ཆོས་ཐམས་ཅད་བདག་མེད་པ་

ཆོས་ཐམས་ཅད་བདག་མེད་པ།

འདུས་བྱས་དང་འདུས་མ་བྱས་ཀྱི་ཆོས་སུ་གཏོགས་པ་ཐམས་ཅད་ལ་གང་ཟག་གི་བདག་དང་ཆོས་ཀྱི་བདག་གིས་སྟོང་པར་འདོད་པས་ན་བདག་མེད་པ་ཞེས་པ་དང་། དེ་ཡང་གང་ཟག་གི་བདག་གི་ངོ་བོ་ཉིད་གྲུབ་སྟེ། གང་ཟག་གི་བདག་ནི་དུད་འགྲོ་ཡན་ཆད་ཀྱི་སེམས་ཅན་ཐམས་ཅད་ལ་རང་འཁྲུངས་སུ་ཡོད་པའི་ང་དང་ང་ཡི་བར་འཛིན་པའི་བདག་འཛིན་ལྷན་སྐྱེས་ཞེན་ཡུལ་ངའོ་སྙམ་པ་དེ་ཡིན་ཅིང་། དེ་ལྟ་བུའི་བདག་ནི་ཕུང་པོ་དང་གཅིག་ཏུ་མ་གྲུབ་ལ། ཐ་དད་དུ་ཡང་མ་གྲུབ་པའི་ཕྱིར། ཆོས་ཀྱི་བདག་ཀྱང་ངོ་བོ་ཉིས་དུ་མ་གྲུབ་སྟེ། ཆོས་ཀྱི་བདག་ནི་ཐོག་མ་མེད་ནས་གོམས་པའི་ལྷན་སྐྱེས་ཀྱི་མ་རིག་པའི་དབང་གིས་ཐ་མལ་པའི་བློ་ལ་སྣང་བའི་གཟུགས་ལ་སོགས་པའི་ཕྱི་ནང་གི་ཆོས་ཐམས་ཅད་རང་རང་གི་མཚན་ཉིད་དུ་བདེན་པར་ཞེན་པ་དེ་ཡིན་ཅིང་། འདི་ནི་ཐག་པའི་སྦྲུལ་ལྟར་རྟོག་པས་བཏགས་ཙམ་དུ་ཟད་ཀྱི་དངོས་པོ་རྣམས་རང་བཞིན་དུ་གྲུབ་པ་མེད་པའི་ཕྱིར། འདི་གཉིས་ལ་རང་སྡེའི་གྲུབ་མཐའ་སྨྲ་བ་བཞི་སོ་སོའི་རྟོགས་རིགས་མི་འདྲ་བའི་ཁྱད་པར་ཡོད་པ་རྣམས་སྐབས་བབས་སོ་སོ་ནས་ཤེས་པར་བྱའོ། །