དབེན་བདག་དགོན།
དབེན་བདག་དགོན།
མཚན་རྒྱས་པར་། འགྱུར་མེད་འོད་གསལ་གླིང་ཞེས་ཞུ། ར་ལུང་དགོན་ནས་འཁོར་ལམ་བརྒྱུད་སྤྱི་ལེ་༢༢ཙམ་མར་ཡོང་ན་ལུངདམར་གྲོང་གི་ལྟག་ཏུ་བཙུན་མའི་དགོན་དེ་མཇལ་རྒྱུ་ཡོད། དགོན་དེ་ནི་ཐོག་མར་ལུང་དམར་དཔོན་ལྡིང་ཆེན་གྱིས་སྲས་མོར་དགོན་དེ་བཏབ་གནང་མཛད། ཡར་འབྲོག་བསམ་ལྡིང་དགོན་གྱི་དགོན་ལག་ཡིན། སྔོན་འདུ་ཁང་ཀ་བ་བཅུ་དྲུག་ནང་སྤྱན་རས་གཟིགས་ནམ་མཁའི་རྒྱལ་པོ་ཕྱག་སྟོང་སྤྱན་སྟོང་གི་ཞལ་ཐང་དང་། བོ་དོང་ཕྱོགས་ལས་རྣམ་རྒྱལགཡི་སྐུ་བརྙན་སྨན་འདམ་ལས་[page 9] གྲུབ་པ། སྐུ་རྒྱུ་དེ་མཚུངས་ཀྱི་སྤྱན་རས་གཟིགས་ཕྱག་བཞི་པ་སོགས་རྟེན་དང་བརྟེན་པར་བཅས་པ་ཡོད། བཙུན་མ་རྣམས་ལོ་གསར་སོགས་ཚེས་བཟང་དུས་བཟང་ལ་ཚོགས་པ་ལས་དེ་བྱིངས་རང་ཁྱིམ་དུ་སོ་ནམ་གནང་ནས་བཞུགས་སྲོལ་དར། ཆོས་ཐེབས་ནི་དཔོན་པོ་ལྡིང་ཆེན་གྱིས་གནང་བའི་ཞིང་གསུམ་ཡོད་པ་དེ་ག་ཡིན།
ད་ལྟ་ནི་སྔོན་གྱི་དགོན་ཤུལ་དུ་བསྐྱར་བཞེངས་གནང་བའི་འདུ་ཁང་ནང་ཆོས་ལུང་སྤྲུལ་གསུམ་གྱི་སྐུ་བརྙན་གསར་བཞེངས་གནང་བ་མཇལ་རྒྱུ་ཡོད། ཡང་དེ་ནས་མར་ཡོང་དུས་རྒྱབ་བྲག་ཅེས་པར་ཆོས་སྡེ་བླ་ཁག་བཅུ་དྲུག་གི་ཁོང་ཡིན་པ་རྒྱབ་བྲག་དགོན་དང་། རྩ་བ་ནང་ཞེས་པར་ལྷ་རི་གཟིམ་ཕུག་ཅེས་པ་སོགས་མཇལ་རྒྱུ་ཡོད།