དཔལ་ལྡན་ལྷ་མོ།

ཡོང་ཁུངས་Wikipedia
Jump to navigation Jump to search

དཔལ་ལྡན་ལྷ་མོ་ Shri Devi དབྱངས་ཅན་དྲག་ཏུ་ཁྲོས་པའི་ཆོས་སྐྱོང་ཁྱད་དུ་འཕགས་པ་དཔལ་ལྡན་ལྷ་མོ་ནི་སངས་རྒྱས་འོད་སྲུང་གི་སྐུ་དུས་ནས་བྱུང་བའི་སྲུང་མ་ཞིག་ཡིན་ལ། སྤྱིར་བྱང་ཆུབ་སེམས་དཔའ་ས་བརྒྱད་པ་ལ་གནས་པ་ཡིན་ནའང་བསྟན་པ་སྲུང་བའི་ཕྱིར་ཤིན་ཏུ་འཇིགས་པའི་སྲུང་མའི་རྣམ་པ་བཟུང་བ་ཞིག་ཡིན།

དཔལ་ལྡན་ལྷ་མོའི་སྐུ་མདོག་སྔོན་པོ་ཡིན་ཞིང་། ཞལ་གཅིག་ཕྱག་གཉིས་དང་ལྡན་པ། ཆིབས་དྲེལ་རག་དམར་གྱི་སྟེང་དུ་འཕུར་ཞིང་བགྲོད་པ་དང་། མཐའ་འཁོར་དུ་མེ་དཔུང་དང་རླུང་འཚུབ་འཁྲིགས་པ། ཕྱག་གཡས་པས་བར་ཅོན་དང་གཡོན་པས་ཁྲག་གིས་བཀང་བའི་ཀ་པཱ་ལ་བསྣམས་ཡོད། སྐུ་ལ་མི་མགོ་སྐམ་པོའི་དབུ་རྒྱན་དང་ཟླ་བ་དང་རྨ་བྱའི་གདུགས་དང་ཕྱག་རྒྱ་ལྔ་དང་དུག་སྤྲུལ་དང་སྟག་ལྤགས་སོགས་ཀྱིས་བརྒྱན་པ། ཕྱི་ཤ་ལ་མཚོན་གྱི་གྲུ་གུ་དང་བཙན་གྱི་ཤོ་རྡེལ་དཀར་ནག་བཏགས་པའོ།།

སྲུང་མ་འདི་ཉིད་ངེས་པ་དོན་དུ་རྒྱལ་བ་རྡོ་རྗེ་འཆང་གི་ཡུམ་རྡོ་རྗེ་དབྱིངས་ཀྱི་དབང་ཕྱུག་མ། འཇིགས་བྱེད་ཀྱི་ཡུམ་རྡོ་རྗེ་རོ་ལངས་མ། རྗེ་བཙུན་སྒྲོལ་མ་དཀར་ལྗང་དམར་སེར་དང་འཕགས་མ་དབྱངས་ཅན་མ་སོགས་དང་ངོ་བོ་གཅིག་ལ། འདིའི་འཁོར་དུ་གཙོ་བོར་བཀའ་གདམས་སྒྲོལ་མ་བཅུ་གཉིས་དང་བསྟན་མ་བཅུ་གཉིས་དང་བཅས་པ་ཡོད།

འདིའི་གདམས་པ་རྒྱལ་བོ་རྡོ་རྗེ་འཆང་གིས་བྲམ་ཟེ་ས་ར་ཧ་ལ་གནང་ཞིང་། ཕ་དམ་པ་སངས་རྒྱས་ཀྱིས་བོད་ཡུལ་ལ་སྤྱན་དྲངས། དེའི་ཕྱིས་སུ་ཆོས་སྐོར་གྱི་འཕྲིན་ལས་རྒྱས་པ་བྱུང་བས་རིམ་གྱིས་རྒྱལ་དབང་སྐུ་ཕྲེང་རིམ་བྱོན་གྱི་སྲུང་མའི་གཙོ་བོར་གྱུར་བ་ཞིག་ཡིན།

ལོ་རྒྱུས།[རྩོམ་སྒྲིག]

པར་རིས་བར་འཁྱམས།[རྩོམ་སྒྲིག]

ཟིན་ཐོ་འམ་དཔྱད་གཞི།[རྩོམ་སྒྲིག]

དཔྱད་གཞིའི་དཀར་ཆག།[རྩོམ་སྒྲིག]

ད་དུང་གཟིགས།[རྩོམ་སྒྲིག]

ཕྱི་ཕྱོགས་དྲ་མཐུད།[རྩོམ་སྒྲིག]