ཆུ་ཤིང་
ཆུ་ཤིང་ཞེས་པ་ནི་ནང་པའི་ཆོས་ལུགས་ཀྱི་དཔེ་མཚོན་གྱི་ཐ་སྙད་ཅིག་ཡིན། འདི་ནི་སྤྱིར་བཏང་དངོས་པོ་ལ་རང་བཞིན་གྱི་སྙིང་པོ་མེད་པ་དང་། ཁྱད་པར་དུ་དགེ་རྩའི་ལས་ཀས་འབྲས་བུ་སྐྱེད་རྗེས་རང་ནུས་པ་ཟད་པའི་ཁྱད་ཆོས་གཉིས་བསྟན་པར་སྤྱད། ཆུ་ཤིང་གི་ཆགས་རིམ་ལ་ལོ་མང་སྐྱེས་པའི་རྩྭ་རིགས་ཤིག་ཡིན། ཚོན་མདོག་སེར་ལྗང་སྐྱ་གསུམ་འདྲེས་མ། ལོ་མ་ཟླུམ་དབྱིབས་ཆ་མི་འགྲིག་པ། ཡུ་བ་ལ་ལི་རྨིད་སུམ་ཅུ་ཙམ་ཡོད། མེ་ཏོག་སྙེ་དབྱིབས་བང་རིམ་མར་འཕྱང་། ཐུམ་ལོ་དམར་ནག འབྲས་བུ་མང་ལ་སྲ་ཞིང་སེར་པོ་ཡིན། ཁྱབ་ཁུལ་ནི་འཇར་པན། ཐེ་ཝན། ཀྲུང་གོའི་ཧྲང་ཧེ། ཧུའུ་ནན། ཀྲེའུ་ཅང་། ཧུའུ་བེ། ཀེའུ་ཀྲའུ། ཡན་ནན། ཧྲང་ཤིས། སི་ཁྲོན། ཅང་སུའུ། གོན་ཤིས་བཅས་ཡུལ་ཁུལ། རྒྱ་མཚོ་ངོས་ནས་རྨིད་༥༠༠-༨༠༠བར་གྱི་ས་མཚམས། ཁྱད་པར་ཆུ་འགྲམ་དང་གྲོང་ཚོའི་ཟུར། རི་སྐད་ནགས་ཚལ་ཟུར་སྐྱེ་བ་མང་། ད་བར་མིས་བཙུག་སྤོས་བྱས་པའི་ལོ་རྒྱུས་མེད།
ནང་དོན།
[རྩོམ་སྒྲིག]བདག་མེད་སྒྲུབ་པའི་དཔེ་མཚོན།
ཆུ་ཤིང་ནི་སྤྱོད་འཇུག་གི་བདག་བརྟག་པའི་ལེའུ་ཁོངས་སུ་ཕན་ཚུན་རྟེན་པའི་བདག་མེད་སྒྲུབ་པའི་དཔེར་དྲངས་པ་སྟེ། "དཔེར་ན་ཆུ་ཤིང་གི་སྡོང་པོ་དག་ལ་སྟ་རེས་བཅད་ཅིང་དུམ་བུར་བྱས་ལ། དེ་རེ་རེ་ཡང་ཆ་ཤས་སུ་རྣམ་པར་ཕྱེ་སྟེ་ད་ནི་འདི་རྣམས་གང་ལ་ཆུ་ཤིང་གི་སྡོང་པོ་གནས་སྙམ་དུ་བརྟགས་ན་ཆ་ཤས་དེ་དག་མ་གཏོགས་ཆ་ཤས་ཅན་གྱི་སྡོང་པོ་འགའ་ཡང་མེད་པར་མཐོང་ལ། ཆ་ཤས་དེ་དག་ཡང་རེ་རེ་ཞིང་སྡོང་པོ་མ་ཡིན་པར་མཐོང་ནས་ཆུ་ཤིང་གི་སྡོང་པོར་ཞེན་པ་རྣམ་པར་ལོག་པ་དེ་བཞིན་དུ་ཕྱི་ནང་གི་ཕུང་པོ་ཐམས་ཅད་ལ་རིགས་པས་རྣམ་པར་དཔྱད་པ་ཡིས་བཙལ་ན་དེ་ཉིད་དང་གཞན་དུ་བརྗོད་ཏུ་མེད་པའི་བདག་དེ་ཉིད་ཀྱང་ཡང་དག་པ་མིན་པར་མཐོང་སྟེ། བདག་ཞེས་བྱ་བ་གང་ཡང་མཐོང་བར་མི་འགྱུར་རོ། །"[༡]ཞེས་གསུངས་པ་ལྟར། ཆུ་ཤིང་གི་སྡོང་པོ་དེ་ཆ་ཤས་སུ་ཕྱེ་ན་སྙིང་པོར་གྱུར་པ་འགའ་ཡང་མེད་པ་དེ་བཞིན་དུ། བདག་ཀྱང་རིགས་པས་རྣམ་པར་དཔྱད་པ་ཡིས་བཙལ་ན་ཡང་དག་པར་གྲུབ་པ་ནམ་ཡང་རྙེད་པ་མིན་པའོ། །
