དངུལ་བཟོ་

དངུལ་བཟོ།

དངུལ་བཟོའི་ལག་རྩལ་ཡང་གསེར་བཟོའི་ལག་རྩལ་དང་འདྲ་བར་བཞུ་བཏུལ་བླུགས་པ་སོགས་བྱ་ཐབས་སྣ་ཚོགས་འདུག ད་ཡོད་ཀྱི་དཔྱད་གཞིའི་ཡིག་རིགས་ནང་སྤྱི་ལོའི་དུས་རབས་ དང་པོའི་ཡས་མས་ཙམ་ལ་རྒྱལ་པོ་པུ་དེ་གུང་རྒྱལ་གྱིས་སྲིད་དབང་བཟུང་རྗེསདངུལ་བཞུ་བྱས་པ་དང་རྒྱལ་པོ་སྲོང་བཙན་སྒམ་པོས་བློན་པོ་རིམ་པ་གསུམ་པ་ལ་དངུལ་གྱི་ཡི་གེའི་བྱང་བུ་བྱ་ དགར་གནང་ཚུལ་འཁོད་པ་དེས་དངུལ་གྱི་བཟོ་ལས་དེ་སྐབས་ནས་ཀྱང་བོད་མིས་བྱེད་ཤེས་པ་ གསལ་པོ་ཡིན། འོན་ཀྱང་ཡོན་རྒྱལ་རབས་ཀྱིས་བོད་དང་མེས་རྒྱལ་གོང་བུ་གཅིག་གྱུར་མ་ བྱས་ཕན་ཆད་བོད་ལ་དངུལ་བེད་སྤྱོད་བྱས་པ་ཁྱབ་ཆེན་པོ་མིན་པ་ལྟ་བུ་ཞིག་དང་ཡོན་རྒྱལ་ རབས་ཀྱིས་བོད་ལ་དབང་བསྒྱུར་བྱས་པ་ཚུན་ཆད་བོད་དུ་དངུལ་བཟོའི་ལག་རྩལ་དར་སྤེལ་ཆེ་རུ་འགྲོ་བའི་འགོ་ཚུགས་པ་འདྲ་སྙམ་པས་མཁས་དབང་ཚོས་ཞིབ་དཔྱད་གནང་བར་ཞུ་ཞིང་། གསེར་གདུང་འཛམ་གླིང་རྒྱན་གཅིག་བཞེངས་སྐབས་དེ་དང་ཆབས་ཅིག་དངུལ་བཟོས་ལྷ་སྐུ་ དང་མཆོད་རྟེན་མང་པོ་བཞེངས་འདུག་པ་དེ་ཡང་རྒྱ་གར་ལུགས་ཀྱི་ལྷ་སྐུ་མཆོད་རྟེན་རྣམས་ བལ་པོའི་བཟོ་པས་བཞེངས་པ་དང་། བོད་ལུགས་ཀྱི་བླ་མའི་འདྲ་སྐུ་རྣམས་བོད་ཀྱི་བཟོ་ པས་བཞེངས་པ་ཡིན་ངེས་ལ་སྐབས་དེར་དངུལ་བཟོ་བའི་ནང་བལ་པོ་དང་། བོད་རིགས་མི་ གྲངས་ཇི་ཙམ་ཡོད་མེད<< གསེར་གདུང་དཀར་ཆག >> ནང་མི་གསལ།

༼དུང་དཀར་ཚིག་མཛོད་ཆེན་མོ་༽ནས་བཏུས།