ཕ་རོལ་ཕྱིན་

ཕ་རོལ་ཕྱིན་ཞེས་པ་ནི་ཐེག་པ་ཆེན་པོའི་ལམ་གྱི་གཙོ་བོ་སྟེ་སྦྱིན་པ་ནས་ཤེས་རབ་ཀྱི་བར་གྱི་ཆོས་དྲུག་ལ་གོ་ཞིང་། འཁོར་བའི་ཚོགས་གཉིས་ལས་མྱ་ངན་ལས་འདས་པའི་ཕ་རོལ་དུ་ཕྱིན་པའི་དོན་ཅན་ཡིན་ནོ། །ཡང་སྔགས་ཀྱི་སྒོ་ནས་ནས་བཤད་ན་ཕ་རོལ་ཕྱིན་ཞེས་པ་ནི་ཡེ་ཤེས་ཀྱི་མཁའ་འགྲོ་མ་རྣམས་ལའང་གོ །

སྒྲ་བཤད།

ཕ་རོལ་ཕྱིན་ཞེས་པ་ནི་རྒྱ་སྐད་པཱ་ར་མི་ཏཱ་ཞེས་པའི་ཡུལ་སྐད་ཡིན་ལ། "འཁོར་བའི་རྒྱ་མཚོའི་ཕར་འགྲམ་དུ་ཤེས་རབ་ཀྱིས་ཕྱིན་ཟིན་པའི་དབང་དུ་མཛད་པ་ནི་འབྲས་བུ་ཤེར་ཕྱིན་དང་། ཕྱིན་པར་བྱེད་པ་ནི་ལམ་ཤེར་ཕྱིན་དང་། དེའི་དམིགས་ཡུལ་མཐར་ཐུག་ཡིན་པས་ན་རང་བཞིན་གྱི་ཤེར་ཕྱིན་དུ་བཞག་པ་ཡིན་ཏེ། ཁྱད་པར་ཕྱེད་པར་བྱའི། ཐམས་ཅད་གཅིག་ཏུ་འཁྲུལ་བར་མི་བྱའོ། །"ཞེས་གསུངས།

