ཆོས་འཁོར་གསུམ་

ཆོས་འཁོར་དང་པོ།

ཆོས་འཁོར་དང་པོ་སཱར་ནཱཐའི་དྲང་སྲོང་ལྷུང་བའི་རི་དྭགས་ཀྱི་ནགས་སུ་བསྐོར་མཛད་ཡོད། བདག་ཅག་གི་སྟོན་པ་སངས་རྒྱས་ཀྱི་གོ་འཕང་ཐོབ་མ་ཐག་རང་གི་སློབ་མར་གྱུར་བ་འཁོར་ལྔ་སྡེ་བཟང་པོ་དང་ལྷན་དུ་དེར་ཕེབས་ནས་ཁོང་ཚོར་ཆོས་ཀྱི་ཐོག་མ་དེ་གསུངས་ཡོད། ཆོས་ཚུལ་དེའི་ནང་ཁོང་གི་རྟོགས་པའི་རིམ་པ་རྣམས་ཀྱི་གཞི་རྩའི་སྒྲོམ་ལྟ་བུ་གཏན་ལ་ཕབ་ནས་གསུངས་པ་སྟེ། དེ་ལ་འཕགས་པའི་བདེན་པ་བཞི་ཞེས་སུ་གྲགས་པ་རེད། བདེན་པ་བཞི་པོ་དེ་དག་ནི། སྡུག་བསྔལ་གྱི་བདེན་པ་དང་། སྡུག་བསྔལ་དེ་དག་གི་རྒྱུ་དངོས་ཀུན་འབྱུང་གི་བདེན་པ། སྡུག་བསྔལ་དངོས་སུ་འགོག་པའི་འགོག་བདེན། སེམས་ཀྱི་ལམ་མམ་ལམ་གྱི་བདེན་པ་སྟེ། དེ་ལ་བརྟེན་ནས་འགོག་པའི་བདེན་པ་འཐོབ་ཀྱི་ཡོད་པ་དང་འགོག་བདེན་དེ་ཡང་དེའི་འབྲས་བུ་ཡིན་པ་བཅས་སོ།།

ཆོས་འཁོར་གཉིས་པ།

སངས་རྒྱས་ཀྱིས་ཆོས་ཀྱི་འཁོར་ལོ་རིམ་པ་གཉིས་པ་དེ་རྒྱལ་པོའི་ཁབ་ཀྱི་ཕྱི་ལོགས་སུ་ཆགས་པའི་མ་ག་དྷའི་རྒྱལ་གཞིས་སུ་ཡོད་པའི་བྱ་རྒོད་ཕུང་པོའི་རི་རྩེར་གསུངས། ཆོས་ཀྱི་འཁོར་ལོ་འདི་ནི་སངས་རྒྱས་ཀྱི་སྐུ་ཚེའི་ནང་གནད་དོན་དམིགས་བསལ་དཀའ་ངལ་ཅན་གྱི་སྐབས་སུ་བྱུང་ཡོད། དེའི་ཚེ་ན་ཁོང་གི་ཕ་ཡུལ་ཤཱཀྱ་དང་མ་ག་དྷ་རུ་དམག་འཁྲུག་འབྱུང་བཞིན་ཡོད་པ་དང་རྒྱལ་པོའི་སྲས་ཀྱིས་རང་གི་ཕ་བཙོན་དུ་བཅུག་ནས་རྒྱལ་སྲིད་བཙན་འཕྲོག་དང་བཅས་རང་གི་ཕ་བཙོན་དུ་འདས་གྲོངས་སུ་གྱུར་བཅུག་པ་རེད། དེའི་ཚེ་དེའི་དུས་ན་སངས་རྒྱས་ཀྱི་ཚ་བོ་ལྷས་སྦྱིན་གྱིས་ཁོང་གསོད་ཐབས་བྱེད་བཞིན་ཡོད་པ་དང་དགེ་འདུན་སྡེའི་ནང་ཁུལ་དབྱེན་འབྱེད་ཐབས་བྱེད་བཞིན་པའི་སྐབས་རེད། གཞན་ཡང་། སངས་རྒྱས་མ་ག་དྷར་ཕེབས་པའི་ལམ་དུ་ཝཇཇི་ཞེས་པའི་ས་ཆར་ཁོང་ལ་སྐྱོན་བརྗོད་དང་མཚན་ཤས་བཟོས་པ་སོང་ཙང་། ཁོང་བྱ་རྒོད་ཕུང་པོའི་རིའི་བྲག་ཕུག་ཏུ་བཞུགས་སུ་ཕེབས།

ཆོས་འཁོར་གསུམ་པ།

ཆོས་འཁོར་གསུམ་པ་ནི་ཝཇཇིའི་རྒྱལ་ས་ཡངས་པ་ཅན་དུ་གསུངས། སངས་རྒྱས་ཀོ་ས་ལ་དང་མ་ག་དྷའི་དབར་ལ་ཕར་ཚུར་ཕེབས་པའི་སྐབས་སུ་ཝཇཇི་བརྒྱུད་ནས་ལན་མང་ཕེབས་མཛད་ཡོད་པ་དང་ས་ཆ་དེ་གའི་ནང་ཁོང་གིས་མཐར་བཙུན་མའི་སྡེ་འགོ་འཛུགས་གནང་རྒྱུའི་ཞལ་བཞེས་མཛད་ཡོད། ཝཇཇི་ནི་མི་སེར་རྒྱལ་ཁབ་སྐྱོ་པོ་ཞིག་ཡིན་པ་སོང་ཙང་། བཙུན་མའི་སྡེ་དེ་འགྲོ་བ་མིའི་ཁེ་དབང་འདྲ་མཉམ་བརྩི་སྲུང་བྱེད་སའི་ཁོར་ཡུག་ཅིག་ཏུ་རྩ་འཛུགས་གནད་འགགས་ཅན་ཞིག་ཆགས་ཡོད་པ་རེད། ས་ཁུལ་དེར་དྲག་རིམ་དང་མཐོ་རིམ་ལ་རྒྱབ་སྐྱོར་བྱེད་མཁན་དང་རྙིང་ཞེན་ཅན་གྱི་བྲམ་ཟེའི་ལམ་ལུགས་དེ་ཙམ་ཤུགས་ཆེན་པོ་མེད་པ་རེད།