མ་ཧཱ་བྷཱ་ར་ཏ་ལོ་རྒྱུས་དངོས་ཡིན་མིན་ལ་དཔྱད་པ།
སྔོན་གླེང་།
ལོ་རྒྱུས་སྙན་ངག་རིང་མོ་མ་ཧཱ་བྷཱ་ར་ཏ་ནི་རྒྱ་གར་ལ་ལོ་རྒྱུས་སྙན་རྩོམ་རིང་མོ་གཉིས་ཡོད་པ་ལས་གཅིག་དེ་ཡིན་པ་དང་། འདི་ནི་འཛམ་གླིང་ཐོག་སྐད་གྲགས་ཡོད་པའི་ལོ་རྒྱུས་ཀྱི་བྱུང་བ་བརྗོད་པའི་གཏམ་རྒྱུད་རྩོམ་རིག་རིང་ཤོས་ཤིག་ཡིན་པ་དང་། དེའི་བརྗོད་བྱའི་ནང་དོན་མཚར་ལ་རྒྱ་ཆེ་དང་། རྗོད་བྱེད་ཚིག་གི་རོལ་མོ་སྙན་ལ་རྣ་བར་འཇེབས་པ། གོ་སླ་བ་ཁྱད་པར་དུ་ཡིག་འབྲུ་ཤིན་ཏུ་མང་བས་བརྗོད་བྱའི་ནང་དོན་རྒྱས་ལ་ཕུན་སུམ་ཚོགས་པར་གྱུར་ཕྱིན་སྐྱེ་བོ་མཐའ་དག་གི་ཡིད་རང་དབང་མེད་པར་དྲངས། འོན་ཀྱང་ཤེས་དགོས་པ་ཞིག་ལ་མ་ཧཱ་བྷཱ་ར་ཏ་ནི་ལོ་རྒྱུས་དངོས་ཡིན་མིན་གསལ་པོ་ཤེས་དགོས་པའི་གནད་དོན་ཞིག་ཡིན། ལོ་རྒྱུས་ཀྱི་དེབ་ཐེར་ནི་མི་སྣ་ཞིག་གི་ལས་སྡོམ་དངོས་དང་འབྲེལ་བའི་མཛད་རྗེས་བཤད་པའི་བསྟན་བཅོས་ཤིག་ཡིན་ལ། སྒྲུང་ནི་ལོ་རྒྱུས་ཀྱི་མི་སྣ་ལ་རྩོམ་རིག་སྒྱུ་རྩལ་ལ་ཡོད་པའི་རབ་བཏགས་ཀྱིས་བརྒྱན་ནས་བརྩམས་པའི་རྩོམ་རིགས་ཤིག་ཡིན། དེས་ན་མ་ཧཱ་བྷཱ་ར་ཏ་འདི་ནི་ལོ་རྒྱུས་དངོས་ཡིན་མིན་གྱི་ཐད་ལ་དཔྱད་པ་ཕྲན་ཙམ་ཞིག་བྱའོ།།
༡༽ མཧཱ་བྷ་ར་ཏའི་བྱུང་ཚུལ་མདོར་ཙམ་གླེང་བ།
མཧཱ་བྷ་ར་ཏའི་བྱུང་བ་ནི། (कौरव) འམ་དམག་བརྒྱ་པའི་བུ་དང་། (पाण्डव)འམ་སྐྱ་སེང་བུ་ལྔ་སྟེ། ཕ་མ་རྒན་གཞོན་གྱི་བུ་སྤུན་cousins མཐར་དམག་འཐབ་བྱུང་བའི་དཔའ་བོའི་ལོ་རྒྱུས་ཀྱི་མིང་ཞིག་རེད། སྤྱིར་བཏང་“མཧཱ་བྷ་ར་ཏ”ཞེས་པ་ནི། བྷ་ར་ཏ་ཆེན་པོ་ཟེར་བའི་དོན་དང་། དེ་ཡང་རྒྱལ་བརྒྱུད་འདིའི་རྒྱལ་པོ་དང་པོའི་མིང་ཡིན། དེང་སང་རྒྱ་གར་ལ་མིང་གཞན་བྷ་ར་ཏ་ཞེས་པའང་རྒྱལ་པོ་འདིའི་མིང་ཡུལ་ལ་ཐོགས་པ་ཡིན། དམག་བརྒྱ་པ་དང་སྐྱ་སེང་བུ་ལྔ་པོ་ཡང་རྒྱལ་པོ་བྷ་ར་ཏའི་རྒྱལ་རྒྱུད་ཉིད་དོ། །གཡུལ་འཐབ་འདི་ལ་ནག་ཕྱོགས་པ་དང་དཀར་ཕྱོགས་པ་གཉིས་ཡོད་ཅིང་།
