་ལགཔ་གི་བཟོ་བཀོད་ལས་བརྟེན་ཏེ་ རིམ་པ་བཞིན་དུ་བསྒྱུར་འགྱོ་མི་འདི་ བློ་རྩལ་གྱི་ནུས་པ་ལུ་རག་ལསཔ་ཨིན་པས། དབྱིན་ལོ་༡༨༠༠་དེ་ཅིག་ཁར་ ཡི་གུའི་བཟོ་དབྱིབས་ཚུ་ ཨ་ཙི་མ་འདྲཝ་བྱུང་དགོ་མི་འདི་ དབུ་ཅན་དབུ་མེད་ལུ་ དུམ་གྲ་བསྒྱུར་བ་འོང་བ་ལས་བརྟེན་ཏེ་ མགྱོགས་ཡིག་ལུ་ཡང་ བསྒྱུར་བ་འོང་ནུག་ཟེར་ཧ་གོ་ཚུགས་པས། ཤུལ་ལས་ཡི་གུའི་རིགས་དང་ སྒྲ་དང་སྙན་ངག་གི་རིག་གནས་ལུ་ སྦྱངས་བརྩོན་ཆེ་བ་ལས་ མཁས་པ་རིམ་གྱིས་བྱུང་སྟེ་ དེ་ཡང་དྲུང་ཡིག་རྟ་མགྲིན་དབང་རྒྱལ་དང་ བུམ་ཐང་ཆོས་རྗེ་ངག་དབང་བསོད་ནམས། སྡེ་སྲིད་དགུ་པ་སྡེ་པ་དགེ་བཤེར་གྲགས་པ་ངག་དབང་རྒྱ་མཚོ་ཚུ་གི་སྐབས་ལུ་ སྤུངས་ཐང་གྲྭ་ཚང་ནང་ སྒྲ་པའི་སྡེ་བཙུགས། བུམ་ཐང་ལས་སློབ་ཆོས་རྗེ་ངག་དབང་བསོད་ནམས་ སྒྲ་པའི་སློབ་དཔོན་དུ་བསྐོ་བཞག་གནང་སྟེ་ ཡི་གུའི་རིགས་ཚུ་ གཙོ་བོར་བཏོན་གནང་ནུག །  སྒྲ་དང་རྩིས་ཀྱི་རིག་པ་ཚུ་ཡང་ དར་ཁྱབ་ཆེས་སུ་ཅིག་སོང་ནུག ། བུམ་ཐང་ཆོས་རྗེའི་སློབ་མ་ འབྲུག་པ་ལོ་ཙཱ་བ་ངག་དབང་དཔལ་བཟང་ཟེར་མི་འདི་ རིག་པའི་གནས་ལུ་ གནམ་མེད་ས་མེད་མཁས་པ་མཆོག་ཏུ་གྱུར་པ་ཡོད་མི་འདི་དང་། ད་རུང་རྗེ་མཁན་པོ་ཁྲི་རབས་༡༢་པ་ཀུན་དགའ་རྒྱ་མཚོ་ཟེར་མི་དེ་ཡང་ གཞུང་ལུགས་དང་རིག་པའི་གནས་ཚུ་ མ་ལུས་པ་ཇི་བཞིན་མཁྱེན་པས་ ཐམས་ཅད་མཐར་ཕྱིན་པ་ལས་ སྤུངས་ཐང་གྲྭ་ཚང་གི་སྒྲ་པའི་སློབ་དཔོན་མཛད་ཞིནམ་ལས་འགོ་བཟུང་སྟེ་ སྒྲ་པའི་སློབ་དཔོན་རིམ་པར་བྱོན་ཏེ་ སློབ་སྦྱོང་ཚུ་རྒྱ་ཆེ་དྲགས་སྦེ་སྤེལ་གནང་ནུག ། སྤུངས་ཐང་ནང་ལུ་ སྒྲ་པའི་སྡེ་ཟེར་མི་འདི་ འབྲུག་གི་ཡི་གུ་ལ་སོགས་པའི་ རིག་གནས་ཀྱི་འབྱུང་ཁུངས་ཚུ་ དམ་ཟབ་མཛད་ཡོདཔ་ལས་ ད་ལྟའི་བར་ན་ཡང་ ང་བཅས་འབྲུག་པའི་ཡི་གུ་དང་ རིག་གནས་ཀྱི་འབྱུང་ཁུངས་ལུ་ཆ་འཇོག་ཡོདཔ་ཨིན།

