དཔལ་ཆེན་ཆུ་བོ་རི་

（ལྕགས་ཟམ་ཆུ་བོ་རི་）ལྷ་ས་གྲོང་ཁྱེར་ནས་ལྷོ་ནུབ་ཕྱོགས་སུ་རྟ་ལམ་ཉིན་གཉིས་ཀྱི་སར་（ལྷོ་ཁ་གོང་དཀར་རྫོང་ཁོངས་）ཡོད་པའི་རི་ཆུང་དུ་ཞིག་སྟེ། ལོ་རྒྱུས་ཐོག་ཤོད་སྲོལ་ལ། རྒྱལ་པོ་ཁྲི་སྲོང་ལྡེ་བཙན་སྐབས་གནས་འདིར་གྲུབ་པ་ཐོབ་པའི་སྒོམ་ཆེན་མང་པོ་བྱུང་བ་དང། དུས་རབས་བཅོ་ལྔ་པ་དང་བཅུ་དྲུག་པ་གཉིས་ཀྱི་རིང་སྐུ་བཞུགས་པའི་བཀའ་བརྒྱུད་ཆོས་ལུགས་ཀྱི་གྲུབ་ཐོབ་མཚན་སྙན་ཅན་ཐང་སྟོང་རྒྱལ་པོའམ་བརྩོན་འགྲུས་བཟང་པོས་གནས་འདིར་ཡུན་རིང་དུ་བཞུགས་ཤིང། ལྕགས་ཟམ་ཞིག་ཀྱང་འཛུགས་པར་མཛད་པས་ཡོངས་གྲགས་སུ་གནས་འདིར་ལྕགས་ཟམ་ཆུ་བོ་རི་ཞེས་འབོད་པ་ཡིན།།
༼དུང་དཀར་ཚིག་མཛོད་ཆེན་མོ་༽ལས་བཏུས།