ནཱ་རོ་ཏ་པ་ཛྙ་ན་སིངྷིའི་རྣམ་འཕྲུལ་

རྒྱ་གར་གྱི་གྲུབ་ཆེན་ནཱ་རོ་པ་ཡེ་ཤེས་གྲུབ་པའི་རྣམ་འཕྲུལ། འབྲུག་པ་ཐམས་ཅད་མཁྱེན་པ་མི་ཕམ་པདྨ་དཀར་པོ་པཎ་ཆེན་ནཱ་རོ་པའི་སྤྲུལ་པ་ཡིན་ཟེར། རབ་བྱུང་དགུ་པའི་མེ་ཕག་(༡༥༢༧)ལོར་འཁྲུངས། བཀའ་བརྒྱུད་པའི་ཆོས་ལུགས་སྤྱི་དང་། རིག་གནས་ལ་མཁས་པའི་སྙན་གྲགས་དང་ལྡན་པ་ཞིག་ཡིན། སྤྲུལ་སྐུ་རིམ་པར་བྱོན་ཡོད་ཚོད་འདུག་ཀྱང་ལོ་རྒྱུས་ཞིབ་ཆ་མ་མཐོང་། འདིས་《འབྲུག་པ་བཀའ་བརྒྱུད་ཀྱི་ཆོས་འབྱུང་བསྟན་པའི་པདྨ་རྒྱས་པའི་ཉིན་བྱེད་》 《འབྲུག་པ་ཆོས་འབྱུང་》སོགས་བརྩམས་ཆོས་པོད་བཅུ་བཞི་ཙམ་ལྷ་སའི་ཉེ་འདབས་གནམ་འབྲུག་དགོན་དུ་ཡོད།