དགེ་རྩ་ཟད་པའི་དཔེ་མཚོན། ཆུ་ཤིང་ནི་དགེ་རྩའི་ཁྱད་པར་བསྟན་པའི་སྐབས་སུའང་དྲངས་ཏེ། "བྱང་ཆུབ་ཀྱི་སེམས་ཀྱིས་མ་ཟིན་པའི་འཇིག་རྟེན་ལས་འདས་མ་འདས་ཀྱི་དགེ་བ་གཞན་ཀུན་ནི། ཚོམས་ལས། ཆུ་ཤིང་འབྲས་བུས་བཅོམ་པར་འགྱུར། ཞེས་ཆུ་ཤིང་གིས་ལན་ཅིག་གི་ཚེ་འབྲས་བུ་བསྐྱེད་དེ་ནས་རྩ་བ་ཟད་པས་སྐམ་སྟེ་ཕྱིས་འབྲས་བུ་སྐྱེད་མི་སྲིད་པར་གསུངས་པ་བཞིན་དུ་མངོན་མཐོ་འཐོབ་བྱེད་ཀྱི་དགེ་རྩ་རྣམས་ཀྱིས་རང་འབྲས་ལྷ་མི་ལྟ་བུའི་ཉེར་ལེན་གྱི་ཕུང་པོ་བསྐྱེད་དེ་རྣམ་སྨིན་ཕྱུངས་ནས་འཛད་ལ། དམན་པའི་མྱང་འདས་འཐོབ་བྱེད་ཀྱི་དགེ་རྩ་རྣམས་ཀྱིས་ནི་རང་གི་འབྲས་བུ་ཉན་རང་གི་བྱང་ཆུབ་ལྟ་བུ་སོ་སོར་བསྐྱེད་ནས་མཐར་ལྷག་མ་མེད་པར་ཟད་པར་གྱུར་ཁ་ནས་སླར་འབྲས་བུ་སྐྱེད་པའི་ནུས་པ་རྒྱུན་ཆད་པར་འགྱུར་བ་ཉིད་ཡིན།"[༢] ཞེས་གསུངས་པ་ལྟར། ཆུ་ཤིང་གིས་ལན་ཅིག་འབྲས་བུ་བསྐྱེད་ནས་རྩ་བ་ཟད་པ་དེ་བཞིན་དུ། བྱང་ཆུབ་ཀྱི་སེམས་ཀྱིས་མ་ཟིན་པའི་དགེ་བ་གཞན་ཀུན་ཡང་འབྲས་བུ་བསྐྱེད་ནས་ཟད་པར་འགྱུར་བ་ཡིན་ནོ། །
དཔག་བསམ་གྱི་ཤིང་དང་ཁྱད་པར།
[རྩོམ་སྒྲིག]སྤྱོད་འཇུག་གི་ནང་དུ་ཆུ་ཤིང་གི་དཔེ་དང་ལྷན་དུ་དཔག་བསམ་གྱི་ཤིང་གི་དཔེ་ཡང་དྲངས་ཏེ་ཁྱད་པར་བསྟན་པ་ནི། "བྱང་ཆུབ་ཀྱི་སེམས་ཀྱིས་མ་ཟིན་པའི་དགེ་བ་གཞན་ཀུན་ཆུ་ཤིང་བཞིན་དུ་ནི་འབྲས་བུ་བསྐྱེད་ནས་སླར་ཡང་འབྲས་བུ་བསྐྱེད་པའི་ནུས་པ་ཟད་པར་འགྱུར་བ་ཉིད་ཡིན་ལ། དཔག་བསམ་གྱི་ཤིང་བཞིན་དུ་བྱང་ཆུབ་སེམས་ཀྱི་ལྗོན་ཤིང་རྟག་པར་ཡང་འབྲས་བུ་འབྱིན་པས་མི་ཟད་ཅིང་གོང་ནས་གོང་དུ་འཕེལ་བར་འགྱུར་བའི་ཕྱིར་རོ། །"[༣]ཞེས་གསུངས་པ་ལྟར