བོད་བརྒྱུད་ནང་བསྟན་རིག་གནས་ཀྱི་ཝི་ཀི་ལས་གཞི།

བོད་བརྒྱུད་ནང་བསྟན་རིག་གནས་ཀྱི་ཝི་ཀི་ལས་གཞི་ནི་འཕྲུལ་ལས་རིག་པའི་ཐབས་ལམ་བརྒྱུད་བོད་བརྒྱུད་ནང་བསྟན་རིག་གནས་སྲུང་སྐྱོབ་དང་དར་སྤེལ་གྱི་ཆེད་ཚང་མས་མཉམ་འབྲེལ་གྱིསའབད་བརྩོན་བྱེད་སའི་མཉམ་ལས་དྲ་རྒྱ་འབྲེལ་ལམ་ཞིག་ཡིན། ལྷག་པར་དུ་ཝི་ཀི་མི་ཌི་ཡའི་ལས་གཞི་གཙོ་བོར་གཞིར་བཟུང་ནས་ཝི་ཀི་རིག་མཛོད་དང་། ཝི་ཀི་མ་ཡིག ཝི་ཀི་ཚིག་མཛོད། ཝི་ཀི་གྲངས་ཐོ་སོགས་ལ་དམིགས་ནས་ལས་གཞི་སྒྲུབས་པ་ཡིན།

སྙིང་བསྡུས།

མཉམ་ལས་དྲ་རྒྱ་འབྲེལ་ལམ་འདིའི་སྟེང་དུ་ས་ཕྱོགས་གང་སར་གནས་པའི་ནང་ཆོས་ཉམས་ཞིབ་པ་དང་། ལོ་ཙཱ་བ། དྲ་ཐོག་རིག་གནས་སྲུང་སྐྱོབ་པ། ནང་ཆོས་ཉམས་ལེན་པ་བཅས་ཀྱིས་མཉམའབྲེལ་གྱིས་དྲ་ལམ་ནང་ཡོད་པའི་ནང་པའི་ལྟ་གྲུབ་དང་། མཁས་པ་དམ་པ་རྣམས་ཀྱི་མཛད་པ། ནང་ཆོས་ཀྱི་གཞུང་ལུགས་བཅས་བོད་བརྒྱུད་ནང་བསྟན་གྱི་རིག་གནས་དང་བོད་ཀྱི་སྐད་ཡིག་ཐོག་གི་བརྗོད་བྱ་རྣམས་རྒྱ་ཆེར་སྤེལ་བ་དང་། ཁ་གསལ་ཁུང་ལྡན་ཡོང་ཕྱིར་ལས་གཞི་སྒྲུབ་བཞིན་ཡོད།

ལས་འཆར་དང་ཐབས་ལམ།

དྲ་རྒྱ་འབྲེལ་ལམ་འདིས་དྲ་བའི་ནང་ཡོད་པའི་བོད་ཀྱི་ནང་ཆོས་ཀྱི་གཞུང་སྐོར་གྱི་བརྗོད་པ་རྣམས་ཞིབ་ཞིང་རྒྱས་པ་དང་ཁུངས་ལྡན་ཞིག་སྐྲུན་ཐབས་བྱེད་པ་དང་། རིག་མཛོད་འབྲེལ་བའི་ཁྱབ་ཁོངས་རྒྱ་སྐྱེད་གཏོང་བར་འབད་བརྩོན་བྱེད་ཀྱི་ཡོད། ཞུ་དག་ཡོངས་རྫོགས་ཝི་ཀི་མ་ཡིག་ནང་གསལ་བའི་དཔེ་སྐྲུན་ཡིག་ཆ་རྣམས་གཙོ་བོར་གཞི་བཅོལ་ནས་དཔྱད་ཞིབ་ཀྱི་ནོར་འཁྲུལ་མེད་པ་དང་ཁུངས་ལྡན་ཞིག་བཟོ་བཞིན་ཡོད། མཉམ་ལས་ཀྱི་ཐབས་ལམ་འདིས་སྔ་རབས་ཀྱི་ནང་ཆོས་མཁས་པའི་རིག་གཞུང་དང་དེང་རབས་ཀྱི་དྲ་ཐོག་རིག་གནས་སྲུང་སྐྱོབ་ཀྱི་ཐབས་ལམ་གཉིས་མཐུན་སྦྱོར་བྱས་ཏེ། ཁུངས་ལྡན་གྱི་ཤེས་བྱ་འགྲེམས་སྤེལ་བྱེད་བཞིན་པ་དང་། རིག་མཛོད་ཀྱི་ལས་གཞི་ནང་གསལ་བའི་བརྗོད་བྱ་རྣམས་མཁས་པའི་ཁུངས་ལྡན་ཚད་ལྡན་གྱི་གཏན་ཚིགས་མཐོ་ཤོས་འདི་སྐྲུན་བཞིན་ཡོད།།

