བྱིན་འབེབས་

དེ་ལྟར་རང་བྱུང་སྣང་སྲིད་གཞིར་བཞེངས་ཀྱི་གཙོ་དང་འཁོར་དུ་སྣང་བའི་གནས་གསུམ་རྡོ་རྗེ་གསུམ་གྱི་དབྱིབས་དང་ཐུགས་སྲོག་དྭངས་མའི་ས་བོན་ལས་འོད་ཟེར་གྱི་དྲྭ་བ་ཆོས་དབྱིངས་ཁྱབ་པར་འབར་བས་ཀ་དག་ཟང་ཐལ་གྱི་ཕོ་བྲང༌། ལྷུན་གྲུབ་རིན་པོ་ཆེའི་སྦུབས། སྐུ་དང་ཡེ་ཤེས་འདུ་འབྲལ་མེད་པའི་དབྱིངས་ནས་ཐོག་མའི་མགོན་པོ་ཀུན་བཟང་ཞི་ཁྲོ་རབ་འབྱམས་ཀྱི་དཀྱིལ་འཁོར་རྟེན་དང་བརྟེན་པར་བཅས་པ་ཉི་ཟེར་ལ་རྡུལ་འཚུབ་པ་ལྟ་བུར་སྤྱན་དྲངས། བདག་མདུན་བུམ་པའི་དཀྱིལ་འཁོར་པ་རྣམས་ལ་སིབ་སིབ་ཐིམ་པར་གྱུར།