མ་ངེས་པའི་རྟགས་དྲུག

སྲིད་པ་བར་དོའི་གནས་སྐབས་སུ་མ་ངེས་པའི་རྟགས་དྲུག་ནི། ༡ གནས་ངེས་མེད་རི་རྩེ་ཐང་སྟོང་ཁང་སྟོང་ལ་སོགས་པར་ཡུད་ཙམ་རེ་སྡོད། ༢ རྟེན་ངེས་མེད་ཟམ་ཟུར་མཆོད་རྟེན་སོགས་ལ་ཡུད་ཙམ་རེ་བརྟེན། ༣ སྤྱོད་པ་ངེས་མེད་སྐད་ཅིག་རེ་ལ་སྣ་ཚོགས་བྱེད། ༤ ཟས་ངེས་མེད་རིགས་དྲུག་གི་ཟས་སྣ་ཚོགས་མཐོང་ཡང་མི་ཐོབ། ༥ གྲོགས་ངེས་མེད་ལྷ་དང་འདྲེ་སྲིན་བར་དོའི་འགྲོ་བ་སྣ་ཚོགས་དང་ཡུད་རེ་འགྲོགས། ༦སྣང་ཚུལ་ངེས་མེད་ཡིད་ཀྱི་འཆར་སྒོ་བདེ་སྡུག་སྣ་ཚོགས་སྐད་ཅིག་ལ་འགྱུར་ལྡོག་བྱེད་པའི་སྣང་བ་འཆར་བའོ། །