ལས་གཞིའི་ཁྱབ་ཁོངས།

ལས་འཆར་འདིའི་ལས་དོན།

ཝི་ཀི་མ་ཡིག་གོང་འཕེལ། བོད་ཡིག་ཐོག་ཡོད་པའི་ནང་ཆོས་ཀྱི་གཞུང་འགྲེལ་རྣམས་ཀྱི་ཞུ་དག་ཞིབ་ནན་གྱིས་ཁ་གསལ་བཟོ་སྐྲུན་དང་། རིག་ནུས་ཡིག་སྒྱུར་དང་མཉམ་སྒྲིག
ཝི་ཀི་རིག་མཛོད་གསར་སྐྲུན། ནང་ཆོས་ཀྱི་ལྟ་གྲུབ། ཐ་སྙད། མཁས་པ་དམ་པ་རྣམས་ཀྱི་མཛད་པ། བོད་བརྒྱུད་ནང་བསྟན་གྱི་རིག་གནས་དང་བོད་ཡིག་ཐོག་གི་བརྗོད་བྱ་རྣམས་རྒྱ་ཆེར་སྤེལ་བ།
ཝི་ཀི་གྲངས་ཐོ་མཐུན་སྒྲིག ནང་ཆོས་ཀྱི་ཁྱད་ཆོས། ལྟ་ཚུལ། དེ་དང་འབྲེལ་བ་སོགས་གྲངས་ཐོ་ཁྲོད་ཀྱི་གཞི་གྲངས་གསར་སྐྲུན་བྱེད་པ།
ཡིག་ཆའི་ཁུངས་བཙན་པ། ཞུ་དག་ཚང་མ་བོད་ཀྱི་དཔེ་སྐྲུན་ཡིག་ཆ་ཁུངས་ལྡན་ལས་ངོས་འཛིན་ཐུབ་པ་བྱེད་དགོས།

ཞུ་དག་མི་གཏོང་བའི་ཁྱབ་ཁོངས།

ཆབ་སྲིད་ཀྱི་གནད་དོན།།

ཐབས་ལམ།

ལས་གཞི་ཡོངས་རྫོགས་ཀྱི་ཞིབ་འཇུག་རྒྱུ་མཚན་ཁུངས་ལྟན་དང་གོ་རིམ་བཞིན་སྒྲུབ་རྒྱུ་དང་། ཞུ་དག་རེ་རེ་ཝི་ཀི་མ་ཡིག་གི་དཔེ་སྐྲུན་ཡིག་ཆའི་ཞིབ་འཇུག་དང་མཐུན་པ། ཡིག་ཆའི་ཁུངས་ནི་བོད་ཡིག་ཐོག་ཡིན་པ་དང་། བོད་ཡིག་ཝི་ཀི་རིག་མཛོད་ཀྱི་རྩོམ་རྣམས་ཡིག་ཆ་དེ་དག་དང་དེའི་རིག་ནུས་ཡིག་སྒྱུར་ལས་གྲུབ་པ་ཡིན། ཐབས་ལམ་འདིས་ཝི་ཀི་རིག་མཛོད་ཐོག་གི་ནང་ཆོས་ཤེས་བྱ་རྣམས་རྒྱ་སྐྱེད་གཏང་རྒྱུ་དང། རིག་མཛོད་ཀྱི་ཡིག་ཆ་དེ་དག་ཁུངས་ལྡན་དང་ཕྱོགས་རིས་མེད་པའི་ངང་དབུ་མའི་ལྟ་ཚུལ་གྱི་ཚད་གཞི་ལྡན་པ་དེ་སྲུང་སྐྱོབ་བྱས་ཏེ་བོད་ཀྱི་ནང་ཆོས་ཀྱི་གཞུང་དངོས་ཀྱི་ངོ་བོ་ཉར་ཚགས་བྱེད་ཀྱི་ཡོད། འབྲེལ་ལམ་འདིས་མཉམ་ལས་ཀྱི་ཞུ་དག་དང་། གྲུབ་འབྲས་ཞིབ་བརྗོད། ད་ལྟ་ཡོད་པའི་ཝི་ཀི་རིག་མཛོད་ཞུ་དག་གི་ཚོགས་པ་དང་མཐུན་སྒྲིག་བྱེད་པར་གལ་ཆེན་པོ་བརྩི་ཞིང་། དེས་ནང་ཆོས་ཤེས་བྱ་རིག་མཛོད་ཆེན་པོའི་ལས་འཆར་ནང་སྒྲིག་འཛུགས་ཀྱི་ལེགས་པོ་ཡོང་ཐབས་བྱེད་ཀྱི་ཡོད།

