བོད་ཀྱི་རྒྱལ་རབས།

ལོ་རྒྱུས། གནམ་གྱི་ཁྲི་བདུན་ནི། ༡ ཁྲི་བཙན་པོ་འོད་ལྡེ། ༢ མུ་ཁྲི་བཙན་པོ། ༣ དིང་ཁྲི་བཙན་པོ། ༤ སོ་ཁྲི་བཙན་པོ། ༥ མེར་ཁྲི་བཙན་པོ། ༦ གདགས་ཁྲི་བཙན་པོ། ༧ སྲིབས་ཁྲི་བཙན་པོའོ།།བར་གྱི་སྟེངས་གཉིས་ནི། ༡ གྲི་གུམ་བཙན་པོ། ༢ སྤུ་དེ་གུང་རྒྱལ་ལོ། །ས་ཡི་ལེགས་དྲུག་ནི། ༡ ཨེ་ཤོ་ལེགས། ༢ དེ་ཤོ་ལེགས། ༣ ཐི་ཤོ་ལེགས། ༤ གུ་རུ་ལེགས། ༥ འབྲོང་ཞི་ལེགས། ༦ ཨི་ཤོ་ལེགས་སོ། །ལྡེ་བརྒྱད་ནི། ༡ ཟ་ནམ་ཟི་ལྡེ། ༢ ལྡེ་འཕྲུལ་ནམ་གཞུང་བཙན། ༣ སེ་ནོལ་ནམ་ལྡེ། ༤ སེ་རྣོལ་པོ། ༥ ལྡེ་རྣོལ་ནམ། ༦ ལྡེ་རྣོལ་པོ། ༧ ལྡེ་རྒྱལ་པོ། ༨ ལྡེ་སྤྲིན་བཙན་ནོ། །དེ་ནས་ཁྲི་འུམ་བཙན་དར་མ་བར་གྱི་རྒྱལ་རབས་ནི། ༡ རྒྱལ་ཏོ་རི་ལོང་བཙན། ༢ ཁྲི་བཙན་ནམ། ༣ ཁྲི་སྦྲ་དཔུངས་བཙན། ༤ ཁྲི་ཐོག་རྗེ་ཐོག་བཙན། ༥ ལྷ་ཐོ་ཐོ་གཉན་བཙན། ༦ ཁྲི་གཉན་གཟུངས་བཙན། ༧ འབྲོང་གཉན་ལྡེའུ། ༨ སྟག་རི་གཉན་གཟིགས། ༩ གནམ་རི་སྲོང་བཙན། ༡༠ སྲོང་བཙན་སྒམ་པོ། ༡༡ གུང་སྲོང་གུང་བཙན། ༡༢ མང་སྲོང་མང་བཙན། ༡༣ འདུས་སྲོང་མང་པོ་རྗེ་རླུང་གནམ་འཕྲུལ་གྱི་རྒྱལ་པོ། ༡༤ ཁྲི་ལྡེ་གཙུག་བརྟན་མེས་ཨག་ཚོམ། ༡༥ ཁྲི་སྲོང་ལྡེའུ་བཙན། ༡༦ མུ་ནེ་བཙན་པོ། ༡༧ ཁྲི་ལྡེ་སྲོང་བཙན། ༡༨ རལ་པ་ཅན། ༡༩ ཁྲི་འུམ་བཙན་དར་མ་དང་བཅུ་དགུ་བཅས་སོ། །