དགའ་ལྡན་ཁྲི་ཐོག་སོ་གསུམ་པ་གྱེ་རེ་གྲགས་པ་རྒྱ་མཚོ་

དགའ་ལྡན་ཁྲི་ཐོག་སོ་གསུམ་པ་གྱེ་རེ་གྲགས་པ་རྒྱ་མཚོ་ནི། རབ་བྱུང་དགུ་པའི་ཤིང་ཡོས་ ༡༥༥༥ ལོར་གྱེ་རེ་སྟོད་དུ་འཁྲུངས། དགོན་གསར་དུ་རབ་བྱུང་མཛད་དེ་མདོ་སྔགས་ལ་སྦྱངས། ངམ་རིང་དུ་རབ་འབྱམས་པའི་གྲྭ་སྐོར་མཛད། རྒྱུད་སྟོད་ཀྱི་འཆད་ཉན་དང༌། ཤར་སྤྲས་རིན་ཆེན་བྲག་སོགས་ཀྱི་ཞལ་འཛིན་མཛད། འཇམ་དབྱངས་སྟག་ལུག་བྲག་པ་བློ་གྲོས་རྒྱ་མཚོ་ལྟ་བུ་མཁས་པས་ཀྱང་འདིའི་ཞབས་ལ་བཏུགས་ནས་མདོ་སྔགས་ཀྱི་ཆོས་ཚུལ་རྒྱ་ཆེར་ཞུས་ཚུལ་གསལ། དགུང་ལོ་རེ་དགུ་པ་རབ་བྱུང་བཅུ་པའི་ཆུ་ཕག་ ༡༦༢༣ ལོར་དགའ་ལྡན་གྱི་ཁྲིར་ཕེབས། ཆོས་ཀྱི་འཁོར་ལོ་བསྐོར་བཞིན་ལོ་དེ་རང་ལ་ཞི་བར་གཤེགས། གཞན་དུ་དོན་གསུམ་པ་རབ་བྱུང་བཅུ་གཅིག་པའི་ཆུ་ཕག་མེ་ཡོས་ ༡༦༢༧ ལོར་ཞི་བར་གཤེགས་ཚུལ་འཁོད་ཀྱང་ཁུངས་མ་མཐོང༌།