དམིགས་ཡུལ།

ལས་གཞི་འདིའི་དམིགས་པ་ནི། དྲ་ཐོག་ནང་ཡོད་པའི་ཡངས་དག་པའི་ནང་ཆོས་ཀྱི་ཤེས་བྱ་རྣམས་རྒྱ་ཆེར་ གཏོང་བ་དང་། ཤེས་བྱ་འདི་དག་འཛམ་གླིང་ཡོངས་ལ་ཐོབ་སླ་བ་བཟོ་བ། དེ་བཞིན་དུ་མཁས་པ་དམ་པ་རྣམས་ཀྱི་མཛད་པ་དང་གདམས་ངག་རྣམས་ཡངས་དག་ཚད་ལྡན་ངང་ཉར་ཚགས་བྱེད་རྒྱུ་དེ་ཡིན། ཁུངས་ལྡན་ཞུ་དག་ལ་གཙོ་བོར་གཞི་བཟུང་བའི་སྒོ་ནས། རིག་མཛོད་ཆེན་མོའི་ནང་ཆོས་ཀྱི་བརྗོད་བྱ་རྣམས་ཁུངས་བཙན་དང་ ངོས་འཛིན་ཐུབ་པ་ཡོང་ཕྱིར་རོགས་རམ་བྱེད་ཀྱི་ཡོད། མཉམ་ལས་ཀྱི་ལས་གཞི་འདིས་སྐབས་བབས་ཀྱི་དགོས་མཁོ་དང་མ་འོངས་པའི་ཆེད་ཤེས་བྱ་དེ་དག་ཉར་ཚགས་བྱེད་རྒྱུར་ཕན་ཐོགས་བྱེད་ཀྱི་ཡོད་མ་ཟད། མ་འོངས་པའི་ནང་ཆོས་ཉམས་ཞིབ་པ་དང་ཉམས་ལེན་པ་ཚོར་ཡང་ཕན་ཐོགས་བྱེད་ཀྱི་ཡོད་པ་རེད།

ཞུ་དག་པའི་ཆ་ཚང་།

འབྲེལ་ལམ་འདིས་ནང་ཆོས་ཤེས་བྱ་རིག་མཛོད་ཐོག་ཞུན་དག་སྤེལ་རྒྱུའི་མཁན་པོའི་གོ་གནས་ཅན་གྱི་ནང་ཆོས་ཉམས་ཞིབ་པ་དང་། ལོ་ཙཱ་བ། དྲ་ཐོག་རིག་གནས་སྲུང་སྐྱོབ་པ་བཅས་ལ་མཉམ་ལས་ཀྱི་དགའ་བསུ་ཞུ་ཞིང་། ཞུན་དག་པ་ཡོངས་རྫོགས་ཀྱིས་ཝི་ཀི་རིག་མཛོད་ཀྱི་གཏན་འཁེལ་ཁྲིམས་སྲོལ་དང་ཚོགས་པའི་གཞི་རྩའི་ཁྲིམས་སྲོལ་ཁྲོད་ལས་གཞི་སྒྲུབ་ཀྱི་ཡོད།།

ཁྲིམས་སྲོལ།

ཁུངས་འཚོལ་གྱི་གཏན་ཚིགས།

ཞུན་དག་ཚང་མ་ལྡན་པའི་ཁུངས་འདི་དག་གིས་རྒྱབ་སྐྱོར་བྱེད་དགོས། ཝི་ཀི་མ་ཡིག་ནང་གསལ་བའི་བོད་ཡིག་གི་ཡིག་ཆའི་ཁུངས་ (དང་པོར་ཡིག་ཆ་དངོས་ལ་ཁྱད་དབང་) ནང་ཆོས་ཉམས་ཞིབ་ཀྱི་ཁུངས་ལྡན་ཤེས་བྱའི་ཐོན་ཁུངས། སྔ་རབས་ཀྱི་མཁས་པའི་རྩ་འགྲེལ་དང་གཏན་འཛིན་གཞུང་ལུགས། དཔྱད་ཡིག་ཞིབ་བརྗོད་ཅན་གྱི་དཔེ་སྐྲུན་ཁྲོད་བོད་ཡིག་གི་ཡིག་ཆའི་ཁུངས་ངེས་པར་དྲངས་པ། ནང་དོན་གྱི་གཏན་ཚིགས། གླེང་གཞི་ཡོངས་ལ་ལྟ་སྟངས་མཐུན་པོ བཟུང་དགོས། ངོས་འཛིན་ཐུབ་པའི་གཏན་ཚིགས ཞིབ་ཚགས་ལྟར་བསྟུན་དགོས། ནང་དོན་ཤེས་བྱ་མཛོད་ཆེན་པོའི་ཁོངས་སུ་འོས་པ་ཡིན་དགོས། མཁས་པའི་ཁུངས་ལྡན་ལ་གཏན་ནས་མི་ཉམས་པར་ཚིག་གྲུབ་གསལ་པོ་བེད་སྤྱོད་བྱེད་དགོས།