འབྲུག་ཤར་ཕྱོགས་བུམ་ཐང་དང་ཀྲོང་གསར་ལུ་ བླ་མ་དང་དགེ་བཤེས་མཁསཔ་ལེ་ཤཱ་བྱོན་ཞིན་ལས་ བཤད་སྒྲུབ་ཀྱི་བསྟན་པ་བཙུགས་ཏེ་   ཆོས་ཀྱི་འཆད་ཉན་རྒྱ་ཆེར་མཛད་པའི་བཀའ་དྲིན་ལས་ གཞུང་ལུགས་རིག་གནས་ཀྱི་བསྟན་པ་ཤར་ཕྱོགས་སུ་རྒྱས་ནུག ། ད་རུང་གཞན་ཡང་ལག་རྩལ་གྱི་རིགས་ཚུ་ བཀྲ་ཤིས་སྒང་དང་ མོང་སྒར་ འཁན་རིགས་རྣམ་གསུམ་ལས་ཕར་ ལག་རྩལ་ལུ་མཁས་པ་ལས་བརྟེན་ཏེ་ འབྲུག་རང་གི་ཡིག་བཟོ་ལུ་མཁས་མི་ ཤར་ཕྱོགས་ཀྱི་མི་ཚུ་ཨིནམ་སྦེ་ཆ་བཞགཔ་མས། འབྲུག་རྒྱལ་ཡབ་སྲས་ཚུ་གི་སྐུ་མདུན་ལུ་ཡང་ དྲུང་ཡིག་མང་ཆེ་བ་ཤར་ཕྱོགས་ཀྱི་མི་རིགས་ཨིནམ་སྦེ་ མཁས་པ་རིམ་བྱོན་གྱིས་མཛད་པའི་དཔེ་དེབ་ནང་ལུ་གསུངས་ནུག །

ལྷོ་མོན་འབྲུག་གི་གཡུས་འདི་ རྒྱལ་ཁབ་གཞན་དང་མ་འདྲེས་པའི་ ཁྱད་ཆོས་ཐུན་མོང་མ་ཡིན་པ་འདི། མི་རིགས་དང་། གོ་ལ་གྱོན་ཐངས་ཀྱི་གོམས་གཤིས། གཞུང་གི་ཁྲིམས་སྲོལ། སྐད་ཡིག་ཚུ་དང་ ད་རུང་ཆོས་སྲིད་གཉིས་ལྡན་འདི་ འཛམ་གླིང་རྒྱལ་ཁབ་གཞན་ཚུ་གིས་ངོམས་རུང་ངོམས་ཆོག་པའི་ཁྱད་པར་ཅན་གྱི་རྒྱལ་ཁབ་ རང་གི་རྟགས་མཚན་གཙང་ཏོང་ཏོ་ཡོདཔ་ལས་བརྟེན་ཏེ་  འཛམ་གླིང་སའི་ཐོག་གི་རྒྱལ་ཁབ་ཀུན་གྱིས་ འབྲུག་ཡུལ་འདི་རྒྱལ་བརྒྱུད་ཀྱིས་སྐྱོང་བའི་རང་དབང་རང་བཙན་གྱི་ རྒྱལ་ཁབ་ཅིག་ཨིནམ་སྦེ་  ངོས་འཛིན་གྱིས་ཆ་འཇོག་གནང་དགོ་མི་འདི་ཡང་ དེསྦེ་ཨིན་ཟེར་ཞུ་ནི་ཨིན།