དབྱེ་བ།

ཕ་རོལ་ཕྱིན་དྲུག དང་པོ་སྦྱིན་པ་ལ། "ད་ན་པ་ར་མི་ཏ་ཞེས་པ་ལ་དབུལ་བ་སེལ་བར་བྱེད་པས་ན་སྦྱིན་པ་ཞེས་བྱའོ། །མཚན་ཉིད་ནི། མ་ཆགས་པའི་སེམས་པའོ། །མཚན་གཞི་རབ་ཏུ་དབྱེ་བ་ནི་ཟང་ཟིང་གི་དང་། ཆོས་ཀྱི་དང་། མི་འཇིགས་པ་སྐྱབས་ཀྱི་སྦྱིན་པའོ། །""སེར་སྣ་དང་བྲལ་བས་བདོག་པ་ཐམས་ཅད་ཆགས་མེད་ཏུ་ཐམས་ཅད་ལ་ཐམས་ཅད་ཏུ་གཏོང་བའི་བློ་ནི་སྦྱིན་པའི་ཕར་ཕྱིན་གྱི་མིང་དུ་འཇོག་སྟེ།" ཞེས་པས་སེར་སྣ་དང་ཆགས་ཟུར་གྱི་སེམས་དང་བྲལ་ནས་རང་གི་བདོག་པ་ཡོད་ཚད་ཐམས་ཅད་གཞན་ལ་གཏོང་བར་འདོད་པའི་སེམས་ཀྱིས་སྦྱིན་པའི་ཕར་ཕྱིན་ཁྱད་པར་དུ་འཇོག་པའི་ཚུལ་བསྟན་པ་ཡིན། སྦྱིན་པའི་ཕར་ཕྱིན་གྱི་ངོ་བོ་ནི་ལུས་ལོངས་སྤྱོད་དགེ་རྩ་གསུམ་གྱིས་བསྡུས་པ་དང་། དེ་དག་གི་འབྲས་བུ་བཅས་པ་ཐམས་ཅད་སེར་སྣའི་ཀུན་འཛིན་བཅོམ་ནས་གཞན་ལ་བསམ་པ་ཐག་པ་ནས་གཏོང་བའི་སེམས་གོམས་པ་རབ་ཀྱི་མཐར་ཕྱིན་པ་ལ་ཟེར། གཉིས་པ་ཚུལ་ཁྲིམས་ལ། "ཤི་བ་ལ་པ་ར་མི་ཏ་ཞེས་པ་སྟེ། ཉོན་མོངས་པའི་གདུང་པ་ལས་བསིལ་བ་ཐོབ་པའི་དོན་གྱིས་ན་ཚུལ་ཁྲིམས་སོ། །མཚན་ཉིད་ནི་ཉེས་སྤྱོད་ལས་བཟློག་པའི་སེམས་དཔའ་ས་བོན་དང་བཅས་པའོ། །"ཕྱི་རོལ་གྱི་སེམས་ཅན་རྣམས་གནོད་འཚེ་སོགས་དང་བྲལ་བ་ལ་ལྟོས་པ་མ་ཡིན་གྱི། སྤོང་སེམས་གོམས་པ་མཐར་ཕྱིན་པ་ལ་ལྟོས་པ་ཡིན་ནོ། །"གསོད་འདོད་དང་མ་བྱིན་ལེན་འདོད་སོགས་ཀྱི་སྒོ་ནས་གཞན་ལ་གནོད་པ་གཞི་དང་བཅས་པ་ལས་ཡིད་ཕྱི་ར་ལོག་པའི་སྤོང་བའི་སེམས་ནི་ཚུལ་ཁྲིམས་ཡིན་ལ་དེ་གོམས་པ་གོང་ནས་གོང་དུ་ཡོངས་སུ་རྫོགས་པ་ཐོབ་པ་ལས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་རྫོགས་པ་ཡིན་"འདི་ནི་གསོད་པ་དང་རྐུ་བ་སོགས་གཞན་ལ་གནོད་པའི་སེམས་རྩ་བ་ནས་སྤངས་ཏེ། གཞན་ལ་གནོད་པར་མི་བྱ་བའི་སྤོང་སེམས་གོམས་པས་ཚུལ་ཁྲིམས་ཀྱི་ཕར་ཕྱིན་རྫོགས་པར་འགྱུར་བའི་ཚུལ་བསྟན་པ་ཡིན་ནོ། །གསུམ་པ་བཟོད་པ་ལ། "ཀྵ་མ་ཀྵན་ཏི་པ་ར་མི་ཏ་ཞེས་པ་སྟེ། ཁྲོ་བ་བཟོད་པའི་དོན་གྱིས་ན་བཟོད་པའོ། །མཚན་ཉིད་ནི་སྲན་ཐུབ་པའོ། །"བཞི་པ་བརྩོན་འགྲུས་ལ། "བིརྱ་པ་ར་མི་ཏ་ཞེས་པ་སྟེ། ཡོན་ཏན་མཆོག་ལ་སྦྱོར་བའི་བརྩོན་འགྲུས་སོ། མཚན་ཉིད་ནི་དགེ་བ་ལ་མངོན་པར་སྤྲོ་བའོ། །"ལྔ་པ་བསམ་གཏན་ལ། "ས་མ་ཏི་མར་མི་ཏ་ཞེས་གྲགས། ཡིད་འཛིན་པར་བྱེད་པའི་དོན་གྱིས་ན་བསམ་གཏན་ནོ། །མཚན་ཉིད་ནི་དམིགས་པ་རྩེ་གཅིག་པའོ། །"དྲུག་པ་ཤེས་རབ་ཀྱི་ཕ་རོལ་ཕྱིན་ནི་གཞན་ལྔའི་མགོ་འདྲེན་དུ་གྱུར་པ་སྟེ། "ཕ་རོལ་ཕྱིན་པ་ལྔ་པོ་སྦྱིན་པ་ལ་སོགས་པའི་ཆོས་ཇི་སྙེད་པ་གང་གི་ཕྱིར་དེ་དག་ཀུན་ཀྱང་ཤེས་རབ་ཕ་རོལ་ཕྱིན་ལས་སྐྱེས་ཏེ། བྱེད་པ་པོ་དང་། ལས་དང་། བྱ་བ་མི་དམིགས་པས་ཕྱིན་ཅི་མ་ལོག་པར་གྱུར་པ་དེ་བས་ན་དེ་ཉིད་གཙོ་བོ་ཡིན་ནོ་"ཞེས་གསུངས།