ནག་ཕྱོགས་པ་ནི། ཡབ་རྒྱལ་པོ་(དམག་བརྒྱ་པ)དང་། བཙུན་མོའི་མིང་ལ། गांधारी, ཟེར། རྒྱལ་པོ་འདི་མིག་ལོང་བ་ཡིན་ལ། འདི་ལ་ “འཐབ་དཀའ” ལ་སོགས་པ་སྲས་བརྒྱ་བྱུང་ཞིང་། འདི་སྐྱ་སེང་བུ་ལྔའི་ཨ་ཁུ་ཡང་ཡིན། འདི་ལ་བུ་བརྒྱ་ཡོད་པས་དམག་བརྒྱ་པ་ཞེས་མིང་ཐོགས། བུ་རྒན་ཤོས་ཀྱི་མིང་ལ། दुर्योधन (འཐབ་དཀའ)ཟེར།
འདི་སྐྱ་སེང་བུ་ལྔའི་དགྲ་ཟླའི་གཙོ་བོ་དང་རྙོག་ཁྲ་སློང་མཁན་གྱི་གཏེ་དཔོན་ཡིན། དེའི་འོག་མ་དེར་ दुःशासन ཟེར་རོ།
དཀར་ཕྱོགས་པ་ནི།पांडु (སྐྱ་སེང) དང་། བཙུན་མོའི་མིང་ལ། कुंती, ཟེར། རྒྱལ་པོ་འདི་“དྷྀཏ་རཱཥྚྲ”གྱི་གཅུང་པོ་ཡིན་ཞིང་། འདི་ལ་བུ་ལྔ་ཡོད། དེ་དག་ལ་ “སྐྱ་སེང་བུ་ལྔ” ཟེར། གོང་གི་བུ་སྤུན་བརྒྱ་པོ་རྣམས་དང་། སྐྱ་སེང་བུ་ལྔའི་དབར་གཡུལ་འཐབ་བྱུང་ཞིང་། ཐ་མ་དམག་བརྒྱ་པ་ཕམ་ནས་ཐམས་ཅད་སྐྱ་སེང་བུ་ལྔའི་མཚོན་འོག་ཏུ་ཤོར་རོ། །
སྐྱ་སེང་བུ་ལྔ་ནི།
༡. युधिष्ठिर। (གཡུལ་བརྟན)
༢. भीमसेन । (འཇིགས་སྡེ)
༣. अर्जुन । (སྲིད་སྒྲུབ)
༤. नकुल। (ནེའུ་ལེ། སྲེ་མོང)
༥. सहदेव। (ལྷར་བཅས)
༢༽ མཧཱ་བྷ་ར་ཏ་རྩོམ་ཚུལ་གྱི་རིམ་པ།
མཧཱ་བྷ་ར་ཏ་རྩོམ་པ་པོ་ནི་དྲང་སྲོང་རྒྱས་པ་ཡིན། བསྐལ་པ་གཉིས་ལྡན་སྐབས་སུ་བརྩམས་གནང་བ་དང་། དེང་སང་གི་མཁས་པའི་འདོད་ཚུལ་ལ་དུས་རབས་འགོ་མ་འཛུགས་པའི་སྔ་རོལ་ནས་བརྩམས་གནང་བ་འདོད་ཀྱི་ཡོད། སྙན་ངག་རིང་མོ་འདི་མི་དུ་མ་ཞིག་གིས་བརྩམས་པར་བཤད་དེ། ཆེས་ཐོག་མའི་དུས་སྐབས་སུ། དྲང་སྲོང་རྒྱས་པས་ཞལ་ནས་སྐྱོར་ཞིང་ཚོགས་བདག་གིས་ཡི་གེར་ཕབ་དུས། འདི་ལ་ཤོ་ལོ་ཀ་བརྒྱད་སྟོང་བརྒྱད་བརྒྱ་ཡོད་པར་བཤད་ཅིང༌། མིང་ལ་ཛ་ཡ་སྟེ་རྒྱལ་བ་བྱ། དེ་ནི་མ་ཧཱ་བྷཱ་ར་ཏ་བྱ་བའི་སྙན་ངག་རིང་མོ་འདི་ཆེས་ཐོག་མའི་མིང་ཡིན། དེ་ནས་རིམ་པ་གཉིས་པར། དྲང་སྲོང་རྒྱས་པའི་སློབ་མ་བཻཤཱམྤ་ཡ་ཎས་རྒྱལ་བོ་ཛ་ན་མེ་ཛ་ཡ་མཆོག་ལ་བཤད་པའི་ཚེ། འདི་ཤོ་ལོ་ཀ་སྟོང་ཕྲག་ཉེར་བཞིའི་བདག་ཉིད་ཅན་དུ་གྱུར་ལ། མིང ལ༌བི༌ཛ༌ཡ༌སྟེ༌རྣམ༌པར༌རྒྱལ༌བའམ༌རྣམ་རྒྱལ་ཞེས་ཐོགས། དེ་ནས་རིམ་པ་གསུམ་པར་ཨུ་གྲ་ཤྲ་བ་ས་བྱ་བའི་སྙན་ངག་མཁན་གྱིས་ནཻ་མི་ཥ་བྱ་བའི་དབེན་པའི་ནགས་སུ་དྲང་སྲོང་ཤློོ་ན་ཀས་གཙོས་པའི་དྲང་སྲོང་གི་འདུན་པ་
ཆེན་པོར་བཤད་པའི་ཚེ། ཤོ་ལོ་ཀ་སྟོང་ཕྲག་བརྒྱའི་བདག་ཉིད་ཅན་དུ་གྱུར་ལ། མིང་ལ་ད་ལྟ་ཀུན་ལ་རླུང་ལྟར་གྲགས་པའི་མ་ཧཱ་བྷཱ་ར་ཏ་བྱ་བ་འདི་བྱུང་བ་ཡིན་པ་བཤད། འོན་ཀྱང་དེང་སང་གི་མཁས་པ་ཕལ་མོ་ཆེ་དྲང་སོང་རྒྱས་པས་ཤོ་ལོ་ཀ་སྟོང་ཕྲག་བརྒྱ་དུས་གཅིག་ཏུ་བརྩམས་གནང་བ་འདོད། སྤྱིར་མཧཱ་བྷ་ར་ཏ་ནི་ཚིག་བཅད་འབུམ་དྲུག་བཅུའི་བདག་ཉིད་ཅན་ཡིན་པ་དང་། འབུམ་སུམ་ཅུ་ལྷ་ཡུལ་དུ་དར་བ་དང་། འབུམ་བཅོ་ལྔ་མཚོན་
གྱི་འཇིག་རྟེན་དུ་དར་བ་དང་། འབུམ་བཅུ་བཞི་གནོད་སྦྱིན་གྱི་འཇིག་རྟེན་དུ་དར་བ་དང་། འབུམ་གཅིག་མི་ཡུལ་དུ་དར་བ་ཡིན། འདི་ལ་ལེའུ་བཅོ་བརྒྱད་ཡོད། རྒྱ་གར་བའི་འདོད་ཚུལ་ལ་མཧཱ་བྷ་ར་ཏ་འདི་ནི་དྲང་སོང་གི་གསུང་པའི་ཚིག་ཡིན་པས་ཡིད་ཆེས་པའི་སྙན་ངག་ཏུ་འདོད། དེ་བཞིན་རཱ་མཱ་ཡ་ཎ་དེ་ཡང་ཡིད་ཆེས་པའི་སྙན་ངག་ཏུ་འདོད་ཀྱི་ཡོད། རྒྱ་གར་གྱི་རིག་གཞུང་དང་། བསམ་བློ་གཏོང་ཚུང་། ལྟ་གྲུབ་གང་ཅི་ཐོག་ནས་ཤིན་ཏུ་གལ་ཆེ།