རྒྱབ་རྟེན་དཔེ་དེབ། རྩ་གཞུང་དང་ཁྱད་རིག་རྒྱབ་སྐྱོར་སྡེ་ཚན།

ཐོག་མར་ཕྱི་ལོ་དུས་རབས ༡༧ པའི་ནང་ཞབས་དྲུང་ངག་དབང་རྣམ་རྒྱལ་མཆོག་གིས་ལྷོ་མོན་ནམ་ལྷོ་མོན་ཁ་བཞི་གྲགས་པའི་ཡུལ་སྡེ་དེ་ཡུག་གཅིག་ཏུ་སྦྲེལ་རྗེས་འབྲུག་ཡུལ་ཞེས་ཐོགས། འོན་ཀྱང་ཕྱི་ལོ་དུས་རབས་ ༡༨ བར་འབྲུག་ཡུལ་ནང་ཕྱི་ནང་གི་དུས་ཟིང་མང་པོ་བྱུང་ཡང་། ཕྱི་ལོ་ ༡༨༨༢ ལོར་ཀྲོང་གསར་དཔོན་སློབ་མི་རྗེ་འཇིགས་མེད་རྣམ་རྒྱལ་མཆོག་གི་བུ་ཨོ་རྒྱན་དབང་ཕྱུག་གིས་ཕྱི་ནང་གི་དགྲ་ག་ར་ཚར་བཅད་དེ། འབྲུག་གི་ལྷ་མི་སྲིད་སྡེ་ཡོངས་ཀྱིས་མི་དབང་ཨོ་རྒྱན་དབང་ཕྱུག་མཆོག་འབྲུག་གི་རྒྱལཔོ་སྦེ་བསྐོས། ཡུལ་འདིར་ཕྱི་ལོ་དུས་རབས་ ༨ པ་ནས་ནང་པའི་ཆོས་དར་བ་དང་། དུས་རབས་ ༡༧ པའི་ནང་ཆོས་སྲིད་གཉིས་ལྡན་གྱི་གཞུང་དང་། ཕྱི་ལོ་ ༡༩༠༧ ལོར་འབྲུག་རྒྱལ་བརྒྱུད་ཀྱི་རིང་ལུགས་དབུ་བརྙེས། ཕྱི་ལོ་ ༡༩༧༡ ལོར་འཛམ་གླིང་མཉམ་འབྲེལ་རྒྱལ་ཚོགས་ཀྱི་ཁོངས་སུ་འཛུལ་ནས་འཐུས་མི་ ༡༢༨ པ་དེ་ཆགས། ཕྱི་ལོ་ ༢༠༠༨ ལོར་མང་གཙོའི་རིང་ལུགས་དབུ་བརྙེས་ནས་ལོ་དེར་འབྲུག་རྒྱལ་ལྔ་པའི་ཁྲི་འདོན་མཛད་སྒོ་དང་། འབྲུག་རྒྱལ་བརྒྱུད་རིང་ལུགས་དབུ་བརྙེས་ནས་ལོ་བརྒྱ་འཁོར་བའི་དུས་དྲན་བརྩི་སྲུང་གནང་ཡི། ནང་པ་མང་གཙོའི་རྩ་ཁྲིམས་ཅན་གྱི་རྒྱལ་བརྒྱུད་རྒྱལ་ཁབ་འདིའི་ངོ་རྟགས།

དང་པོ། རྒྱལ་དར་ནི་ཕྱེད་སེར་པོ་དང་། ཕྱེད་ལི་ཝང་གི་གཞི་ཅན་སྟེང་འབྲུག་དཀར་པོ་ཁ་གནམ་བསྟན། རྐང་ལག་གི་སྡེར་མོས་ཡིད་བཞིན་གྱི་ནོར་བུ་འཛིན་པ། གཉིས་པ་གཞུང་རྟགས་ནི། སྦུག་རྡོ་རྗེ་རྒྱ་གྲམ་གཡས་གཡོན་གཡུ་འབྲུག་ཕོ་མོས་བརྒྱན་པའི་རྩེ་ཏོག་ནོར་བུ་མིག་གསུམ་པ་མཐའ་མུ་ཁྱུད་ཀྱིས་བསྐོར་བ།