འདི་སྡེ་པ་ནོར་བུ་དང། དེའི་ཚ་བོ་ཟས་སྐུ་ཞབས་ཟེར་བ་གཉིས་ཡོད་པ། དེ་གཉིས་ས་གནས་སྲིད་གཞུང་བཙུགས་པའི་རྗེས་ཀྱི་རབ་བྱུང་བཅུ་གཅིག་པའི་ཤིང་སྤྲེལ་（༡༦༤༤）ལོར་གཞིས་ཀ་རྩེར་རྫོང་དཔོན་དུ་བསྐོས། ཐོག་མར་ནང་སོ་ཡིན་ཀྱང། གཞིས་ཀ་རྩེའི་རྫོང་དཔོན་བྱས་པ་ནས་སྡེ་པཞེས་འབོད་པ་རེད། དེས་རྣམ་ཀུན་ལྐོག་ནས་ངོ་ལོག་གི་བྱ་སྤྱོད་བརྩམས་ཀྱང་རེ་ཞིགབར་དོན་མ་གྲུབ། གུ་ཤྲི་ཧན་དང་སྡེ་སྲིད་བསོད་ནམས་ཆོས་འཕེལ་གཤེགས་པའི་རྗེས་སུ་ཏཱ་ལའི་བླ་མ་སྐུ་ཕྲེང་ལྔ་པ་རང་ནས་ལོ་ངོ་གསུམ་རིང་སྲིད་དབང་བཟུང་བའིསྐབས་དང་བསྟུན་ནས་ངོ་ལོག་བྱས་པ། སེ་འབྲས་དང། དགའ་ལྡན་ཁྲི་པ་སོགས་མང་པོས་བར་ཆིངས་བྱས། དེ་ནས་སླར་ཡང་རབ་བྱུང་བཅུ་གཅིག་པའི་ས་ཕག་（༡༦༥༩）ལོར་འབྲུག་པ་དང་ལག་འབྲེལ་བྱས་ཏེ་སླར་ཡང་དམག་དཔུང་འཁྲིད་ནས་ངོ་ལོག་བྱས་པ་ལ། དེའི་ཕྱི་ལོ་ས་གནས་སྲིད་གཞུང་ནས་དམག་དཔུང་དྲངས་ཏེ་རྩ་མེད་བཏང་བ་རེད། འདི་སྐོར་ཞིབ་ཆ་ཏཱ་ལའི་བླ་མ་སྐུ་ཕྲེང་ལྔ་པ་རང་ཉིད་ཀྱིས་བརྩམས་པའི་རྣམ་ཐར་པོད་དང་པོའི་ཤོག་གྲངས་༡༢༢ནས་༢༩༧བར་དུ་གསལ།