ཕར་ཕྱིན་གྱི་གོ་རིམ།

ཕར་ཕྱིན་དྲུག་པོ་རྣམས་ནི་ཕྱི་མ་ཕྱི་མ་ལ་ལྟོས་ན་སྔ་མ་སྔ་མ་རྣམས་དམན་ཞིང་། སྔ་མ་སྔ་མ་རྣམས་ལ་ལྟོས་ན་ཕྱི་མ་ཕྱི་མ་རྣམས་མཆོག་ཏུ་གྱུར་པའི་སྒོ་ནས་གོང་ནས་གོང་དུ་ཁྱད་ཞུགས་པ་ཡིན་ཏེ། "སྦྱིན་པའི་ཕ་རོལ་ཏུ་ཕྱིན་པ་ལ་སོགས་ཕར་ཕྱིན་དྲུག་པོ་རྣམས་ནི་ཕྱི་མ་ཕྱི་མ་ལ་ལྟོས་ན་སྔ་མ་སྔ་མ་རྣམས་དམན་ཞིང་སྔ་མ་སྔ་མ་རྣམས་ལ་ལྟོས་ན་ཕྱི་མ་ཕྱི་མ་རྣམས་མཆོག་ཏུ་གྱུར་པའི་སྒོ་ནས་གོང་ནས་གོང་དུ་ཁྱད་ཞུགས་པ་སྟེ་ཁྱད་པར་དུ་འཕགས་པ་ཡིན་" འདི་ནི་ཕར་ཕྱིན་དྲུག་གི་ནང་དུ་སྦྱིན་པ་ལས་ཚུལ་ཁྲིམས། ཚུལ་ཁྲིམས་ལས་བཟོད་པ་སོགས་གོང་ནས་གོང་དུ་ཆེས་ཁྱད་པར་འཕགས་པའི་སྒོ་ནས་གོ་རིམ་བཞིན་བསྟན་པ་ཡིན་ནོ། །

ངེས་ཚིག

"ལེགས་གསུང་བཀའ་ཡི་རྒྱ་མཚོ་ཆེན་པོ་ཡི། །སྙིང་པོར་གྱུར་པ་ཤེས་རབ་ཕར་ཕྱིན་གྱི། །རིན་ཆེན་རིན་ཐང་བྲལ་བའི་ཡང་སྙིང་ནི། །ཡོན་ཏན་རིན་ཆེན་སྡུད་པའི་ནོར་བུ་ཡིན། །" ཞེས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསྟོད་ནས། "མཐའ་དག་ཆོས་ཀྱི་གཞུང་ལུགས་ཉམས་པ་ལས། །ཤེས་རབ་ཕ་རོལ་ཕྱིན་པའི་ཚིག་ཟུར་ཙམ། །ཉམས་པ་ཕངས་ཞེས་བདེན་པར་སྨྲ་མཆོག་གིས། །ཞི་བའི་ཞལ་ཆེམ་བཞག་པ་ཉེ་བར་དྲན། །"ཞེས་ཕ་རོལ་ཏུ་ཕྱིན་པའི་གནད་ཆེ་བ་ལ་དྲིན་ལན་དུ་གསུངས་སོ། །

