ཕྱག་རྒྱ་ལྔ་

ཕྱག་རྒྱ་ལྔ་ནི། འཁོར་ལོ་དང༌། རྣ་ཆ་དང༌། ནོར་བུ་སྟེ་མགུལ་རྒྱན་དང༌། ལག་གདུབ་དང༌། སྐེ་རགས་ནི། མི་བསྐྱོད་པ་དང༌། འོད་དཔག་མེད་དང༌། རིན་འབྱུང་དང༌། རྣམ་སྣང་དང༌། དོན་ཡོད་དེ་སངས་རྒྱས་ལྔ་རྣམ་པར་དག་པ་འདི་རྣམས་ཀྱིས་རྒྱས་གདབ་པའི་ཕྱིར་ཕྱག་རྒྱར་རབ་དུ་གྲགས་སོ། ། ཞེས་དང་། ཕྱག་རྒྱ་ལྔ་ནི། སྤྱི་བོའི་ནོར་བུའམ་འཁོར་ལོ་དང་རྣ་ཆ་དང་མགུལ་རྒྱན་དང་ལག་གདུབ་དང་མཆོད་ཕྱིར་ཐོགས་ལྔའོ། ། ཞེས་དང་། ཕྱག་རྒྱ་ལྔ་ནི། འཁོར་ལོ་དང་། སྙན་ཆ་དང་། མགུལ་རྒྱན་དང་། ལག་གདུབ་དང་། སྐེ་རགས་རྣམས་ཀྱིས་བརྒྱན་པའོ། །སོགས་འབྱུང་།