ནང་མཆོད་རཀྟའི་ཡན་ལག་སུམ་ཅུ་སོ་ལྔ་

༡.མཚལ། ༢.ལི་ཁྲི། ༣.བཙག ༤.སྡོང་རོས། ༥.རྡོ་དྲེག་སྟེ་སའི་རཀྟ་ལྔ། ༦.ཙན་དན་དམར་པོ། ༧.སེང་ལྡེང། ༨.མཛོ་མོ་ཤིང། ༩.གོཤིརྵ། ༡༠.བཤེར་ཤིང་དམར་པོ་སྟེ་ཤིང་གི་རཀྟ་ལྔ། རྗེས་ཀྱི་གཉིས་པོ་མརྙེད་ན། སྟར་བུ། ཀཎྚ་ཀ་རི་དམར་པོས་རུང་བར་བཤད། ༡༡.པདྨ་རཱ་ག ༡༢.བྱུ་རུ། ༡༣.མཚུར་དམར། ༡༤.མེ་ཤེལ། ༡༥.རྡོ་རྒྱུས་དམར་པོའམ་སྦལ་རྒྱབ་གང་རུང་སྟེ་རྡོའི་རཀྟ་ལྔ། ༡༦.ཧ་ལོ། ༡༧.ཁུག་ཆུང། ༡༨གླང་སྣ། ༡༩.སེ་རྒོད། ༢༠.ལུག་རུ་དམར་པོ་སྟེ་མེ་ཏོག་གི་རཀྟ་ལྔ། ༢༡.ར་མོ་ཤག ༢༢.ཉེ་ཤིང། ༢༣.སྙ་ལོ། ༡༤.གྲོ་མ། ༡༥.སྙུག་མ་དམར་པོ་སྟེ་རྩྭའི་རཀྟ་ལྔ། ཕྱི་མ་དེ་དངོས་ནི་མདོ་ཁམས་ཀློང་ཐང་སོགས་སུ་སྐྱེས་པའི་ཁྲག་སྙུག་ཞེས་པ་དེའོ།། ༢༦རྒུན་འབྲུམ། ༢༧.རམ་བུ། ༢༨.(ཁ་སུར་).བྲེའོ། ༢༩.བ་མཁལ་སྨུག་པོ། ༣༠.སྐྱུ་རུ་ར་སྟེ་འབྲུའི་རཀྟ་ལྔ། ༣༡.རྒྱ་སྐྱེགས། ༣༢.སིན་དྷཱུ་ར། ༣༣.འབྲོ་མོག ༣༤.བུ་རམ། ༣༥.བྲག་ཞུན་སྟེ་རྩེའི་རཀྟ་ལྔ་རྣམས་ཐམས་ཅད་དྲིལ་བས་རཀྟ་སུམ་ཅུ་རྩ་ལྔ་པོ་ནི་རྩ་བ་ལྟ་བུ་ཡིན་ལ། དེའི་ཡན་ལག་ཏུ་རྫས་སོགས་གང་དམར་གྱི་རིགས་སུ་གྱུར་ཚད་ཐམས་ཅད་དང། རིན་པོ་ཆེ་ཟངས་སོགས་རྡོ་རིགས་དམར་པོ་ཐམས་ཅད། ཨུཏྤལ་དམར་པོ་དང་ཤང་དྲིལ་དམར་པོ་སོགས་མེ་ཏོག་དམར་པོ་ཐམས་ཅད། གཙང་དམར་དང་ས་འདྲེས་དམར་པོའི་རིགས་ཐམས་ཅད། སྣ་མའི་འབྲས་བུ་དང་འོལ་མོ་སེ་སོགས་འབྲས་བུ་དམར་པོ་ཐམས་ཅད། འབྲས་དམར་དང་ཁྲེ་དམར་སོགས་འབྲུའི་རིགས་དམར་པོ་ཐམས་ཅད། གཞན་ཡང་སྲོག་ཆགས་ལས་བྱུང་བའི་རཀྟའི་རིགས་མཐའ་དག་པའོ།།