སྤྱོད་ལམ།

སྤྱིར་བཏང་ན་གོང་མ་གོང་མ་གཙོ་བོར་བཟུང་ནས་སྤྱད་དགོས་ཀྱང་། དམིགས་བསལ་དུ་གཞན་གྱི་དོན་དུ་འགྱུར་བ་གང་ཆེ་བ་དེ་གཙོ་བོར་བྱ་དགོས་སོ། །"སྦྱིན་པ་ལྟ་བུ་དམན་པའམ་ཆུང་ངུའི་ཕྱིར་ན་ཚུལ་ཁྲིམས་ལྟ་བུ་མཆོག་ཏུ་གྱུར་པའམ་ཆེ་བ་མི་གཏང་བ་སྟེ་མི་དོར་ཏེ།" འདི་ནི་སྤྱིར་ཕར་ཕྱིན་གྱི་གོ་རིམ་ལྟར་གོང་མ་གཙོ་བོར་སྤྱད་ཀྱང་། དམིགས་བསལ་གཞན་དོན་གྱི་ཆེད་དུ་སྦྱིན་པའི་དམན་པ་ཚུལ་ཁྲིམས་ཀྱི་མཆོག་གི་ཕྱིར་མི་དོར་བར་སྟོན་པ་ཡིན། "གཙོ་ཆེར་གཞན་གྱི་དོན་དུ་འགྱུར་མི་འགྱུར་བརྟགས་ལ། རང་དོན་དང་གཞན་དོན་གང་རུང་ཞིག་བྱས་པས་ཅིག་ཤོས་ཉམས་པར་འགྱུར་བ་ལྟ་བུའི་སྐབས་སུ་གཞན་དོན་གཙོ་བོར་བྱ་བ་དང་། གཞན་དོན་དུ་འགྱུར་བའི་སྦྱིན་པ་རྒྱ་ཆེན་པོ་འགྲུབ་ན་རང་དོན་གྱི་ཚུལ་ཁྲིམས་བཏང་སྙོམས་སུ་བྱ་བ་"འདི་ནི་རང་དོན་དང་གཞན་དོན་གཉིས་ནང་འདོམ་ན་གཞན་དོན་དུ་འགྱུར་བ་གང་ཆེ་བ་དེ་ཉིད་གཙོ་བོར་བྱེད་དགོས་པའི་ཚུལ་ཞིབ་པར་བསྟན་པ་ཡིན་ནོ། ། "བྱང་ཆུབ་སེམས་དཔའ་གང་ཞིག་བསྐལ་མང་བྱེ་སྟོང་དུ་དམིགས་པ་དང་ལྡན་པས་སངས་རྒྱས་ལ་སོགས་པ་ལ་སྦྱིན་པ་བྱེད་ཅིང་། དགྲ་བཅོམ་རང་རྒྱལ་སྦྱིན་བྱེད་ཚུལ་ཁྲིམས་སྲུང་བྱེད་ཀྱང་རྒྱལ་བའི་སྲས་པོ་གཞན་ཞིག་གིས་ཤེས་རབ་ཕ་རོལ་ཕྱིན་མཆོག་སྟེ། ལམ་ཆུང་ངུའི་རང་བཞིན་བསྒོམ་པ་དང་ལྡན་ཞིང་། དེ་ལས་ལངས་ནས་ཡུམ་འདི་ཉིད་ནི་ཆོས་སོ། ཇི་ལྟ་བ་བཞིན་དུ་སེམས་ཅན་ལ་སྟོན་ཅིང་དེ་སེམས་ཅན་ཁྱད་པར་ཅན་སྔོན་དུ་འགྲོ་བས་ཆོས་ཀྱི་སྦྱིན་པའི་རང་བཞིན་གྱི་བསོད་ནམས་ལ་ལྟོས་ནས་ཕྲ་བའི་ཆར་ཡང་མི་ཕོད་པ་ནི་བསོད་ནམས་ཀྱི་ཆར་ཕོད་པར་མི་འགྱུར་རོ། །"ཞེས་ཕ་རོལ་ཏུ་ཕྱིན་པའི་སྤྱོད་ལམ་གྱི་ཁྱད་པར་གསུངས་སོ། །

