མཁན་ཆེན་བོ་ངྷི་ས་ཏྭ།
མཁན་ཆེན་བོ་ངྷི་ས་ཏྭ། རྩོམ་པ་པོ། དུང་དཀར་བློ་བཟང་འཕྲིན་ལས། སུ་རུ་མེ་ཏོག་གིས་བསྒྲིགས།
མཚན་དངོས་ཞི་བ་འཚོ་སྟེ། རྒྱ་གར་སྐད་དུ་ཤནྟི་རཀྵི་ཏ་ཞེས་ཟེར། བོད་ཀྱི་ལོ་རྒྱུས་ཡི་ཆ་མང་པོར་དགུང་ལོ་དགུ་བརྒྱ་ལྷག་ཙམ་གྱི་བར་དུ་བཞུགས་པ། རྒྱལ་པོ་ལྷ་ཐོ་ཐོ་རི་གཉན་བཙན་གྱི་སྐབས་ལོ་ཙྰ་བ་ལི་ཐེ་སི་ལ་མདོ་སྡེ་སྤང་ སྐོང་ཕྱག་རྒྱ་སོགས་བསྐུར་གནང་མཛད། རྒྱལ་པོ་ཁྲི་སྲོང་ལྡེ་བཙན་གྱི་དུས་སུ་བོད་དུ་གདན་དྲངས་ཏེ་བྱོན་པ་དང་། མཁན་ཆེན་དེ་སྐུ་ཚེ་ཧ་ཅང་རིང་པོར་བཞུགས་པའི་དབང་གིས་སྐུ་ཚེ་སྟོད་དང་།བར། སྨད་སོགས་གསུམ་གྱི་སློབ་མ་མང་པོ་ཡོད་ཅེས་བཤད་སྲོལ་འདུག ཇོ་ནང་ཏྰ་ར་ནྰ་ཐས་མཛད་པའི<<རྒྱ་གར་ཆོས་འབྱུང་>>ལེའུ་ཉི་ཤུ་རྩ་ དགུ་པའི་ནང་བོད་ཀྱི་ཡུལ་དུ་བྱོན་པའི་ཨྰ་ཙྰརྱ་བོ་ངྷི་ས་ཏྭ་ནི། རྒྱལ་པོ་གོ་པྰ་ལ་ནས་རྒྱལ་པོ་ངྷརྨ་པྰ་ལའི་བར་དུ་ངེས་པར་བཞུགས་པར་མངོན་ལ། བོད་ཀྱི་ལོ་རྒྱུས་ཁུངས་ཆེ་བར་བྱས་པ་མང་པོ་ཞིག་གི་ནང་བོད་ཀྱི་རྒྱལ་པོ་དགུ་ མཁན་པོ་འདིའི་སྐུ་ཚེའི་རིང་ལ་འདས་ཟེར་བར་སྣང་བས་དེ་ལྟར་ན་སློབ་དཔོན་འཕགས་པ་ ཐོགས་མེད་སྐུ་མཆེད་གཉིས་ཀྱི་ཞབས་ཟིན་པ་ཙམ་དུ་བྱེད་དགོས་ཏེ་ཇི་བཞིན་ཡིན་པར་ དཀའ་འོ།།ཞེས་གསལ་བར་དེ་རང་གཞིར་བཟུང་ན། རྒྱ་གར་ཤར་ཕྱོགས་ཀྱི་རྒྱལ་པོ་གོ་པྰ་ལས་སྲིད་དབང་བཟུང་བའིདུས་ནི་ནི་སྤྱི་ ལོའི་དུས་རབས་བདུན་པའི༦༨༥---༧༢༠བར་ཡིན་ཅིང་། དེ་ནས་རྩིས་པའི་རྒྱལ་རབས་བཞི་པ་རྒྱལ་པོ་ངྷ་རྨ་པྰ་ལས་སྲིད་དབང་བཟུང་བའི་དུས་ ནི་སྤྱི་ལོའི་དུས་རབས་བརྒྱད་པའི་མཇུག༧༩༠---༨༥༣བར་ཡིན་ཅིང་། དེའི་བར་ལོ་བརྒྱ་དང་ལྔ་ཡོད་པས་སྐུ་ཚེ་རིང་པོ་བཞུགས་ངེས་ཅན་རེད། མུ་འགོད།