ཕ་མཐའ་མེད་

ཕ་མཐའ་མེད་ཅེས་པ་ནི་ཆོས་ཐམས་ཅད་ཀྱི་རང་བཞིན་ཕ་རོལ་དང་ཚུར་རོལ་གྱི་མཐའ་གཉིས་སུ་མི་འདུ་བའི་ཆོས་ཉིད་ལ་ཟེར་ཏེ། རང་བཞིན་མེད་པ་དང་མཚན་ཉིད་མེད་པ། ཐ་དད་པའི་ངོ་བོར་མི་གནས་པ། ནམ་མཁའི་ཁམས་དང་མཚུངས་པའི་ཆོས་ཉིད་ལ་གོ།

ནང་དོན།

ཕ་མཐའ་མེད་ཅེས་པ་ནི་ཆོས་ཐམས་ཅད་ཀྱི་རང་བཞིན་ཕ་རོལ་དང་ཚུར་རོལ་གྱི་མཐའ་གཉིས་སུ་མི་འདུ་བའི་ཆོས་ཉིད་ལ་ཟེར། དེ་ཡང་གཟུགས་ལ་སོགས་པའི་ཕུང་པོ་ལྔ་རྣམས་ཀྱི་རང་བཞིན་ཕ་མཐའ་མེད་པ་ཡིན་ལ། བདེན་པ་བཞིའི་རང་བཞིན་ཡང་ཕ་མཐའ་མེད་པ་ཡིན་ནོ། །གཟུགས་ལ་སོགས་པའི་སྐོར། "གཟུགས་ནི་ཤེས་རབ་ཀྱི་ཕ་རོལ་ཏུ་ཕྱིན་པ་དང་གཅིག་མ་ཡིན་ཞིང་། གཟུགས་ལ་ནི་ཤེས་རབ་དེ་ཉིད་མེད་དོ། །དེ་བཞིན་དུ་རྣམ་ཤེས་དང་འདུ་ཤེས་དང་ཚོར་བ་དང་སེམས་པ་འདུ་བྱེད་འདི་དག་ནི་ཤེས་རབ་དེ་མ་ཡིན་ལ། འདི་དག་ལ་ཡང་ཤེས་རབ་དེ་བརྟེན་པའི་ཚུལ་གྱིས་སོ་སོར་གནས་པ་མེད་དོ། །"བདེན་པ་བཞིའི་སྐོར། "བདེན་བཞི་སོགས་ཀྱི་རང་བཞིན་བདེན་སྟོང་འདི་ནི་ནམ་མཁའི་ཁམས་དང་མཚུངས་པའི་དགག་བྱ་རྣམ་པར་བཅད་ཙམ་སྟེ་ངོ་བོ་ཐ་དད་དུ་མེད་དོ། །དེ་ཡང་དམིགས་པ་སྡུག་བདེན་རྣམས་ཀྱི་རང་བཞིན་བདེན་སྟོང་དེ་ནི་ཕ་མཐའ་མེད་པར་གནས་ཤིང་། སེམས་ཅན་འབྱུང་བའི་རྒྱུ་ཀུན་འབྱུང་གི་རང་བཞིན་གང་ཡིན་པ་དེ་ཡང་ཕ་མཐའ་མེད་ལ། ནམ་མཁའི་ཁམས་ལྟ་བུའི་འགོག་བདེན་གྱི་རང་བཞིན་དེ་ཡང་ཕ་མཐའ་མེད་ཅིང་། འཇིག་རྟེན་མཁྱེན་པའི་ཤེས་རབ་ལམ་བདེན་གྱི་རང་བཞིན་དེ་ཡང་ཕ་མཐའ་མེད་དོ། །"