སེམས་ཅན་ཞིང་དུ་བསྟེན་ཚུལ།

སེམས་ཅན་དང་སངས་རྒྱས་གཉིས་བསོད་ནམས་ཀྱི་ཞིང་དུ་མཚུངས་པ་ཡིན་ཏེ། "སེམས་ཅན་གྱི་ཞིང་ནི་བྱང་ཆུབ་སེམས་དཔའི་སངས་རྒྱས་ཀྱི་ཞིང་སྟེ་སངས་རྒྱས་ཀྱི་ཞིང་དེ་ལས་སངས་རྒྱས་ཀྱི་ཆོས་རྣམས་ཐོབ་པར་འགྱུར་གྱི། དེར་ནི་ལོག་པར་སྒྲུབ་མི་རིགས་སོ། །"ཞེས་གསུངས་པས་སེམས་ཅན་དང་སངས་རྒྱས་གཉིས་བསོད་ནམས་འདེབས་པའི་ཞིང་དུ་མཚུངས་པར་གྱུར་ཅིང་། སེམས་ཅན་གྱི་ཞིང་ལ་སེམས་དཔའ་རྣམས་ཀྱིས་ཚོགས་བསགས་ནས་སངས་རྒྱས་པའི་ཚུལ་བསྟན་པའོ། ། "སེམས་ཅན་མཐའ་དག་ལ་གུས་པར་རིགས་ཏེ། སངས་རྒྱས་དང་སེམས་ཅན་འདི་དག་ལ་དད་ཅིང་མགུ་བར་བྱས་པའི་གང་ཟག་མང་པོ་ཞིག་འདི་ལྟར་དོན་གཉིས་ཕུན་སུམ་ཚོགས་པའི་ཕ་རོལ་ཏུ་ཕྱིན་པའི་ཕྱིར་རོ། །"ཞེས་པས་སངས་རྒྱས་དང་སེམས་ཅན་གཉིས་ལ་མགུ་བར་བྱས་པའི་གང་ཟག་རྣམས་ཀྱིས་འདི་དང་ཕ་རོལ་གྱི་ཞིང་ཁམས་གཉིས་ཆར་གྱི་ཕུན་སུམ་ཚོགས་པ་ཐོབ་པའི་ཚུལ་བསྟན་པ་ཡིན། "སྨོན་ལམ་རྣམ་པར་དག་པའི་མདོ་ལས། ངས་སྔོན་སེམས་ཅན་ཞིང་རྣམས་དང་། །ཐུབ་པའི་ཞིང་ལ་བརྟེན་ནས་ནི། །སངས་རྒྱས་ཆོས་རྣམས་མཐའ་ཡས་པའི། །ལོ་ཏོག་ཕུན་སུམ་ཚོགས་པ་ཐོབ། །" ཅེས་གསུངས་པའི་དོན་ནི་སྨོན་ལམ་གྱི་མདོ་ལས་སེམས་ཅན་དང་ཐུབ་པ་སངས་རྒྱས་ཀྱི་ཞིང་གཉིས་ལ་བརྟེན་ནས་སངས་རྒྱས་ཀྱི་ཆོས་མཐའ་ཡས་པའི་ལོ་ཏོག་ཐོབ་པའི་ཚུལ་ལུང་གིས་གྲུབ་པ་ཞིག་བསྟན་པ་ཡིན།