༣༽ མ་ཧཱ་བྷཱ་ར་ཏ་ལོ་རྒྱུས་དངོས་ཡིན་པ་བཤད་པ།
མ་ཧཱ་བྷཱ་ར་ཏ་ལོ་རྒྱུས་དངོས་ཡིན་པའི་རྒྱུ་མཚན་ཁ་ཤས་གཤམ་འོག་ཏུ་གླེང་ན།
༡༽ མ་ཧཱ་བྷཱ་ར་ཏ་ལོ་རྒྱུས་ནང་དུ་བཤད་ཡོད་པའི་ས་ཆ་མི་ཉུང་བ་ཞིག་དེང་སང་ཡང་དངོས་སུ་མཇལ་རྒྱུ་ཡོད། དཔེར་ན་ DWARKA ཞེས་པའི་ས་ཆ་འདི་ཉམས་ཞིབ་པ་ཚོས་རྒྱ་མཚོ་ནང་དུ་ཡོད་པ་རྙེད་པ་དང།
དེ་ནི་ད་ལྟའི་རྒྱ་གར་Gujurat ལ་དངོས་སུ་མཐོང་རྒྱུ་ཡོད།
༢༽ སྔོན་གྱི་ལོ་རྒྱུས་ཐམས་ཅད་ལ་སྙན་ངག་པས་སྒྲོ་བཏགས་ནས་འབྲི་ཚུལ་ཡོད་པ་བཞིན་མ་ཧཱ་བྷཱ་ར་ཏ་ལོ་རྒྱུས་འདི་ལའང་རབ་བཏགས་དང་སྒྲོ་བཏགས་ཅུང་ཙམ་ཡོད་པ་ཙམ་གྱི་ལོ་རྒྱུས་དངོས་མ་ཡིན་པ་ནམ་ཡང་སྒྲུབ་མི་ཐུབ།
༣༽ མ་ཧཱ་བྷཱ་ར་ཏ་ལོ་རྒྱུས་འདི་རུ་བསམ་ཡུལ་ལས་འདས་པའི་བྱ་སྤྱོད་ཡོད་པ་དཔེར་ན་ནམ་དུ་འཕུར་བ་དང་།
ས་ལ་འཛུལ་བ་སོགས་ཡོད་པ་ཙམ་གྱི་ལོ་རྒྱུས་དངོས་མིན་པ་སྒྲུབ་མི་ཐུབ་པ་དང་། དཔེར་ན་ལོ་བརྒྱ་སྔོན་གྱི་མི་
རྣམས་ལ་དེང་སང་གི་འཁྲུལ་འཁོར་ནམ་གྲུ་དང་ཁ་པར་སྐོར་བཤད་ན་སུས་ཀྱང་ཡིད་ཆེས་དཀའ་བའི་གནས་ཡིན་པས་དེ་ལྟར་བསྐལ་པ་རྫོགས་ལྡན་ལ་བྱུང་བའི་གནས་ཚུལ་དག་སྙིགས་དུས་ཀྱི་སེམས་ཅན་ཚོ་ལ་བཤད་ན་ཡིད་མ་ཆེས་པའི་གནས་སུ་གྱུར་ཡོད།
༤༽ གལ་ཏེ་མ་ཧཱ་བྷཱ་ར་ཏ་ལོ་རྒྱུས་དངོས་སུ་བྱུང་མེད་ན་འདི་རུ་བཤད་ཡོད་པའི་མི་སྣ་ཧ་ཅང་མང་བ་དང་། གཉིས་ནས་མི་སྣ་སོ་སོའི་ཁམས་དང་མོས་པ་ནག་པོ་འགྲོ་ཤེས་ངང་བཤད་ཚུལ་སོགས་ལ་བལྟ་ན་མི་གཅིག་གིས་སོ་སོའི་རྣམ་དཔྱོད་ཀྱིས་རབ་བཏགས་ནས་འབྲི་ཐུབ་པ་ནི་བསམ་ཡུལ་ལས་འདས་པའི་ཡུལ་ཁོ་ནའོ།།