ལས་གཞིའི་ནང་མཉམ་ཞུགས་གནང་མཁན།

ཇི་ལྟར་ཚུད་པ།

ལས་འཆར་འདིར་ཞུ་དག་པར་ཚུད་ཐབས།

རང་གི་སྤྱོད་མིང་ཞུན་དག་པའི་ཐོ་བྱང་སྟེང་དུ་ཁ་སྣོན་བྱོས།
བོད་བརྒྱུད་ནང་བསྟན་རིག་གནས་ཀྱི་ཝི་ཀི་ལས་གཞི། རང་གི་སྤྱོད་ཤོག་སྟེང་དུ་ཁ་སྣོན་བྱོས།
ཁྲིམས་སྲོལ་དང་ལས་གཞིའི་ཁྱབ་ཁོངས་གོང་དུ་གསལ་བ་ཞིབ་བརྗོད་བྱོས།

འཚོལ་ཆས།

དཔེ་པང་།

(ཉེ་ཆར་འགྲེམས་སྤེལ་བྱེད་ངེས།)

དཀར་ཆག

གྲུབ་འབྲས་ཞིབ་བརྗོད།

(ཉེ་ཆར་འགྲེམས་སྤེལ་བྱེད་ངེས།)

མཉམ་འབྲེལ།

གླེང་མོལ།

(ཉེ་ཆར་འགྲེམས་སྤེལ་བྱེད་ངེས།)

འབྲེལ་ཡོད་ཤོག་ངོས།

Community Discussion:

- Official Telegram Channel
- OpenPecha Discord Server

Project Management & Planning:

- Public GitHub Project Board
- Public Project Calendar

Documentation & Resources:

- Project Documentation Forum

སྤྱི་ཚོགས་འབྲེལ་ལམ་དང་ལས་དོན་དྲིལ་བསྒྲགས།

Kaldan007 ལགས་ཀྱིས་རྒྱ་གར་རྡོ་རྗེ་གདན་དང་ཝཱ་ཎ་མཐོ་སློབ་ཏུ་ 'བོད་ཡིག་ཝེ་ཁེ་རིག་མཛོད་དང་ཝེ་ཁེ་ཡིག་ཚགས་ཀྱི་རྩོམ་སྒྲིག་ལས་འགུལ་ཐེངས་དང་པོ།(First Ever Tibetan Wikipedia and Wikisource Editathons)' དེ་ལམ་ལྷོངས་ངང་སྤེལ་བ་རེད། བྷི་ཧཱར་མངའ་སྡེའི་ནང་བདུན་ཕྲག་གསུམ་གྱི་རིང་ལ་ལས་འགུལ་འདི་སྤེལ་བའི་བརྒྱུད་རིམ་ནང་། རྩོམ་སྒྲིག་པ་མི་གྲངས་ ༢༠༠ ལྷག་གསར་དུ་མཉམ་ཞུགས་བྱས་ཏེ་ཤོག་ངོས་ ༥༠༠ ལྷག་གསར་བཟོ་བྱས་ཡོད།

ལས་དོན་འདི་ནི་བོད་ཡིག་ཝི་ཀི་རིག་མཛོད་ཀྱི་ཚོགས་པ་འདི་ཉིད་ཡར་རྒྱས་དང་། མ་འོངས་པའི་འཕེལ་རྒྱས་ལ་ཕན་ཐོགས་ཆེན་པོ་འབྱུང་ངེས་པ་ཞིག་རེད། འདིའི་ཐད་ལས་དོན་གོ་སྒྲིག་པ་ (Kaldan007, Gartsering, Pecha-pema, Jangchup Dorjee, Tsering gar) རྣམས་དང་། མཉམ་ཞུགས་པ་ཡོངས་ལ་འཚམས་འདྲི་དང་བཀྲ་ཤིས་བདེ་ལེགས་ཞུ། དེ་བཞིན་ལས་གཞི་འདི་ལམ་ལྷོངས་ཡོང་ཆེད་རྒྱབ་ལྗོངས་ནས་ཕྱག་ལས་གནང་མཁན་ཡོངས་ལ་ཐུགས་རྗེ་ཆེ་ཞུ།

ལྷག་པར་དུ་ང་ཚོའི་པན་ཇ་བཱི་ཝི་ཀི་དྲ་ཚིགས་མཁན་ Punjabi Wikimedians སཏ་དྷིཔ་གྷིལ། (Satdeep Gill) དང་། ནི་ཏེཤ་གྷིལ། (Nitesh Gill) རྣམ་གཉིས་ནས་ལམ་སྟོན་དང་རྒྱབ་སྐྱོར་གནང་བར་སྙིང་ཐག་པ་ནས་ཐུགས་རྗེ་ཆེ་ཞུ།