དེ་སྒྲ་དུས་ཀྱི་དབང་གིས་འཇུག་པ་གཉིས་

ཡོང་ཁུངས་Wikipedia
གནས་སྤོ། དཀར་ཆག, འཚོལ།

དེ་སྒྲ་དུས་ཀྱི་དབང་གིས་གཉིས་ལ་འཇུག་པ་ནི། དཔེར་ན། འདས་་དང་མ་འོངས་པ་ལ་འཇུག་པ་གཉིས་ཏེ།

དང་བོ་འདས་པ་ལ་འཇུག་ནི། དཔེར་ན། སྔོན་གྱི་བསྐལ་བ་དེ་ལ། དུས་རབས་སྔོན་མ་དེའི་སྐབས་ལོ་དེའི་ནང་། ཟླ་བ་སྔ་མ་དེ་ལ། ཁ་སང་གི་དུས་དེ་ལ།ལྟ་བུ་སྟེ། བསྐལ་བ་དང། ལོ་དང་། ཟླ་བ་དང་། ཞག་དང་། ཟ་མ་གང་རུང་ཞིག་དུས་ད་ལྟ་བར་བཟུང་བའི་འདས་པ་ཐམས་ཅད་ལ་དེ་སྒྲ་འཇུག་གོ།

གཉིས་པ་མ་འོངས་པ་ལ་འཇུག་པ་ནི། དཔེར་ན། སང་གི་དུས་དེ་ཙམ་ན། ཟླ་བ་རྗེས་མ་དེ་ལ། ལོ་རྗེས་མ་དེ་ལ། མ་འོངས་དམངས་གཙོ་རང་ལུགས་ཀྱི་སྐབས་དེ་ལ། ལྟ་བུ་སྟེ་བསྐལ་བ་འདི་ད་ལྟ་བ་བྱས་ཚེ། བསྐལ་བ་སྔོན་མ་ཡན་ཆད་འདས་པ་དང་། བསྐལ་བ་རྗེས་མ་ཕན་ཆད་མ་འོངས་པ་དང་། ལོ་འདི་ད་ལྟ་བར་བཟུང་ཚེ། ལོ་སྔ་མ་འད ས་པ་དང་། ལོ་རྗེས་མ་མ་འོངས་པ་དང་། དེ་བཞིན་དུ་ད་ལྟའི་སྐད་ཅིག་མ་འདི་ལ་ལྟོས་ནས། སྐད་ཅིག་སྔ་མ་འདས་པ་དང་། སྐད་ཅིག་ཕྱི་མ་མ་འོངས་པར་འཇོག་དགོས་པ་སོགས་གཅིག་གཅིག་ལ་ལྟོས་ནས་འཇོག། དེ་སྒྲ་ནི་དངོས་པོའི་ནང་ནས་བདག་ལ་མི་འཇུག། དུས་ཀྱི་ནང་ནས་ད་ལྟ་བ་ལ་མི་འཇུག་སྟེ། བདག་ལ། ང་རང་། ང་། ཁོ་བོ། བདག་ཉིད་ཟེར་བ་ལས་དེ་སྒྲ་མི་འཇུག་ལ། བདག་དང་འབྲེལ་བའི་དངོས་པོ་ལ་འཇུག་པ་གོང་བཞིན་ནོ། །