རྩོད་སྤོང་།

འདིར་ཕ་རོལ་ཏུ་ཕྱིན་པ་དྲུག་པོ་འདི་དག་རིམ་པ་ཇི་ལྟར་ངེས་པ་དང་། གྲངས་ཇི་ལྟར་ངེས་པ་སོགས་ཀྱི་རྩོད་པ་རྣམས་ལ། "འོ་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདིའི་རྗེས་ལ་མི་འབྱུང་ངམ་ཞེ་ན་དེ་ནི་མ་ཡིན་ནོ། །ཕ་རོལ་ཏུ་ཕྱིན་པ་ལྔ་པོ་དང་མཉམ་དུ་འབྱུང་ལ། རྟོགས་ཚུལ་གྱི་དབང་དུ་བྱས་ན། རྗེས་སུ་ཡང་འབྱུང་ངོ་། །"ཁ་ཅིག་གིས་ཕར་ཕྱིན་རྫོགས་པ་ཕྱི་རོལ་གྱི་དངོས་པོ་ལ་ལྟོས་པ་ཡིན་ནོ་སྙམ་དུ་རྩོད་པ་ལ། "འོ་ན་སྔོན་བྱོན་གྱིས་སངས་རྒྱས་ཐམས་ཅད་ཀྱིས་སྦྱིན་པའི་ཕར་ཕྱིན་མ་རྫོགས་པར་ཐལ་སྟེ། ད་དུང་དུ་འགྲོ་བ་དབུལ་པོ་སྣང་བའི་ཕྱིར།" ཞེས་བཀག་ནས་ཕར་ཕྱིན་རྣམས་སེམས་ལ་རག་ལུས་པར་བསྒྲུབ་པ་ཡིན་ནོ། འདི་ནི་སྦྱིན་པའི་ཕར་ཕྱིན་རྫོགས་པ་ཕྱི་རོལ་གྱི་དབུལ་པོ་བོར་བ་ལ་ལྟོས་ན་སངས་རྒྱས་བཅོམ་ལྡན་འདས་རྣམས་ཀྱིས་མ་རྫོགས་པར་ཐལ་བའི་སྐྱོན་དུ་སྟོན་པ་ཡིན། དེ་བཞིན་དུ་ཚུལ་ཁྲིམས་ལའང་"གལ་ཏེ་གསད་པ་ལ་སོགས་པའི་ཡུལ་གྱི་དངོས་པོ་མེད་པས་དེ་གསོད་པ་ལ་སོགས་པ་མེད་པའི་ཕྱིར་ཚུལ་ཁྲིམས་སུ་འགྱུར་རོ་ཞེ་ན། དེའི་ཚེ་ཉ་ལ་སོགས་པ་དང་། གཞན་གྱི་བདོག་པ་དང་། བུད་མེད་དང་ཆང་ལ་སོགས་པ་དེ་དག་གང་ཞིག་ཏུ་དེ་དག་མི་མཐོང་བར་འགྱུར་བར་བསྐྲད་པར་བྱ། གཞན་དུ་ན་དེ་དག་གསད་པ་ལ་སོགས་པ་ལ་འཇུག་པར་བྱེད་པ་ན་ཚུལ་ཁྲིམས་སུ་མི་འགྱུར་རོ། །"ཞེས་བཀག་སྟེ་ཚུལ་ཁྲིམས་ཀྱང་སེམས་ལ་རག་ལུས་པར་བསྒྲུབ་པ་ཡིན་ནོ། །ཚུལ་ཁྲིམས་ཀྱི་ཕར་ཕྱིན་རྫོགས་པ་ཕྱི་རོལ་གྱི་གསད་བྱའི་སེམས་ཅན་ལ་སོགས་པ་མེད་པ་ལ་ལྟོས་ན། དེ་དག་ཡུལ་གཞན་དུ་འཇོག་དགོས་པར་ཐལ་བའི་སྐྱོན་བསྟན་ནས་ཚུལ་ཁྲིམས་ཀྱང་སེམས་ལ་རག་ལུས་པར་སྒྲུབ་པ་ཡིན།