། ཆུ་ཤིང་ནི་ལན་ཅིག་འབྲས་བུ་བསྐྱེད་ནས་ཟད་པའི་རིགས་ཡིན་ལ། དཔག་བསམ་གྱི་ཤིང་ནི་རྟག་པར་འབྲས་བུ་འབྱིན་ཅིང་མི་ཟད་པའི་རིགས་ཡིན་པས། བྱང་ཆུབ་ཀྱི་སེམས་ཀྱིས་ཟིན་པའི་དགེ་རྩ་ནི་དཔག་བསམ་གྱི་ཤིང་དང་འདྲ་བར་མི་ཟད་ཅིང་འཕེལ་བ་ཡིན་ནོ། །
མདོར་ན།
[རྩོམ་སྒྲིག]ཆུ་ཤིང་ཞེས་པའི་དཔེ་མཚོན་འདི་ལ་གཙོ་བོ་དོན་གཉིས་ཀ་བསྟན་པ་སྟེ། དངོས་པོ་རང་བཞིན་གྱིས་གྲུབ་པའི་སྙིང་པོ་མེད་པ་དང་། བྱང་ཆུབ་ཀྱི་སེམས་ཀྱིས་མ་ཟིན་པའི་དགེ་བའི་རྩ་བ་རྣམས་འབྲས་བུ་བསྐྱེད་ནས་ཟད་པར་འགྱུར་བ་གཉིས་སོ། ཤེས་རབ་འབྱུང་གནས་བློ་གྲོས་ཀྱིས་གསུངས་པ་ལྟར། "ཇི་ལྟར་ཆུ་ཤིང་ལན་ཅིག་འབྲས་བུ་བསྐྱེད་ནས་ཡང་འབྲས་བུ་མི་སྐྱེད་པ་དེ་བཞིན་དུ་བྱང་ཆུབ་ཀྱི་སེམས་ལས་གཞན་པའི་དགེ་བ་ཀུན་ནི་ཅུང་ཟད་ཀྱང་མ་ཡིན་པ་ཉིད་དོ། རྣམ་པར་སྨིན་པ་ཡོངས་སུ་སྨིན་ནས་ཡང་འབྲས་བུ་བསྐྱེད་པའི་ནུས་པ་མེད་པ་ཡིན་ཏེ། དེ་ཙམ་ཉིད་ཀྱིས་འདིའི་རྣམ་པར་སྨིན་པ་ཟད་པའི་ཕྱིར།"[༤] ཞེས་གསུངས་པ་ལྟར་རོ། །
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| 科學分類 | ||||||||||||||
| ||||||||||||||
| 二名法 | ||||||||||||||
| Musa basjoo Sieb. & Zucc. |
དཔྱད་གཞི་
[རྩོམ་སྒྲིག]- ཁོན་མིང་སྐྱེ་དངོས་ཞིབ་འཇུག་ཁང་. "ཆུ་ཤིང་". 《ཀྲུང་གོའི་མཐོ་རིམ་རྩི་ཤིང་གྲངས་མཛོད་ཆེན་མོ་》. ཀྲུང་གོའི་ཚན་རིག་ཁང་སྐྱེ་དངོས་ཕྲ་བུ་ཞིབ་འཇུག་ཁང་. Archived from the original on 2016-03-05. Retrieved 2009-02-24.
ཕྱི་འབྲེལ་
[རྩོམ་སྒྲིག]- ཆུ་ཤིང་ སྨན་རྫས་སྐྱེ་དངོས་པར་རིས་དཔྱད་གཞི་གྲངས་མཛོད་Template:Zh-hantTransclusion error: {{En}} is only for use in File namespace. Use {{lang-en}} or Script error: No such module "Template link general". instead.