དངུལ་སྲང་ཆེན་

དངུལ་སྲང་ཆེན།

དེ་སྔོན་བོད་ས་གནས་སུ་ཡོན་རྒྱལ་རབས་ཀྱིས་དབང་བསྒྱུར་བྱེད་སྐབས་ནས་བཟུང་བོད་དུ་ དར་བའི་དངུལ་ལྷད་མེད་སྲང་ལྔ་བཅུ་ཐམ་པ་ལུགས་སུ་བླུགས་པའི་རྟ་རྨིག་མ་ལ་དངུལ་སྲང་ ཆེན་ཟེར། དེ་ཡང་བོད་ས་གནས་ཀྱི་གསེར་དངུལ་བར་གྱི་ལྗིད་ཚད་བསྡུར་བའི་ཐང་བཞི་ནི་ བོད་སིལ་བུའི་དུས་སྐབས་དང་ཡོན་རྒྱལ་རབས་ཀྱིས་བོད་ས་གནས་སུ་དབང་བསྒྱུར་བྱས་པའི་ དུས་སྐབས་དེ་ནས་འབྲུ་ཆུང་གསུམ་གཉིས་རེ་བསྡོམས་དྲུག་གི་ལྗིད་ཚད་དང་མཉམ་པའི་ གསེར་ལ་སེ་བ་གང་། གསེར་སེ་བ་བརྒྱད་ལ་ཞོ་གང་། གསེར་ཞོ་བརྒྱད་ལ་གསེར་སྲང་ དང་། གསེར་སྲང་བཅུ་དྲུག་ལ་གསེར་བྲེ་གང་དུ་རྩིས་པ་དེ་ནི་སྐབས་དེའི་རྒྱ་གར་ཡུལ་ དབུས་མ་གདྷ་གྲོང་ཁྱེར་གྱི་ཚད་ལྡན་འདེགས་ཚད་ཡིན་ཅིང་། གསེར་སྲང་གང་ལ་བོད་ དངུལ་སྲང་དོ། བོད་དངུལ་སྲང་བརྒྱད ( གསེར་སྲང་བཞི ) ལ་དངུལ་བྲེ་གང་། དངུལ་ སྲང་བཅུ་ལུགས་སུ་བླུགས་པའི་དངུལ་ལ་བཅུ་ཁོག་གཅིག དངུལ་སྲང་སུམ་ཅུ་སོ་གཉིས་ལ་ ( གསེར་སྲང་བཅུ་དྲུག ) དངུལ་སྲང་ལྔ་བཅ་ཐམ་པ་ལ་དངུལ་བྲེ་ཆེན་གཅིག ( གསེར་སྲང་ཉི་ ཤུ་རྩ་ལྔ ) ཡིན་པར་འདུལ་བའི་ཡིག་ཆ་ཁག་དང་། << མ་བྱིན་ལེན་གྱི་ཉེསཔའི་རིན་ཐང་ གི་ཚད་བཤད་པ >> ཞེས་པར་གསལ། ཡང་སྐབས་ར་རྒྱ་དངུལ་རྟ་རྨིག་མ་ལའང་གོ་བ་སྟེ། རྒྱ་དངུལ་སྲང་ལྔ་བཅུ་ཐམ་པ་ལུགས་སུ་བླུགས་པའི་དབྱིབས་རྟའི་རྨིག་པ་ལྟ་བུར་ཡོད་པ་སྟེ། དེའི་འོག་མ་སྲང་བཅུ་ཡོད་པའི་ལུག་རྨིག་མའམ་བཅུ་ཁོག་ཟེར་བ་ཞིག་ཀྱང་ཡོད། ཏཱ་ལའི་བླ་ མ་སྐུ་ཕྲེང་དྲུག་པ་དང་། བདུན་པའི་སྐབས་རྒྱ་དངུལ་རྟ་རྨིག་མ་གཅིག་ཡོད་པའི་མི་ཚང་ ལ་མི་གཞན་དག་གིས་མི་ཚང་འདི་ལ་དངུལ་གྱི་འང་གུ ( དངུལ་གྱི་ཕུག་རོན ) ཡོད་པ་རེད་ཟེར་ ནས་ཧ་ཅང་འབྱོར་པ་དང་ལྡན་པ་བརྩི་སྲོལ་ཡོད།

༼དུང་དཀར་ཚིག་མཛོད་ཆེན་མོ་༽ནས་བཏུས།