མ་ཧཱ་
མ་ཧཱ་ཞེས་པ་ནི་སཾ་སྐྲྀ་ཏའི་སྐད་དུ་"ཆེན་པོ"ཞེས་པའི་དོན་ཡིན། རྡོ་རྗེ་སེམས་དཔའི་ཡིག་བརྒྱ་པའི་ནང་དུ་"མ་ཧཱ་ས་མ་ཡ་སཏྭ"ཞེས་སྦྱར་ཏེ་"དམ་ཚིག་ཆེན་པོ་སེམས་དཔའ"ཞེས་པའི་དོན་སྟོན། འདིར་"ཆེན་པོ"ཞེས་པ་ནི་གསང་སྔགས་ཀྱི་དམ་ཚིག་ཁྱད་པར་ཅན་ཞིག་སྟེ། ཐབས་སྙིང་རྗེ་དང་ཤེས་རབ་སྟོང་ཉིད་ཟུང་འཇུག་གི་ལྟ་བ་གཞིར་བཞག་པ་ཡིན།
སྒྲ་བཤད།
[རྩོམ་སྒྲིག]མ་ཧཱ་ནི་སཾ་སྐྲྀ་ཏའི་སྐད་དུ་"ཆེན་པོ"ཞེས་པའི་དོན་ཏེ།
"མ་ཧཱ་ཞེས་པ་ཆེན་པོ།"[༡]
དོན་སྙིང་།
[རྩོམ་སྒྲིག]མ་ཧཱ་ཞེས་པ་དེ་ས་མ་ཡ་དང་སཏྭ་གཉིས་ཀྱི་སྔོན་དུ་སྦྱར་ཏེ་"དམ་ཚིག་ཆེན་པོ་སེམས་དཔའ"་ཞེས་པའི་དོན་སྟོན་པ་ཡིན། "མ་ཧཱ་ས་མ་ཡ་སཏྭ་ནི་དམ་ཚིག་སེམས་དཔའ་ཆེན་པོ་སྟེ། དུས་དང་བྲལ་བའི་དུས་ཆེན་པོ་ལས་ནམ་ཡང་མི་འདའ་བའི་སེམས་དཔའ་ཆེན་པོ་ཞེས་བྱའི་དོན་ཡིན་ཞིང་། མཐར་དེ་ལ་བོད་པའི་དོན་དུ་སི་བྱིན་པའོ།"[༢]
སྦྱོར་ཚུལ།
[རྩོམ་སྒྲིག]རྡོ་རྗེ་སེམས་དཔའི་ཡིག་བརྒྱ་པའི་ནང་དུ་"མ་ཧཱ་ས་མ་ཡ་སཏྭ"ཞེས་སྦྱོར་ཏེ།
"མ་ཧཱ་ས་མ་ཡ་སཏྭ་ཨཱཿནི། མ་ཧཱ་ནི་ཆེན་པོ། ས་མ་ཡ་ནི་དམ་ཚིག། སཏྭ་ནི་སེམས་དཔའ། ཨཱཿནི་གསུང་རྡོ་རྗེ་མཚོན་པའི་ཡིག་འབྲུའོ། དེ་བསྡོམས་ན། དམ་ཚིག་ཆེན་པོ་སེམས་དཔའ་གསུང་ཞེས་པ་སྟེ"[༣]
དམ་ཚིག་ཆེན་པོའི་དོན་གནད།
[རྩོམ་སྒྲིག]འདིར་"ཆེན་པོ"་ཞེས་པ་དམ་ཚིག་གི་ཁྱད་པར་མཚོན་པ་ཡིན་ཏེ།
"སྤྱིར་ཐེག་པ་ཆེན་པོ་མདོ་སྔགས་སྤྱིའི་ལྟ་བའི་སྲོག་ཤིང་ཐབས་སྙིང་རྗེ་ཆེན་པོ་དང་ཤེས་རབ་སྟོང་པ་ཉིད་ཆེན་པོ་ཟུང་དུ་འཇུག་ལྟ་བ་འདི་ཉིད་གཞིར་བཞག་པའི་སྟེང་ནས། འབྲས་བུ་སངས་རྒྱས་ཀྱི་གོ་འཕང་སྒྲུབ་པ་ལ་དགོངས་པའི་ཞེ་ཕུག་གཅིག་ཉིད་ཡིན་པ་ལ།"[༤]