མཚན་ཉིད།

ནམ་མཁའི་ཁམས་དང་མཚུངས་པའི་ཆོས་ཉིད། "ཆོས་ཐམས་ཅད་རྟེན་དང་བརྟེན་པར་ཐ་དད་པའི་མཚན་ཉིད་མེད་དེ། ཁྱད་པར་དང་སྣ་ཚོགས་པའི་རང་བཞིན་དུ་མེད་ཅིང་། ནམ་མཁའི་ཁམས་དང་མཚུངས་པར་དེ་དག་གིས་སྟོང་སྟེ། གཟུགས་ལ་སོགས་པ་རིགས་པས་མ་བསྐྱེད་པའི་ཕྱིར་རོ། །"ཆོས་ཀྱི་དབྱིངས་ཀྱི་ངོ་བོ། "དམིགས་པ་འམ་གཟུང་བར་བྱ་བ་གཟུགས་ལ་སོགས་པ་རྣམས་ཀྱི་རང་བཞིན་དེ་ནི་འདི་དང་འདི་ཞེས་རིས་སུ་ཆད་དེ་མི་གནས་པའི་ཕྱིར་ཕ་མཐའ་མེད་ལ། དེར་རྟོག་པའམ་འཛིན་པ་པོ་སེམས་ཅན་གྱི་རང་བཞིན་གང་ཡིན་པ་དེ་ཡང་ཆོས་ཀྱི་དབྱིངས་ཀྱི་ངོ་བོས་ཕ་མཐའ་མེད་ཅིང་། ཆོས་ཉིད་མཚོན་པའི་དཔེར་གྱུར་པ་ནམ་མཁའི་ཁམས་ཀྱི་རང་བཞིན་དེ་ཡང་ཕ་མཐའ་མེད་དོ། །"

ངེས་ཚིག

ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོ། "ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོའི་རང་བཞིན་གཟུང་དུ་མེད་པར་བསྟན་ཏོ། །"ཆོས་ཐམས་ཅད་ཀྱི་ཁྱབ་བདག "ཡུལ་དེ་དག་ཐམས་ཅད་རྟོགས་པའི་འཇིག་རྟེན་མཁྱེན་པའི་ཤེས་རབ་དེ་ཡང་དེ་ཙམ་དུ་ཕ་མཐའ་མེད་དོ། །ཆོས་ཐམས་ཅད་ཆོས་ཀྱི་དབྱིངས་ཀྱི་ངོ་བོར་གྱུར་པའི་ཕྱིར་ཆོས་ཀྱི་དབྱིངས་ནི་ཐམས་ཅད་ཤོངས་ཤིང་མཐའ་མི་དམིགས་པ་དང་། དེའི་ངང་དུ་ཆུད་པའི་ཆོས་ཅན་རྣམས་ཀྱང་ཡུལ་གྱི་མུ་དང་དུས་ཀྱི་མཐའ་མེད་པས་ན་རོ་མཉམ་པའི་ཆོས་ཉིད་ཡངས་པ་ཆེན་པོའི་རང་བཞིན་དེ་ལྟ་བུར་ཤེས་པར་བྱའོ། །"

རྒྱུ་འབྲས་ཀྱི་སྒོ་ནས་འགྲེལ་པ།

རྒྱུ་འབྲས་ཀྱི་རང་བཞིན་སྤངས་པ། "ཡོངས་སུ་རྫོགས་པར་ཡོད་པའི་དུས་ནི་ཕ་རོལ་ལོ། །ཕ་མཐའ་མེད་ནི་སྒྱུ་མ་ལྟ་བུར་མེད་པའོ། །གང་ལ་རང་བཞིན་ཡོད་པ་ནི་རང་བཞིན་ཏེ། དེ་ནི་ཕ་མཐའ་མེད་དེ། རྒྱུ་དང་འབྲས་བུའི་རང་བཞིན་སྤངས་ཞེས་བྱ་བའི་བར་དུའོ། །"མིང་ཙམ་དང་བཏགས་ཙམ། "འདྲེན་པ་སྟེ་འགྲོ་བའི་བླ་མས་བཏགས་པ་ཙམ་དུའོ། །ཙམ་གྱི་སྒྲས་རྣམ་པ་གཞན་གཅོད་པར་བྱེད་དེ། མིང་ཙམ་དུ་ཡོངས་སུ་བསྒྲགས་སོ། །དེ་བས་ན་མིང་བཏགས་པ་ཡིན་པར་ཤེས་ནས་བདག་མེད་པའི་རྣམ་པ་བསྒོམས་པས་གང་ཞིག་མཐོང་བའི་ལམ་གྱིས་སྤང་བར་བྱ་བའི་དངོས་པོ་དེ་མ་ཐག་པའི་ལམ་གྱི་སྟོབས་ཀྱིས་སྤངས་པ་ཕུན་སུམ་ཚོགས་པའི་ཕ་རོལ་ཏུ་འགྲོ་བ་ཡིན་ནོ། །"