༥༽ མ་ཧཱ་བྷཱ་ར་ཏ་ལོ་རྒྱུས་དེབ་ནང་དུ་ཡང་དངོས་སུ་བྱུང་བའི་ལོ་རྒྱུས་ཡིན་པ་བཤད་ཡོད་པ་ལས་སྒྲུང་གཏམ་ཡིན་པ་ནམ་ཡང་འཆད་མེད།
༤༽ རང་ལུགས་དང་འབྲེལ་བའི་ཆེས་མཐའ་མའི་མཐའ་དཔྱོད་ཀྱི་གཏམ།
རྩོམ་པ་པོ་ཞོགས་དུང་གིས་”བགྲོད་གླེང་མེད་ན་ལེགས་བཅོས་མེད།། ལེགས་བཅོས་མེད་ན་གོང་འཕེལ་མེད།། རྩོད་པ་མེད་ན་འགྲན་སློང་མེད།། འགྲན་སློང་མེད་ན་མདུན་སྐྱོད་མེད།།” ཅེས་གསུངས་པ་བཞིན་རིག་པའི་རྣམ་གཞག་གང་འདྲ་ཞིག་ཡིན་རུང་ཕན་ཚུན་བགྲོད་གླེང་དང་རྩོད་གཞིའི་ཁྲོད་ནས་ད་གཟོད་སྔོན་ཐོན་དང་ཚད་ལྡན་དུ་འགྱུར་ངེས་པ་དངོས་ཡོད་ཀྱི་འཚོ་བ་དང་ཉམས་མྱོང་ལས་གསལ་པོར་རྟོགས་ཐུབ། དེ་བཞིན་ང་ཚོའི་ཀྱང་མ་ཧཱ་བྷཱ་ར་ཏའི་ལོ་རྒྱུས་དངོས་ཡིན་མིན་སྐོར་ལ་རང་བློའི་ལྕོགས་ཚོད་ཀྱིས་མདོ་ཙམ་དཔྱད་པ་བྱས་ཡོད། འོན་ཀྱང་དཔྱད་གཏམ་ཞིག་འབྲི་བའི་ཚེ་མཐའ་མར་རང་ཉིད་ཀྱིས་ལུང་རིགས་ཀྱི་རྒྱབ་བརྟེན་གཞི་ལ་བཅོལ་ནས་གཞན་ལུགས་ནོར་བ་བཀག་ཏེ་རང་ལུགས་འཐད་ལྡན་དུ་འཇོག་པའི་ཁྲིམས་སྲོལ་ཞིག་སྔོན་ནས་ད་བར་གྱི་ཤེས་ལྡན་པའམ་དཔྱད་བརྗོད་པའི་ཐུན་མོང་མ་ཡིན་པའི་ལྟ་གྲུབ་ཅིག་ཏུ་གྲུབ་ཡོད་པས། ང་ཚོས་ཀྱང་ཚུལ་གསུམ་ཚང་བའི་རྒྱུ་མཚན་ཁ་ཤས་རྒྱབ་བརྟེན་ཁུངས་བཅོལ་ཐོག་མ་ཧཱ་བྷཱ་ར་ཏའི་འདི་ནི་ལོ་རྒྱུས་དངོས་ཡིན་པ་འདོད་ཀྱི་ཡོད། ང་ཚོ་ཐོས་རྒྱ་དང་མཐོང་རྒྱ་ཆུང་བའི་རྐྱེན་གྱིས་ཆད་ལྷག་སོགས་ཀྱི་སྐྱོན་དུ་མ་ཞིག་ཡོད་སྲིད་ལགས་ན། དགེ་རྒན་ལགས་ཀྱི་མདུན་སར་འཐོལ་བཤགས་འབུལ་རྒྱུ་དང་། ལེགས་ཆ་ཆུང་ཟད་རེ་འཆིས་ན་མེ་ཏོག་ཆུང་ཡང་ལྷ་རྫས་ཀྱི་དཔེ་ལྟར་མཆོད་པའི་ཚུལ་དུ་བཞེས་རོགས་ཞེས་ཞུ་རྒྱུ་ཡིན།