བྱ་ས་ལྷ་ཁང་།

== བྱ་ས་ལྷ་ཁང་། ==
མཚན་རྒྱས་པར་“བྱ་ས་གསེར་གྱི་ལྷ་ཁང་”ཞེས་ཞུ། ཡར་ཀླུངས་གནས་གསུམ་གྱི་ནང་ཚན་ཞིག་ཡིན། རྣམ་སྲས་གླིང་ནས་སྣུམ་ནག་འཁོར་ལམ་བརྒྱུད་ཤར་དུ་སྤྱི་ལེ་ཉི་ཤུ་རྩ་ལྔ་ཙམ་སོང་ན་ལྷོ་ཁ་ཀྲོན་ཆུས་ཀྱི་ལྟེ་གནས་ཀྱི་སྣེ་ཟིན་མཚམས་ལམ་སྟེང་དུ་ལྷ་ཁང་དེ་ཡོད། “བྱ་ས་”ཞེས་པ་ནི་ལོ་ལྟར་བོད་དུ་ཁུ་བྱུག་ཐོག་མར་ཕེབས་ས་དེ་ཡིན་པས་བྱ་ས་ཞེས་ཟེར། སྔོན་སྡེ་པ་གཞུང་ནས་ལོ་ལྟར་དྲུང་སྐྱ་སེར་གཉིས་བཏང་ནས་བོད་ཟླ་༣ཚེས་༡༥ཉིན་གནས་དེར་སྦྱར་སྡོང་ཆེན་པོ་ཞིག་ཡོད་པའི་འོག་ཏུ་ཕྱེ་མར་སོགས་སྒྲིག་གཤོམ་གནང་སྐབས་བྱ་ཐམས་ཅད་ས་ལ་བབས། དེ་ནས་ཁུ་བྱུག་གིས་ཕྱེ་མར་མཆོད་པ་སོགས་གནང་གི་ཡོད། ལྷ་ཁང་དེ་ནི་ཆོས་རྒྱལ་མངའ་བདག་ཁྲི་རལ་གྱིས་བཞེངས་གནང་ཟེར་ཡང་ལ་ལས་ཆོས་རྒྱལ་དཔལ་འཁོར་བཙན་ཡིན་ཞེས་ཞུ། སྔོན་ལྷ་ཁང་ཐོག་སོ་གསུམ་ལྡན་ནང་སྐུ་རྒྱུ་ལི་ལས་གྲུབ་པའི་སངས་རྒྱས་རྣམ་པར་སྣང་མཛད་ཐོག་སོ་གཉིས་ལྡན་ཅན་དང་། ཐུབ་དབང་གསུང་འབྱོན་མ་སོགས་མཇལ་རྒྱུ་ཡོད།

ད་ལྟ་གསར་བཞེངས་ལྷ་ཁང་ཆུང་ངུའི་ནང་མཁན་སློབ་ཆོས་གསུམ་གྱི་འཇིམ་སྐུ་གསར་བཞེངས་གནང་བ་དང་། སྔོན་གྱི་རྣམ་སྣང་གི་ཕྱག་མཛུབ་གཅིག་སོགས་མཇལ་རྒྱུ་ཡོད།
--ཁང་གསར་ལྷག་པ་ཚེ་རིང་Kangsar LhakpaTsering ༠༦:༠༥, ༢༡ ཟླ་ལྔ་བ། ༢༠༡༤ (UTC)

Read more: https://web.archive.org/web/20141023095806/http://www.thlib.org/places/monasteries/publications/chosphel-book.php#!book=/lho-kha-gnas-yig/wb/b3/#ixzz32KM4vhoR