ཆབ་མདོ་བཀའ་ཤག་
ཆབ་མདོ་བཀའ་ཤག
[རྩོམ་སྒྲིག]ལོ་རྒྱུས།
[རྩོམ་སྒྲིག]བོད་རབ་བྱུང་བཅོ་ལྔ་པའི་ཆུ་ཁྱི(༡༩༢༢)ལོར་ཏཱ་ལའི་བླ་མ་སྐུ་ཕྲེང་བཅུ་གསུམ་པས་གསར་འཛུགས་གནང་རྗེས་ཆབ་མདོ་དགོན་གྱི་ཕྱག་རྡོར་གྲྭ་ཚང་གི་ཡང་སྟེང་དུ་ལས་ཁུངས་བཙུགས་ཤིང་། ས་བྱི(༡༩༤༨)ལོར་ཆབ་མདོ་སྲིད་ཐོག་ཐང་ཞེས་པར་ཁང་པ་གསར་སྐྲུན་གྱིས་གནས་སྤོ་བྱས། ལས་ཁུངས་འདིར་ཡོངས་གྲགས་སུ་མདོ་སྨད་སྤྱི་ཁྱབ་ཅེས་འབོད་ཅིང་། མདོ་སྤྱི་ཐོག་མ་བཀའ་བློན་བླ་མ་བྱམས་པ་བསྟན་དར་ནས་ང་ཕོད་བར་བཀའ་བློན་དང་ཛ་ཟག་སོགས་རིམ་པ་བཅུ་ཙམ་རིམ་པར་འགྲོ་སྐྱོད་འཕོ་ལེན་བྱས། མདོ་སྤྱིས་མདོ་སྨད་རྫོང་ཁག་ཉི་ཤུ་རྩ་གཉིས་ཙམ་གྱི་ས་ཁུལ་དུ་ཆབ་སྲིད་དང་། དཔལ་འབྱོར། དམག་དོན་བཅས་ཕྱོགས་གང་ཅིའི་ལས་དོན་ལ་ཁྱབ་འདོམས་བྱས་ཡོད། ལས་ཁུངས་འདིར་སྤྱི་ཁྱབ་བཀའ་བློན་གྱིས་གཙོ་བྱེད་པའི་འོག་ལས་བྱ་མགྲོན་དྲུང་གཉིས་དང་། གཟིམ་འགག་གཅིག དེ་མིན་ལས་བྱ་མཁན་ཆེ་གཅིག་དང་། མཁན་རིམ་གཉིས། གར་དགོས་སེར་སྐྱ་བཅོ་ལྔ་སྐོར་ཡོད་པ་བཅས་ལས་ཁུངས་དང་གོ་མིང་རྒྱབ་འཁུར་གྱི་མི་སྣ་སོ་སོའི་འགན་དབང་སྤྱོད་ཕྱོགས་ནི་ལྷ་ས་བཀའ་ཤག་དང་གཅིག་མཚུངས་ཡིན།
ཆབ་མདོ་མདོ་སྤྱི།
[རྩོམ་སྒྲིག]མདོ་སྤྱི་ཐོག་མ་བཀའ་བློན་བླ་མ་བྱམས་པ་བསྟན་དར་ནས་ང་ཕོད་བར་བཀའ་བློན་དང་ཛ་ཟག་སོགས་རིམ་པ་བཅུ་ཙམ་རིམ་པར་འགྲོ་སྐྱོད་འཕོ་ལེན་བྱས།
མདོ་སྤྱི་ང་ཕོད་ངག་དབང་འཇིག་མེད།
[རྩོམ་སྒྲིག]ཆབ་མདོ་བཀའ་བཤག་གི་མདོ་སྤྱི་མཇུག་མ།